កូនប្រសាលោក Trump ឈរឈ្មោះតំណែងសំខាន់មួយដើម្បីស្ទួយគ្រួសារ

កូនប្រសាស្រីរបស់លោកប្រធានាធិបតី Donald Trump គឺលោកស្រី Lara Trump បានក្លាយជាសមាជិកបន្ទាប់នៃក្រុមគ្រួសារនយោបាយមួយនេះ ខណៈលោកស្រីមានអាសនៈព្រឹទ្ធសភានៅរដ្ឋ North Carolina ។

លោកស្រី Lara អាយុ ៣៨ ឆ្នាំបានរៀបការជាមួយកូនប្រុសកណ្តាលរបស់លោក Trump គឺលោក Eric អស់រយៈពេល ៦ ឆ្នាំមកហើយ ហើយបានធ្វើការជាទីប្រឹក្សាជាន់ខ្ពស់ក្នុងក្រុមលោក Trump ឆ្នាំ ២០២០ នេះផងដែរ ។

ចំណែកលោកស្រី Mercedes Schlapp ទីប្រឹក្សាយុទ្ធនាការលោក Trump បានប្រាប់កាសែត New York Times ថា “លោកស្រី Lara មានភាពទាក់ទាញខ្លាំងណាស់ លោកស្រីយល់ពីនយោបាយបានល្អ ហើយមានសភាវគតិធម្មជាតិសម្រាប់នយោបាយ ។ ជាពិសេសលោកស្រីមានគ្រួសារនៅរដ្ឋ North Carolina តែម្ដង ហើយមនុស្សជាច្រើនស្គាល់លោកស្រី ។ លោកស្រីបានធ្វើការយ៉ាងខ្លាំងនៅក្នុងយុទ្ធនាការនេះ ហើយបានចូលរួមយ៉ាងច្រើននៅក្នុងការសម្រេចចិត្តជាច្រើន ខណៈឪពុកក្មេករបស់លោកស្រីគឺលោក Donald Trump បានឈ្នះឆ្នោតក្នុងរដ្ឋមួយនេះនៅក្នុងការបោះឆ្នោតឆ្នាំ ២០២០ ដោយសម្លេង ១.៣ ភាគរយ” ។

ចលនានយោបាយរបស់គ្រួសារលោក Trump បានស្ថិតនៅក្នុងការចាប់អារម្មណ៍យ៉ាងខ្លាំង ចាប់តាំងពីប្រធានាធិបតីរូបនេះបានចាញ់ការបោះឆ្នោតនាឆ្នាំ ២០២០ នេះ ។

ទន្ទឹមនោះកាលពីដើមខែនេះអតីតអគ្គសេនាធិការរបស់លោក Trump គឺលោក Mick Mulvaney ក៏បាននិយាយដែរថា ប្រធានាធិបតីនឹងឈរឈ្មោះបោះឆ្នោតជាប្រធានាធិបតីម្តងទៀតនៅឆ្នាំ ២០២៤ ។

លោកបាននិយាយថា “បន្ទាប់ពីការបោះឆ្នោតនេះចប់ តើនរណាជាបេក្ខជនឈានមុខខាងគណបក្សសាធារណរដ្ឋសម្រាប់ឆ្នាំ ២០២៤?” ។ លោកបាននិយាយថា “ខ្ញុំរំពឹងយ៉ាងមុតមាំថា លោកប្រធានាធិបតីនឹងចូលរួមក្នុងនយោបាយសាជាថ្មី ហើយខ្ញុំនឹងដាក់គាត់ក្នុងបញ្ជីជម្រើសបេក្ខជនដែលនឹងឈរឈ្មោះបោះឆ្នោតនៅឆ្នាំ ២០២៤” ៕

ប្រែសម្រួលដោយ ៖ ជីវ័ន្ត

ប្រភព ៖ The Sun

ចុចអាន ៖ ទីក្រុងមួយក្នុងរដ្ឋ Alaska ជួបប្រទះពេលយប់ ២ ខែ

ចុចអាន ៖ មេធាវីលោក Trump ចោទប្រកាន់ត្រកូល Clinton​ នៅពីក្រោយការក្លែងបន្លំសន្លឹកឆ្នោត