Breaking News! តាលីបង់ បើកការវាយលុកទៅខេត្តចលនាតស៊ូប្រដាប់អាវុធ អាហ្វហ្គានីស្ថាន ក្រោយការចរចាបរាជ័យ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

Breaking News! តាលីបង់ បើកការវាយលុកទៅខេត្តចលនាតស៊ូប្រដាប់អាវុធ អាហ្វហ្គានីស្ថាន ក្រោយការចរចាបរាជ័យ

បានផុស

នៅ

ទីភ្នាក់ងារសារព័ត៌មាន Al Jazeera បានរាយការណ៍នៅថ្ងៃទី ២ ខែកញ្ញានេះថា ក្រុមតាលីបង់បានចាប់ផ្តើមប្រតិបត្តិការយោធានៅក្នុងខេត្ត Panjshir ប្រទេសអាហ្វហ្គានីស្ថាន បន្ទាប់ពីការចរចាជាមួយចលនាតស៊ូប្រដាប់អាវុធដឹកនាំដោយលោក Ahmad Massoud បានបរាជ័យ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កន្លងមកថ្មីៗនេះ ចលនាតស៊ូប្រដាប់អាវុធអាហ្វហ្គានីស្ថានបាននិយាយថា ពួកគេនឹងបន្តប្រយុទ្ធជាមួយតាលីបង់ដល់ទីបញ្ចប់ ព្រោះតែការចរចារបស់ពួកគេមិនទទួលបានផ្លែផ្កា ។

យោងតាមការចរចានោះគឺ តាលីបង់បានផ្តល់អាសនៈមួយ ឬពីរនៅក្នុងរដ្ឋាភិបាលដែលពួកគេកំពុងព្យាយាមបង្កើត ប៉ុន្តែចលនាតស៊ូប្រដាប់អាវុធបានបដិសេធការផ្តល់ជូននេះ ។

ចំណែកអ្នកនាំពាក្យក្រុមតាលីបង់លោក Mohammad Naeem បានប្រាប់សារព័ត៌មាន Sputnik ថា ដំបូងឡើយ ក្រុមតាលីបង់ប្ដេជ្ជាថានឹងមិនវាយដណ្ដើមយកខេត្ត Panjshir ដោយប្រើកម្លាំងនោះទេ ហើយច្រានចោលរបាយការណ៍ប្រព័ន្ធផ្សព្វផ្សាយដែលថា មេដឹកនាំនៃចលនាតស៊ូបានប្រកាសពីការបរាជ័យការចរចានេះ ហើយតាលីបង់គ្រោងនឹងចូលឲ្យដល់ទៅក្នុងខេត្តនេះ ។

គួរបញ្ជាក់ថា ខេត្ត Panjshir គឺជាបន្ទាយនៃរណសិរ្សតស៊ូជាតិដែលដឹកនាំដោយលោក Ahmad Massoud ជាកូនប្រុសរបស់អតីតមេបញ្ជាការទ័ពព្រៃអាហ្វហ្គានីស្ថានឈ្មោះ Ahmad Shah Massoud ។ លោក Massoud បានសន្យាថានឹងចុះចេញពីតំណែងក្នុងករណី ដែលក្រុមនេះបង្កើតរដ្ឋាភិបាលរួមបញ្ចូលគ្នា និងធានាសិទ្ធិស្មើគ្នាសម្រាប់ជនជាតិអាហ្វហ្កានីស្ថានទាំងអស់ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ចលនាតស៊ូប្រដាប់អាវុធ អាហ្វហ្គានីស្ថាន បដិសេធមិនទទួលយកអាសនៈដែលផ្ដល់ដោយ តាលីបង់ និងប្ដេជ្ញាបន្តប្រយុទ្ធដល់ទីបញ្ចប់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services