Connect with us

ព័ត៌មានអន្ដរជាតិ

ជនជាតិឥណ្ឌា មួយគ្រួសារ សម្លាប់ខ្លួន ព្រោះខ្លាចឆ្លង កូវីដ

បានផុស

នៅ

ដោយភ័យខ្លាច ឆ្លងវីរុសកូវីដ-១៩ សមាជិក៤នាក់នៃគ្រួសារមួយនៅតំបន់ Vaddegeri នៃទីក្រុង Kurnool ក្នុងរដ្ឋ Andhra Pradesh បានសម្រេចចិត្តធ្វើអត្តឃាត ដោយផឹកថ្នាំពុល។

អ្នកស្លាប់ត្រូវបានគេស្គាល់អត្តសញ្ញាណថាមានឈ្មោះ Pratap អាយុ៤២ឆ្នាំ, ប្រពន្ធរបស់គាត់ឈ្មោះ Hemalata អាយុ៣៦ឆ្នាំ, កូនប្រុស Jayant អាយុ១៧ឆ្នាំ និងកូនស្រី Rishita អាយុ១៤ឆ្នាំ។

កាលពីព្រឹកថ្ងៃពុធ នៅពេលដែលគ្មាននរណាម្នាក់ចេញពីផ្ទះ អ្នកជិតក៏សង្ស័យហើយបានគោះទ្វារ។ ក្រោយពេលដែលគ្មាននរណាម្នាក់ឆ្លើយតប ពួកគេក៏បានរាយការណ៍ទៅប៉ូលិស។

ពេលចូលដល់ផ្ទះ ប៉ូលិសបានប្រទះឃើញ អ្នកទាំងបួន ដេកស្លាប់នៅលើឥដ្ឋ។

សំបុត្រមួយច្បាប់ត្រូវបានគេរកឃើញនៅក្នុងផ្ទះនោះដែលសរសេរថា ក្រុមគ្រួសារនេះ មានភាពតានតឹងបន្ទាប់ពីដឹងថា មិត្តភក្តិនិងសាច់ញាតិរបស់ពួកគេ ស្លាប់ដោយសារតែជំងឺកូវីដ-១៩ ហើយពួកគេបារម្ភថា ពួកគេអាចឆ្លងវីរុសនេះផងដែរ ទើបសម្រេចចិត្តសម្លាប់ខ្លួនតែម្តង៕

ប្រែសម្រួល៖ Vann Vann

ប្រភព៖ India Today

ចុចអាន៖ ទីបំផុត វីរុសបំប្លែងខ្លួនថ្មី “Delta Plus” មានករណីឆ្លងក្នុងប្រទេស ឥណ្ឌា ហើយ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម