ព័ត៌មានអន្ដរជាតិ

ឈប់បារម្ភ! ផលប៉ះពាល់ពីវ៉ាក់សាំង ចំពោះស្ត្រីមានផ្ទៃពោះនិងបំបៅដោះកូន គឺស្រាលដូចមនុស្សទូទៅដែរ

បានផុស

៥ years មុន

នៅ

ថ្ងៃពុធ ១៨ សីហា ២០២១

ដោយ

ផលប៉ះពាល់ចំពោះវ៉ាក់សាំងកូវីដ ចំនួន ៣ ដែលមាននៅសហរដ្ឋអាមេរិក គឺជារឿងធម្មតា ភាគច្រើនគឺស្រាល ដូចជាឈឺចាប់នៅកន្លែងចាក់ថ្នាំ ហើយក៏មិនធ្ងន់ធ្ងរដល់ស្ត្រីមានផ្ទៃពោះនិងបំបៅកូនឡើយ។ នេះបើយោងតាមការសិក្សាមួយ ដែលបានចេញផ្សាយដោយសារព័ត៌មាន JAMA Network Open ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យបានបង្ហាញថា ប្រហែល ៩០ភាគរយ នៃអ្នកមានផ្ទៃពោះនៅក្នុងការស្រាវជ្រាវបានរាយការណ៍ពីការឈឺចាប់នៅកន្លែងចាក់ បន្ទាប់ពីចាក់លើកទី ១ និងទី ២ ។ ចំណែក៣០ភាគរយ នៃអ្នកមិនមានផ្ទៃពោះ បង្ហាញថា ពួកគេអស់កម្លាំងបន្ទាប់ពីចាក់លើកដំបូង និង ៦១ ភាគរយ បន្ទាប់ពីលើកទីពីរ។

លោកស្រីវេជ្ជបណ្ឌិត Alisa Kachikis អ្នកឯកទេសខាងវេជ្ជសាស្ត្រមាតានិងទារកនៅ UW Medicine ក្នុងទីក្រុង Seattle បានប្រាប់សារព័ត៌មាន UPI តាមអ៊ីមែលថា” អ្នកមានផែនការមានផ្ទៃពោះ គួរតែមានអារម្មណ៍ជឿជាក់ចំពោះការចាក់វ៉ាក់សាំង។ វាមិនត្រឹមតែការពារស្ត្រីមានផ្ទៃពោះពីការឆ្លងជំងឺកូវីដធ្ងន់ធ្ងរប៉ុណ្ណោះទេ ប៉ុន្តែអង់ទីគ័រត្រូវបានបញ្ជូនទៅទារកលើសុក អំឡុងពេលមានផ្ទៃពោះ និងក្នុងទឹកដោះម្តាយ ក្រោយពេលសម្រាលកូន ក៏អាចជួយផ្ដល់ការការពារដល់ទារកទើបនឹងកើតផងដែរ” ។

របាយការណ៍មួយដែលចេញដោយអ្នកស្រាវជ្រាវទីភ្នាក់ងារបានរកឃើញថា មិនមានការព្រួយបារម្ភអំពីសុវត្ថិភាពចំពោះវ៉ាក់សាំងកូវីដ ដែលមានពីរដូសគឺ Moderna និង Pfizer-BioNTech និង Johnson & Johnson តែមួយដូស ចំពោះអ្នកមានផ្ទៃពោះ ឬអ្នកដែលកំពុងបំបៅកូនដោយទឹកដោះនោះទេ។

សម្រាប់ការសិក្សានេះលោកស្រី Kachikis បានចងក្រងរបាយការណ៍ ពីផលប៉ះពាល់ក្នុងចំណោមមនុស្សប្រមាណ ៧,៨០០ នាក់ដែលមានផ្ទៃពោះ និង ៦,៨០០ នាក់ដែលកំពុងបំបៅដោះកូន និង ២,៩០០ នាក់ដែលមិនមានផ្ទៃពោះ។ ក្នុងចំណោមអ្នកចូលរួមទាំងអស់ ៩៧ភាគរយ បានរាយការណ៍អំពីប្រតិកម្មក្រោយការចាក់វ៉ាក់សាំង បន្ទាប់ពីចាក់លើកដំបូង ដោយប្រតិកម្មទូទៅគឺការឈឺចាប់នៅកន្លែងចាក់ថ្នាំ ៩១ភាគរយនិងអស់កម្លាំង ៣១ភាគរយ៕

ប្រែសម្រួល៖ សាង ស្រីល័ក្ខ

ប្រភព៖UPI

ចុចអាន៖ WHO ៖ ស្ត្រីមានផ្ទៃពោះ និងបំបៅដោះកូន កុំភ័យខ្លាចការចាក់វ៉ាក់សាំងកូវីដ គ្មានផលប៉ះពាល់ដល់ទារកឡើយ

Related Topics:ស្រ្តីមានផ្ទៃពោះ ស្រ្តីបំបៅដោះកូន

ព័ត៌មានអន្ដរជាតិ១៥ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា