ព័ត៌មានអន្ដរជាតិ
ក្រុមតាលីបង់ ពឹងផ្អែកជាចម្បងលើហិរញ្ញប្បទានរបស់ ចិន
អ្នកនាំពាក្យក្រុមតាលីបង់លោក Zabihullah Mujahid បានប្រាប់កាសែតអ៊ីតាលីថា ក្រុមនេះនឹងពឹងផ្អែកជាចម្បងលើការផ្តល់ហិរញ្ញប្បទានពីប្រទេសចិន បន្ទាប់ពីការដកកងទ័ពបរទេសចេញពីអាហ្វហ្គានីស្ថាននិងការកាន់កាប់របស់ខ្លួនលើប្រទេសនេះ។
នៅក្នុងបទសម្ភាសន៍របស់គាត់ដែលបោះពុម្ពផ្សាយដោយកាសែត La Repubblica កាលពីថ្ងៃព្រហស្បតិ៍ លោក Mujahid និយាយថា ក្រុមតាលីបង់ នឹងប្រយុទ្ធដើម្បីការវិលត្រឡប់មកវិញនៃសេដ្ឋកិច្ច ដោយមានជំនួយពីប្រទេសចិន។
ក្រុមតាលីបង់បានដណ្តើមកាន់កាប់រដ្ឋធានីកាប៊ុលរបស់អាហ្វហ្គានីស្ថាននៅថ្ងៃទី១៥ខែសីហា ខណៈរដ្ឋាភិបាលដែលគាំទ្រដោយប្រទេសលោកខាងលិចបានរលាយសាបសូន្យ។ វាជាការបញ្ចប់សង្គ្រាមរយៈពេល ២០ ឆ្នាំចំពេលមានការភ័យខ្លាចពីការដួលរលំសេដ្ឋកិច្ចនិងភាពអត់ឃ្លានរីករាលដាល។
បន្ទាប់ពីការចាកចេញដ៏វឹកវររបស់កងទ័ពបរទេសពីអាកាសយានដ្ឋានក្រុងកាប៊ុលក្នុងរយៈពេលប៉ុន្មានសប្តាហ៍ថ្មីៗនេះ បណ្តាប្រទេសលោកខាងលិច បានដាក់កម្រិតយ៉ាងធ្ងន់ធ្ងរលើការផ្តល់ជំនួយរបស់ពួកគេដល់អាហ្វហ្គានីស្ថាន។
អ្នកនាំពាក្យក្រុមតាលីបង់បាននិយាយនៅក្នុងបទសម្ភាសន៍ថា “ប្រទេសចិនគឺជាដៃគូដ៏សំខាន់បំផុតរបស់យើង ហើយតំណាងឲ្យឱកាសជាមូលដ្ឋាននិងអស្ចារ្យសម្រាប់យើង ពីព្រោះចិនបានត្រៀមខ្លួនរួចជាស្រេចដើម្បីវិនិយោគនិងកសាងប្រទេសរបស់យើងឡើងវិញ”។
លោកបន្តថា គម្រោងផ្លូវសូត្រថ្មី ដែលជាគំនិតផ្តួចផ្តើមហេដ្ឋារចនាសម្ព័ន្ធដែលចិនចង់បង្កើនឥទ្ធិពលពិភពលោកតាមរយៈការបើកផ្លូវពាណិជ្ជកម្ម គឺត្រូវបានក្រុមតាលីបង់យកចិត្តទុកដាក់យ៉ាងខ្លាំង។
មានរ៉ែទង់ដែងសម្បូរបែបនៅក្នុងប្រទេសដែលអាចត្រូវបានដាក់ឲ្យដំណើរការឡើងវិញនិងធ្វើទំនើបកម្ម។ លើសពីនេះ ចិនគឺជាច្រករបស់យើងទៅកាន់ទីផ្សារទូទាំងពិភពលោក។
លោក Mujahid ក៏បានបញ្ជាក់ផងដែរថា ស្ត្រីនឹងត្រូវបានអនុញ្ញាតឲ្យបន្តការសិក្សានៅសាកលវិទ្យាល័យនាពេលអនាគត។ ស្ត្រីនឹងអាចធ្វើការជាគិលានុបដ្ឋាយិកា ប៉ូលិសឬជាជំនួយការនៅក្នុងក្រសួងប៉ុន្តែលោកបានច្រានចោលថា នឹងមានរដ្ឋមន្ត្រីជាស្ត្រី៕
ប្រែសម្រួល៖ Vann Vann
ប្រភព៖ Al Jazeera
ចុចអាន៖ តាលីបង់ បើកការវាយលុកទៅខេត្តចលនាតស៊ូប្រដាប់អាវុធ អាហ្វហ្គានីស្ថាន ក្រោយការចរចាបរាជ័យ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល