Connect with us

កីឡា

ថ្ងៃតែមួយ សិស្សលោកគ្រូ អេ ភូថង ៣រូប ត្រកូលឡៅ៣រូបជោគជ័យធំដូចគ្នា

បានផុស

នៅ

កាល​ពី​ចុង​សប្តាហ៍​កន្លង​ទៅ​ កូន​សិស្ស​លោក​គ្រូ អេ ភូថង ៣​រូប​បាន​បាន​ឈ្នះ​ខ្សែ​ក្រវាត់​​ដូច​គ្នា ហើយ​អ្នក​ប្រដាល់ត្រកូល​ ឡៅ ​ក៏​ទទួល​បាន​ជ័យជម្នះ​៣នាក់​ដូច​គ្នា​ដែរ។

អ្នក​លេង​គុន​ខ្មែរ​ត្រកូល ឡៅ

  • ឡៅ សៃណេត៖ កីឡាករ​វ័យ​ក្មេង​ទម្ងន់​ស្រាល​បាន​ឡើង​ទៅ​កាន់​វគ្គ​ផ្តាច់​ព្រ័ត្រ​ដណ្តើម​ខ្សែ​ក្រវាត់​ទម្ងន់​៥១​គីឡូក្រាម បន្ទាប់​ពី​ទទួល​បាន​ជ័យជម្នះ​លើ​កីឡាករ ឡុង ពិសិដ្ឋ នៅ​វគ្គ​ពាក់​កណ្តាល​ផ្តាច់​ព្រ័ត្រ កាល​ពី​យប់​ថ្ងៃទី​៣១ ខែ​មីនា ឆ្នាំ​២០២៤។ កន្លង​មក សៃណេត កម្រ​ឈ្នះ ពិសិដ្ឋ​ ណាស់ ប៉ុន្តែ​នៅ​វគ្គ​សំខាន់ រូប​គេ​ទទួល​បាន​ជ័យជម្នះ​ដើម្បី​ឡើង​ទៅ​កាន់​វគ្គ​ផ្តាច់​ព្រ័ត្រ​ជួប។
  • ឡៅ ចន្ទ្រា៖ ស្ថិត​ក្នុង​ការ​ប្រកួត​ទម្ងន់​៧៣​គីឡូក្រាម ប្អូន​ប្រុស​របស់​លោក ឡៅ ស៊ីណាត បាន​ប្រើ​ពេល​៣​​ទឹកដើម្បី​ផ្តួល​កីឡាករ​ថៃ Sammy ឲ្យ​សន្លប់​ដើម្បី​សង​សឹក​បាន​សម្រេច។ រូប​គេ​ធ្លាប់​ចាញ់​ទឹក​ទី​២​​កាល​ពី​ឆ្នាំ​២០២៣ ប៉ុន្តែ​ជម្រះ​បញ្ជី​ដាច់​ស្រឡះ​ហើយ​តាម​រយៈ​រន្ទះ​ជើង​ទាត់​ធ្ងន់​ៗ និង​​កែង​ដ៏​គ្រោះ​ថ្នាក់។ សម្រាប់​​ជ័យជម្នះ​ក្នុង​រាត្រី​ថ្ងៃ​ទី​៣១ ខែ​មីនា ឆ្នាំ​២០២៤ ឡៅ ចន្ទ្រា ទទួល​បាន​ប្រាក់​ឧបត្ថម្ភ​លើក​ទឹក​ចិត្ត​១០​​លាន​រៀល​បន្ថែម​លើ​តម្លៃ​ខ្លួន។
  • ឡៅ ចិត្រា៖ ប្អូន​ប្រុស​បង្កើត​របស់ ឡៅ ចន្ទ្រា ​បាន​ក្លាយ​ជា​ម្ចាស់​ខ្សែ​ក្រវាត់​គុន​ខ្មែរ​​អម​ដោយ​ប្រាក់​រង្វាន់​​៤០​លាន​រៀល (១​ម៉ឺន​ដុល្លារ) បន្ទាប់​ពីបាន​យក​ឈ្នះ​លើ​មិត្ត​រួម​ជាតិ លន បញ្ញា ដោយ​ពិន្ទុ យប់​ថ្ងៃ​​ទី​៣១ ខែ​មីនា ឆ្នាំ​២០២៤។ នេះ​ជា​ជោគជ័យធំ​មួយ​ទៀត​ដែល ឡៅ ចិត្រា ធ្លាប់​ឈ្នះ​ជា​ច្រើន​មក​ហើយ ក្នុង​នោះ​ប្រាក់​រង្វាន់​១​ម៉ឺន​ដុល្លារ​នេះ​គឺ​ជា​លើក​ទី២ ដែល​រូប​គេ​ទទួល​បាន​​ បន្ទាប់​ពី​លើក​ទី១​កាល​ពី​ឆ្នាំ​២០១៩ ក៏​ជា​ការ​ប្រកួត​ដណ្តើម​ខ្សែ​ក្រវាត់​មាស​ជា​មួយ លន បញ្ញា ដែរ។
ឡៅ សៃណេត
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
ឡៅ ចិត្រា
ឡៅ ចន្ទ្រា

កូន​សិស្ស​របស់​លោក​គ្រូ អេ ភូថង

  • ម៉ឺន មេឃា៖ កូន​ច្បង​របស់លោក អេ ភូថង ដែល​មាន​ឪពុក​​បង្កើត​ជា​គ្រូ​បង្វឹក​​តែ​ម្តង​បាន​ឈ្នះ​ខ្សែ​ក្រវាត់​គុន​ខ្មែរ​ដែល​មាន​ប្រាក់​រង្វាន់១២លាន​រៀល បន្ទាប់​ពី​ផ្តួល​មិត្ត​រួម​ជាតិ ឡុង ប៉េងលឿន ឲ្យ​សន្លប់​ក្នុង​ទឹក​ទី​២ នៅ​សង្វៀន PNN កាល​ពី​រសៀល​ថ្ងៃអាទិត្យ ទី​៣១ ខែ​មីនា ឆ្នាំ​២០២៤។
  • អេ អាំម៉ារីនភូថង៖ យប់​ថ្ងៃ​ទី​៣១ ខែ​មីនា ឆ្នាំ​២០២៤ ប្អូន​ប្រុស​របស់​ ម៉ឺន មេឃា ដែល​ត្រូវ​ជា​កូន​បង្កើត​របស់​គ្រូ អេ ភូថង គឺ​កីឡាករ អេ អាំម៉ារីនភូថង បាន​ឈ្នះ​ខ្សែ​ក្រវាត់​គុន​ខ្មែរ​អន្តរជាតិ IPCC បន្ទាប់​ពី​ការ​ប្រកួត​ត្រូវ​បាន​បន្ថែម​ទឹក​ទី​៤​រហូត​ទទួល​បាន​ជ័យជម្នះ​លើ​កីឡាកររុស្ស៊ី សាវីលីត ដូរ៉ូហ្គាស្ទីវ។
  • ធឿន ធារ៉ា៖ ក្នុង​រាត្រី​ជា​មួយ អេ អាំម៉ារីន ជើង​ខ្លាំង​ទម្ងន់​៧២​គីឡូក្រាម ធឿន ធារ៉ា បាន​យក​ឈ្នះ​ពិន្ទុ​ជើង​ខ្លាំងបេឡារុស្ស នីគីតា ដើម្បី​ការពារ​ខ្សែ​ក្រវាត់​របស់​ខ្លួន​បាន​សម្រេច។ ការ​ប្រកួត​នេះ ធារ៉ា ទទួល​បាន​ប្រាក់​ឧបត្ថម្ភ​មិន​ក្រោម​១០​លាន​រៀលទេ៕

អត្ថបទ៖ វីរបុត្

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៣៥ នាទី មុន

Metfone Stars ទទួលបាន​អ្នក​ចូល​ទស្សនា​ជាង ១០០​លាន​ដង​ត្រឹម​រយៈ​ជិត​បី​សប្តាហ៍

សេចក្ដីជូនដំណឹង៥៧ នាទី មុន

សេចក្ដីជូនដំណឹង ស្ដីពី ការអញ្ជើញចូលរួមដេញថ្លៃ គម្រោងជួសជុល និងស្ដារឡើងវិញជាបឋមនូវបណ្ដាញខ្សែកាបអុបទិកឆ្អឹងខ្នង (Backbone) នៅតាមបណ្ដោយផ្លូវជាតិលេខ២, ២២, ៣, ៣២, ៣៣, ៤ និងលេខ៧២

សេចក្ដីជូនដំណឹង១ ម៉ោង មុន

ឯកឧត្តម ឃួ​ង ស្រេង ផ្ញើ​សារលិខិត​ជូនពរ និង​អបអរសាទរ ជូន​ចំពោះ​ឯកឧត្តម អ៊ុច បូរ​រិ​ទ្ធ អនុប្រធាន​ទី​២ នៃ​ព្រឹទ្ធសភា នីតិកាល​ទី​៥

កីឡា១ ម៉ោង មុន

ព្រឹត្តិការណ៍ធំមិន​ធ្លាប់មាន មួយរាត្រី៣ខ្សែក្រវាត់ ISKA គុនខ្មែរពិភពលោក

សេចក្ដីជូនដំណឹង២ ម៉ោង មុន

ឯកឧត្តម ឃួង ស្រេង ផ្ញើសារលិខិតជូនពរ និងអបអរសាទរ ជូនចំពោះឯកឧត្តម ប្រាក់ សុខុន អនុប្រធានទី១ នៃព្រឹទ្ធសភា នីតិកាលទី៥

Sokha Hotels

ព័ត៌មានពេញនិយម