Connect with us

ព័ត៌មានអន្ដរជាតិ

កូរ៉េខាងត្បូង ប្រាប់មូលហេតុដែល កូរ៉េខាងជើង បាញ់មីស៊ីលឥតល្ហែបែបនេះ

បានផុស

នៅ

ប្រធានាធិបតីកូរ៉េខាងត្បូងលោក Yoon Suk Yeol បាននិយាយថា ប្រទេសកូរ៉េខាងជើងកំពុងព្យាយាមធ្វើឲ្យសង្គមកូរ៉េខាងត្បូងមានភាពចលាចល មុនការបោះឆ្នោតសភា បន្ទាប់ពីទីក្រុងព្យុងយ៉ាងបានបាញ់មីស៊ីលផ្លោងរយៈចម្ងាយមធ្យមចូលទៅក្នុងសមុទ្រខាងកើត ។ នេះបើយោងតាមការចេញផ្សាយដោយទីភ្នាក់ងារព័ត៌មាន Yonhap នៅថ្ងៃទី​២ ខែមេសានេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Yoon Suk Yeol​​ ​បានធ្វើការកត់សម្គាល់បែបនេះ ក្នុងអំឡុងពេលកិច្ចប្រជុំគណៈរដ្ឋមន្ត្រីដែលបានធ្វើឡើងនៅកណ្តាលទីក្រុង Sejong ពោលប៉ុន្មានម៉ោង បន្ទាប់ពីកូរ៉េខាងជើងបានបាញ់មីស៊ីលផ្លោងលើកទី ៣ របស់ខ្លួនក្នុងឆ្នាំនេះ ខណៈមីស៊ីល​នោះ​ ​ហោះ​បាន​ចម្ងាយ​ប្រហែល ៦០០ គីឡូម៉ែត្រ​ មុន​ពេលធ្លាក់នៅ​សមុទ្រ​ខាងកើត ។

លោកប្រធានាធិបតីបានបញ្ជាក់ថា កូរ៉េខាងជើងកំពុងព្យាយាមធ្វើឲ្យសង្គមកូរ៉េខាងត្បូងកក្រើក នៅមុនការបោះឆ្នោតសកល ខណៈពេលដែលទីក្រុងព្យុងយ៉ាងបន្តការបាញ់មីស៊ីល និងបង្កហេតុខាងយោធាផ្សេងទៀត ហើយលោកក៏បានអំពាវនាវឲ្យមានការត្រៀមខ្លួនទុកជាមុនផងដែរ ប្រសិនបើមានការបង្កហេតុបន្ថែមទៀតប្រាកដមែន ។

គួរបញ្ជាក់ថា កូរ៉ខាងត្បូងគ្រោងនឹងរៀបចំការបោះឆ្នោតសភា​នៅថ្ងៃទី១០ ខែមេសា​នេះ​ ខណៈប្រទេសនេះនៅតែមានបញ្ហាផ្សេងៗដូចជា ការតវ៉ាយ៉ាងចម្រូងចម្រាសរបស់ក្រុមគ្រូពេទ្យពាក់ព័ន្ធនឹងការបង្កើនចំនួនសិស្សចូលរៀនសាលាពេទ្យ និងការបន្តគំរាមគំហែងពីសំណាក់កូរ៉េខាងជើងជាដើម ៕

អត្ថបទ ៖​ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម