Breaking News! យន្តហោះដឹកអ្នកដំណើររុស្ស៊ី កំពុងបាត់ខ្លួន

យន្ដហោះធុន AN-26 របស់រុស្ស៊ីដែលមានដឹកអ្នកដំណើរចំនួន ២៨ នាក់ បានបាត់ខ្លួនក្នុងឧបទ្វីប Kamchatka នៅចុងភាគខាងកើត ប្រទេសរុស្ស៊ី។

ភ្នាក់ងារព័ត៌មាន Interfax, RIA Novosti និង TASS បានដកស្រង់សម្តីមន្ត្រីមូលដ្ឋាន ដែលនិយាយនៅថ្ងៃអង្គារនេះថា យន្តហោះបានហោះចេញពីទីក្រុង Petropavlovsk-Kamchatsky ទៅតំបន់ Palana ក្នុងឧបទ្វីប Kamchatka នៅពេលបាត់ទំនាក់ទំនង។

ប្រភពបាននិយាយថា យន្ដហោះនេះ បានបាត់បង់ទំនាក់ទំនងជាមួយអ្នកគ្រប់គ្រងចរាចរណ៍ផ្លូវអាកាស ខណៈពេលព្យាយាមចុះចត។

ប្រភពមួយបានលើកឡើងថា យន្ដហោះនេះអាចធ្លាក់ចូលសមុទ្រហើយមួយទៀតប្រាប់ទៅភ្នាក់ងារ Interfax ថា វាអាចនឹងធ្លាក់នៅក្បែរអណ្តូងរ៉ែធ្យូងថ្មមួយកន្លែង ជិតតំបន់ Palana។

សេចក្តីរាយការណ៍បាននិយាយថា ប្រតិបត្តិការរុករក បានចាប់ផ្តើម ដោយមានមានការចូលរួមពីឧទ្ធម្ភាគចក្រចំនួន ពីរគ្រឿងនិងក្រុមជួយសង្គ្រោះ៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ ទីបំផុត ហ្វីលីពីន រកឃើញប្រអប់ខ្មៅនៃយន្តហោះយោធា ដែលធ្លាក់សម្លាប់មនុស្ស ៥២ នាក់