Connect with us

កីឡា

សមិទ្ធផលរបស់ ព្រុំ សំណាង ដែល ធឿន ធារ៉ា មិនទាន់មានដូច

បានផុស

នៅ

បច្ចុប្បន្ន​​​កីឡាករ ធឿន ធារ៉ា ត្រូវ​បាន​ចាត់​ទុក​ជា​កីឡាករប្រដាល់​ទម្ងន់​៧២​គីឡូក្រាម​ទទួល​បាន​ជោគជ័យ​បំផុត បើ​ប្រៀប​ធៀប​នឹង​កីឡាករ​ដែល​មាន​ទម្ងន់​ធ្ងន់​ផ្សេង​ទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ធឿន ធារ៉ា កំពុង​គ្រប់​គ្រង​ខ្សែ​ក្រវាត់​៧​គ្រឿង ពាន​រង្វាន់​ជា​ច្រើន និង​​ធ្លាប់​ទទួល​បាន​ប្រាក់​រង្វាន់ ប្រាក់​ឧបត្ថម្ភ​ដល់ខ្ទង់រយ​លាន​រៀល។ ជា​ពិសេស រូប​គេ​ទទួល​បាន​រង្វាន់​រថយន្ត និង​ផ្ទះ​មួយ​ល្វែង​កាល​ពី​ពេល​ថ្មី​ៗ​នេះ។

ចំណែក ព្រុំ សំណាង ​ជា​កីឡាករ​ប្រដាល់​ទម្ងន់​ធ្ងន់​ដែល​ទទួល​បាន​ជោគជ័យ​​បំផុត​នា​ប៉ុន្មាន​ឆ្នាំ​ចុង​ក្រោយ​។ រូប​គេ​កំពុង​គ្រប់​គ្រង​ខ្សែ​ក្រវាត់​៥​គ្រឿង ពាន​រង្វាន់​ជា​ច្រើន​ និង​ធ្លាប់​ទទួល​បាន​ប្រាក់​រង្វាន់ ប្រាក់​ឧបត្ថម្ភ​ដល់ខ្ទង់​រយ​លាន​រៀល​ដូច ធឿន ធារ៉ា ដែរ។ រូប​គេ​ក៏ទទួល​បាន​រង្វាន់​រថយន្ត និង​ផ្ទះ​មួយ​ល្វែង​ដែរ។

អ្វី​ដែល​ ព្រុំ សំណាង ​មាន​សមិទ្ធផល​លើស ធឿន​ ធារ៉ា គឺ​មេដាយ​មាស​ស៊ីហ្គេម លើក​ទី​៣២ ឆ្នាំ​២០២៣ ដែល​នេះ​ជា​សមិទ្ធផល​ជូន​ជាតិ។ កាល​ស៊ីហ្គេម ឆ្នាំ​២០២១ រូប​គេ​ទទួល​បាន​មេដាយ​សំរិទ្ធ​ជូន​ជាតិ។

រហូត​ដល់​ពេល​នេះ ធឿន ធារ៉ា មិន​ទាន់​ធ្លាប់​ត្រូវ​បាន​កោះ​ហៅ​ចូល​ជម្រើស​ជាតិ​កម្ពុជា​ផ្នែក​ប្រដាល់​គុន​ខ្មែរ ឬ​ប្រដាល់​ឃីកបុកស៊ីង​​ឡើយ ខណៈ ព្រុំ សំណាង បាន​ជាប់​ជម្រើស​ជាតិ​កម្ពុជា​ផ្នែក​ប្រដាល់​គុន​ខ្មែរ​ជា​ច្រើន​លើក​មក​ហើយ។

ទោះ​បី​ជា​យ៉ាង​ណា កីឡាករ​ទាំង​ពីរ​សុទ្ធ​តែ​ធ្លាប់​ឈ្នះ​មេដាយ​មាស​ពី​ការ​ប្រកួត​គុន​ខ្មែរ​ថ្នាក់​ជាតិ​ដូច​គ្នា។

សមិទ្ធផលរបស់ ព្រុំ សំណាង

  • ខ្សែក្រវាត់អន្តរជាតិ Thai Fight
  • ខ្សែក្រវាត់គុនខ្មែរពិភពលោក
  • ខ្សែក្រវាត់គុនខ្មែរអន្តរជាតិ តេជោសន្តិភាព
  • ខ្សែក្រវាត់គ្រុឌគុនខ្មែរអន្តរជាតិ
  • ខ្សែក្រវាត់គុនខ្មែរអាស៊ី Ultimate ASIAN Kun Khmer
  • មេដាយមាស ស៊ីហ្គេម ឆ្នាំ២០២៣
  • មេដាយសំរិទ្ធ ស៊ីហ្គេម ឆ្នាំ២០២១
  • ពាន​រង្វាន់ រថយន្ត និង​ផ្ទះ​ល្វែង

សមិទ្ធផលរបស់ ធឿន ធារ៉ា

  • ខ្សែក្រវាត់អន្តរជាតិ Thai Fight
  • ខ្សែក្រវាត់គុនខ្មែរអន្តរជាតិ IPCC
  • ខ្សែក្រវាត់ គ្រុឌគុនខ្មែរអន្តរជាតិ
  • ខ្សែក្រវាត់គុនខ្មែរអន្តរទ្វីប Kun Khmer Intercontinental
  • ខ្សែក្រវាត់គុនខ្មែរពិភពលោកតេជោសន្តិភាព
  • ខ្សែក្រវាត់គុនខ្មែរពិភពលោក 8 Men Tournament
  • ខ្សែ​ក្រវាត់​គុនខ្មែរ​អន្តរជាតិ IPCC
  • ពាន​រង្វាន់ រថយន្ត និង​ផ្ទះ​ល្វែង

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម