ព័ត៌មានអន្ដរជាតិ
សភាថៃមានគម្រោងបោះឆ្នោតទម្លាក់លោកនាយករដ្ឋមន្ត្រី ប្រាយុទ្ធ
ភាពចម្រូងចម្រាសកំពុងផ្ទុះឡើងជុំវិញកិច្ចព្រមព្រៀងនយោបាយដើម្បីទម្លាក់លោកនាយករដ្ឋមន្ត្រីថៃ ប្រាយុទ្ធ ចាន់អ៊ូចា ចាកចេញពីអំណាច បន្ទាប់ពីសមាជិកសភាមួយចំនួនមកពីគណបក្សតូចៗនៅក្នុងរដ្ឋាភិបាលចម្រុះបានបញ្ជាក់ពីផែនការចាកចេញ។
ក្នុងចំណោមគណបក្សចម្រុះតូចៗជិតឈានចូលរួមជាមួយគ្នាក្នុងចលនាមួយដើម្បីបោះឆ្នោតមិនទុកចិត្តទម្លាក់នាយករដ្ឋមន្ត្រីគឺគណបក្ស New Palangdharma Party។
មេដឹកនាំគណបក្សលោក Rawi Matchamadon បាននិយាយថា គណបក្សតូចជាកត្តាដ៏សំខាន់នៅក្នុងស្ថានភាពនយោបាយបច្ចុប្បន្ន ដោយបញ្ជាក់ថា របាយការណ៍មួយអំពីឥស្សរជនសំខាន់ៗនៅក្នុងបក្សកាន់អំណាច Palang Pracharath Party (PPRP) និងគណបក្សប្រឆាំង Pheu Thai បានឈានដល់កិច្ចព្រៀងមួយដើម្បីបោះឆ្នោតប្រឆាំងនឹងលោកនាយករដ្ឋមន្ត្រី ប្រាយុទ្ធ និងទម្លាក់ចេញពីអំណាចគឺជាការពិត។
លោក Rawi ឲ្យដឹងថា បច្ចុប្បន្ននេះ គណបក្សរដ្ឋាភិបាលចម្រុះតូចៗចំនួន៩ដែលបក្សនីមួយៗមានសមាជិកសភាម្នាក់។ លោកបន្ថែម មានគណបក្សរដ្ឋាភិបាលចម្រុះតូចៗមានសមាជិកសភាតិចជាង១០រូបដូចជាបក្ស Chartthaipattana និង New Economics។
លោកបន្តថា ពួកគេបូករួមបញ្ចូលគ្នាមានសំឡេងប្រហែលជា២០សំឡេង។ ប្រសិនបើបក្សតូចចូលរួមជាមួយបក្សប្រឆាំងក្នុងការបោះឆ្នោតប្រឆាំងនឹងលោកនាយករដ្ឋមន្ត្រី ពួកគេនឹងមានសំឡេងប្រហែល២១២សំឡេងដែលគ្រប់គ្រាន់ដើម្បីទម្លាក់លោក ប្រាយុទ្ធ ចេញពីអំណាចបាន។
លោកបន្តថា ប្រសិនបើពួកគេអាចទម្លាក់នាយករដ្ឋមន្ត្រីចេញពីអំណាចបាន នាយករដ្ឋមន្ត្រីថ្មីទំនងជាមិនត្រូវបានជ្រើសរើសចេញពីបញ្ជីឈ្មោះបេក្ខភាពនាយករដ្ឋមន្ត្រីដែលត្រូវបានដាក់ដោយគណបក្សនានាបច្ចុប្បន្ននេះទេ។ ប្រការនេះមានន័យថា អ្នកខាងក្រៅអាចត្រូវបានជ្រើសរើស។
លោក Rawi បានបញ្ជាក់ថា អ្វីដែលសំខាន់ទៀតនោះ អ្នកខាងក្រៅត្រូវតែទទួលបានការគាំទ្រពីគណបក្ស PPRP និង Pheu Thai ជាមុន ពីព្រោះបក្សទាំងពីរនេះមានសំឡេងចូលរួមគ្នាចំនួន២៥០សំឡេង មុនពេលប្រមូលការគាំទ្របន្ថែមពីបក្សតូចៗ។
«ខ្ញុំទទួលស្គាល់ថា នៅក្នុងសភា មានការពិភាក្សាអំពីនរណានឹងមានឱកាសក្លាយជានាយករដ្ឋមន្ត្រីបន្ទាប់ និងថា បេក្ខភាពត្រូវតែទទួលបានការយល់ព្រមពីអតីតនាយករដ្ឋមន្ត្រី ថាក់ស៊ីន ស៊ីណាត្រា»។ លោកបន្តឲ្យដឹង និងបន្ថែមថា ៖«រូបមន្តនេះអាចសម្រេចបានលុះត្រាតែបក្សPPRP និង Pheu Thai រួមដៃគ្នា»។
នេះជាសម្ពាធដ៏ធំមួយទៀតសម្រាប់លោកនាយករដ្ឋមន្ត្រី ប្រាយុទ្ធ ចាន់អ៊ូចា បន្ទាប់ពីប៉ុន្មានខែចុងក្រោយនេះមានការតវ៉ាជាបន្តបន្ទាប់នៅក្រុងបាំងកកដើម្បីទាមទារឲ្យលោកចុះចេញពីអំណាចជុំវិញចំណាត់ការមិនបានល្អលើវិបត្តិកូវីដ-១៩ដែលបណ្តាលមានករណីឆ្លង និងស្លាប់ទូទាំងប្រទេសកាន់តែអាក្រក់៕
ប្រែសម្រួល៖ វីរបុត្រ
ប្រភព៖ bangkokpost
-
ព័ត៌មានជាតិ១ សប្តាហ៍ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ២ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ១ សប្តាហ៍ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
KPT+១ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ព័ត៌មានជាតិ២ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ចរាចរណ៍៤ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ១ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានអន្ដរជាតិ១១ ម៉ោង ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល