ព័ត៌មានអន្ដរជាតិ
ក្រុមហ៊ុនផលិតស្រោមដៃជ័រធំបំផុតលើពិភពលោកត្រៀមបិទរោងចក្រ ក្រោយបុគ្គលិកជាច្រើនឆ្លងកូវីដ
ក្រុមហ៊ុនផលិតស្រោមដៃជ័រធំជាងគេបំផុតនៅលើពិភពលោកនឹងបិទរោងចក្រជាងពាក់កណ្តាលនៃរោងចក្ររបស់ខ្លួន បន្ទាប់ពីបុគ្គលិកជិត ២,៥០០ នាក់បានធ្វើតេស្តវិជ្ជមានជំងឺកូវីដ ១៩ ។
ក្រុមអាជ្ញាធរបាននិយាយថា ក្រុមហ៊ុន Top Glove របស់ប្រទេសម៉ាឡេស៊ីនឹងបិទរោងចក្រចំនួន ២៨ តាមដំណាក់កាល ខណៈដែលខ្លួនព្យាយាមគ្រប់គ្រងការផ្ទុះឡើងនៃជំងឺកូវីដ ១៩ ។
ក្រុមហ៊ុនបានមើលឃើញប្រាក់ចំណេញខ្ពស់បំផុតនៅឆ្នាំនេះ ដោយសារតម្រូវការឧបករណ៍ការពារផ្ទាល់ខ្លួនបានកើនឡើងនៅជុំវិញពិភពលោក ។
ប៉ុន្តែភាគហ៊ុននៅក្នុងក្រុមហ៊ុន Top Glove បានធ្លាក់ចុះ ៧.៥ ភាគរយនៅថ្ងៃអង្គារនេះ បន្ទាប់ពីការប្រកាសអំពីការបិទរោងចក្រ ។
ក្រសួងសុខាភិបាលនៃប្រទេសម៉ាឡេស៊ីបានរាយការណ៍អំពីការកើនឡើងយ៉ាងខ្លាំងនៃករណីឆ្លងជំងឺកូវីដ ១៩ នៅក្នុងតំបន់រោងចក្រ និងកន្លែងស្នាក់អាស្រ័យសម្រាប់ក្រុមហ៊ុន Top Glove ។ កម្មករជិត ៥,៨០០ នាក់ត្រូវបានពិនិត្យរហូតមកដល់ពេលនេះ ខណៈធ្វើតេស្តវិជ្ជមានចំនួន ២,៤៥៣ នាក់ ។
ក្រុមហ៊ុន Top Glove បានបើករោងចក្រចំនួន ៤១ នៅប្រទេសម៉ាឡេស៊ីដោយមានកម្មករជាច្រើនមកពីប្រទេសនេប៉ាល់ ហើយរស់នៅក្នុងអគារអន្តេវាសិកដ្ឋានដ៏ចង្អៀតណែនណាន់តាន់តាប់ ។
អគ្គនាយកសុខាភិបាលលោក Noor Hisham Abdullah បានប្រាប់ទីភ្នាក់ងារសារព័ត៌មាន Reuters ថា “អ្នកទាំងអស់ដែលបានធ្វើតេស្តវិជ្ជមានត្រូវបានបញ្ជូនទៅកាន់មន្ទីរពេទ្យ ហើយទំនាក់ទំនងជិតស្និទ្ធរបស់ពួកគេត្រូវបានធ្វើចត្តាលីស័កដើម្បីចៀសវាងការឆ្លងទៅកម្មករផ្សេងទៀត” ។
គេមិនទាន់ច្បាស់ទេថាតើការបិទរោងចក្រនេះនឹងចាប់ផ្តើមនៅពេលណា ដោយគ្រាន់តែបញ្ជាក់ថា វានឹងកើតឡើងឆាប់ៗនេះ ៕
ប្រែសម្រួលដោយ ៖ ជីវ័ន្ត
ប្រភព ៖ BBC
ចុចអាន ៖ ស្ដេចអេស្ប៉ាញត្រូវធ្វើចត្តាឡីស័ក សង្ស័យឆ្លងកូវីដ
ចុចអាន ៖ EU ព្រមានបារាំងអំពីសេរីភាពសារព័ត៌មាន ខណៈរដ្ឋាភិបាលលោក Macron បន្តជំរុញច្បាប់សន្តិសុខ
-
ព័ត៌មានជាតិ១៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)