ព័ត៌មានអន្ដរជាតិ
ចិន ទាញយកភាពវឹកវរនៅ មីយ៉ាន់ម៉ា ដើម្បីអនុវត្តគម្រោង “ខ្សែក្រវាត់ និងផ្លូវ”
យោធាមីយ៉ាន់ម៉ាបានយល់ព្រមជាមួយប្រទេសចិនលើគម្រោង “ខ្សែក្រវាត់ និងផ្លូវ” ជាការវិនិយោគបរទេសលើកដំបូង ចាប់តាំងពីរដ្ឋប្រហារកាលពីខែមីនា ខណៈទីក្រុងប៉េកាំងកំពុងព្យាយាមពន្លឿនការអនុវត្តគម្រោងនេះ ចំពេលមានការប្រឆាំងយ៉ាងខ្លាំង បន្ទាប់ពីវិនិយោគិនបរទេសភាគច្រើនបានចាកចេញពីប្រទេសមីយ៉ាន់ម៉ា ដោយសារតែរដ្ឋប្រហារ ហើយចិនកំពុងទទួលបានឱកាសវិនិយោគបន្ថែម ដោយទាញយកផលប្រយោជន៍ពីភាពវឹកវរនៅក្នុងប្រទេសនេះ ។

ទន្ទឹមនោះ អ្នកវិភាគនយោបាយលោក Khin Zaw Win ជឿជាក់ថា ក្រុមប្រឹក្សាយោធាដែលបានប្រព្រឹត្តឧក្រិដ្ឋកម្ម និងការរំលោភបំពានលើប្រជាជនមីយ៉ាន់ម៉ាកំពុងជួបវិបត្តិហិរញ្ញវត្ថុ និងការខ្វះខាតធនធាន បន្ទាប់ពីសហគមន៍អន្តរជាតិបានអំពាវនាវមិនដោះស្រាយជាមួយខ្លួន ហើយចិនបានផ្តល់ការគាំទ្រ និងកិច្ចសហប្រតិបត្តិការដើម្បីអនុវត្តគម្រោងរបស់ខ្លួននៅក្នុងប្រទេសនេះ ដើម្បីឲ្យពួកគេបន្តអនុវត្តយុទ្ធនាការយោធារបស់ពួកគេ ។

ស្របពេលជាមួយគ្នានេះ មានសេចក្តីរាយការណ៍ថា ប្រទេសមីយ៉ាន់ម៉ាបានព្យាយាមដាក់កម្រិតលើការអនុវត្តគម្រោងរបស់ចិន ស្តីពីគំនិតផ្តួចផ្តើមខ្សែក្រវាត់ និងផ្លូវ (BRI) និងកាត់បន្ថយការពង្រីកខ្លួនក្នុងរយៈពេលប៉ុន្មានឆ្នាំចុងក្រោយនេះ ។

លោក Khin Zaw Win បាននិយាយថា “ប្រទេសចិនតែងតែស្វែងរកគម្រោងបន្ថែម ការវិនិយោគបន្ថែមនៅក្នុងប្រទេសមីយ៉ាន់ម៉ាក្នុងរយៈពេល ១០ ឆ្នាំចុងក្រោយនេះដែលជាផ្នែកមួយនៃការស្ថាបនាផ្លូវរបស់ខ្លួន ។ ដូច្នេះឥឡូវនេះវាជាពេលវេលាដ៏សំខាន់សម្រាប់ប្រទេសមីយ៉ាន់ម៉ា” ។

លោកនិយាយទៀតថា “យើងបានឆ្លងកាត់រដ្ឋប្រហារ និងវិបត្តិសេដ្ឋកិច្ច ។ ប្រជាជនស្ថិតក្នុងស្ថានភាពអស់សង្ឃឹម ។ ខ្ញុំគិតថា រដ្ឋាភិបាលក៏ស្ថិតក្នុងស្ថានភាពអស់សង្ឃឹមដែរ ។ ដូច្នេះមានរឿង ២ គឺទី ១ រដ្ឋាភិបាលចង់បានការវិនិយោគបន្ថែមទៀតនៅក្នុងប្រទេសមីយ៉ាន់ម៉ា និងទី ២ ពួកគេក៏ចង់ផ្តល់សញ្ញាដល់ប្រទេសចិនថា ពួកគេចង់បន្តមានភាពជិតស្និទ្ធជាមួយសាជីវកម្មផងដែរ ។ ដូច្នេះខ្ញុំគិតថា វាមានប្រសិទ្ធភាពទាំងពីរ ។ ប្រទេសចិនបង្ហាញពីពេលវេលាត្រឹមត្រូវដើម្បីស្នើការវិនិយោគនេះ ហើយរដ្ឋាភិបាលយោធាសូមទទួលយក” ៕

ប្រែសម្រួលដោយ ៖ ជីវ័ន្ត
ប្រភព ៖ A24 News Agency

-
ព័ត៌មានអន្ដរជាតិ៧ ថ្ងៃ ago
ពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
បច្ចេកវិទ្យា៣ ថ្ងៃ ago
OPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ៥ ថ្ងៃ ago
ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៥ ថ្ងៃ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៣ ថ្ងៃ ago
រដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានជាតិ១ សប្តាហ៍ ago
ព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៥ ថ្ងៃ ago
«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម៥ ថ្ងៃ ago
អាវុធហត្ថបង្ក្រាបរថយន្ត ១ គ្រឿង លួចដឹកទឹកដោះគោស្រស់ ២៧ កេះ នាំចូលពីថៃ