Connect with us

ព័ត៌មានអន្ដរជាតិ

ថៃ ពិនិត្យរោងចក្រគ្រប់គ្រងដោយជនជាតិចិន ទូទាំងប្រទេស ក្រោយហេតុការណ៍រន្ធត់ ស្លាប់កម្មករ ៦នាក់

បានផុស

នៅ

ក្រោយកើតហេតុបាក់ដងស្ទូចស្លាប់កម្មករ៦នាក់នៅខេត្ត ​Rayong ពេលនេះគណៈកម្មាធិការ​ឧស្សាហ៍កម្ម​របស់​សភាថៃ ​កំពុង​ពិនិត្យ​មើលរោងចក្រ​ដែល​គ្រប់គ្រង​ដោយ​ជនជាតិ​ចិន​នៅ​ទូទាំង​ប្រទេស ដោយរកឃើញថា​ រោងចក្រ​​មួយចំនួន​បាន​បំពាន​ច្បាប់ និង​ប៉ះពាល់​ដល់​បរិស្ថានយ៉ាងខ្លាំង។

(រូបថត៖ Khaosod)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្តីរាយការណ៍របស់ Bangkok Post, លោក Akaradet Wongpitakrote សមាជិកសភាមកពីគណបក្សថៃរួបរួមជាតិ ប្រចាំខេត្ត Ratchaburi និងជាប្រធានគណៈកម្មាធិការសភា បាននិយាយកាលពីថ្ងៃអាទិត្យទី៣១ខែមីនាថា គណៈកម្មាធិការបានទទួលពាក្យបណ្តឹងថា រោងចក្រដែលគ្រប់គ្រងដោយជនជាតិចិន បានបង្កផលប៉ះពាល់ ដូចជាការបំពុល ហើយមានការចោទប្រកាន់ថា សាងសង់ឬបើកដំណើរការដោយគ្មានអាជ្ញាប័ណ្ណ ឬយកជនជាតិថៃ ឲ្យឈរឈ្មោះជំនួស។

តាមការបញ្ជាក់ពីលោក Akaradet, គណៈកម្មាធិការ ​កំពុង​ពិនិត្យ​រោងចក្រ​របស់​ប្រតិបត្តិករ​ចិននៅ​ទូទាំង​ប្រទេស ហើយអ្វីដែលត្រូវបារម្ភគឺថា គណៈកម្មាធិការ ​បាន​រក​ឃើញ​រោងចក្រ​មួយ​ដែល​អាច​ប៉ះពាល់​យ៉ាង​ធ្ងន់ធ្ងរ​ដល់​សុខភាព​សាធារណៈ ព្រោះតែ​កាកសំណល់​រ៉ែ។

លោក Akaradet Wongpitakrote (រូបថត៖ Bangkok Post)

បន្ថែមពីលើនេះ ប្រតិបត្តិករជនជាតិចិនម្នាក់ ត្រូវបានចាប់ខ្លួនក្នុងខេត្ត Chon Buri ពីបទបំផ្លាញបរិស្ថាន ហើយមន្ត្រីពាក់ព័ន្ធកំពុងប្រមូលព័ស្តុតាង ដើម្បីចាត់វិធានការផ្លូវច្បាប់លើរោងចក្រប្រហែលប្រាំមួយ ដោយក្នុងនោះមានពីរនៅខេត្ត Chachoengsao និង Samut Sakhon។

សូមបញ្ជាក់ថា ចំណាត់ការនេះធ្វើឡើង បន្ទាប់ពីកម្មករសំណង់ចំនួន៦នាក់ ត្រូវបាត់បង់ជីវិត ខណៈច្រើននាក់ទៀតរងរបួស ក្នុងហេតុការណ៍បាក់ដងស្ទូចនៅការដ្ឋានសំណង់ក្នុងស្រុក Pluak Daeng នៃខេត្ត Rayong។

(រូបថត៖ Xinhua)

គ្រោះថ្នាក់នេះ កើតឡើងកាលពីល្ងាចថ្ងៃសុក្រទី២៩ខែមីនា នៅការដ្ឋានសាងសង់រោងចក្រដែក Sin Ker Yuan កម្ពស់​៦​ជាន់ ដែលគ្រប់គ្រងដោយជនជាតិចិន ហើយបើតាមការបញ្ជាក់ពីសារព័ត៌មានក្នុងស្រុក ក្រៅពីមនុស្សស្លាប់៦នាក់ ក៏នៅមានកម្មករសំណង់២០នាក់ផ្សេងទៀត ត្រូវរបួសផងដែរ។

ទោះបីជាយ៉ាងណាក៏ដោយ គេនៅមិនទាន់ដឹងច្បាស់ថាតើ ការបាក់ដងស្ទូចនេះ បណ្តាលមកពីមូលហេតុអ្វីនោះទេ៕

អត្ថបទ៖ សុខ សុវណ្ណ

ចុចអាន៖ បាក់ដងស្ទូចនៅប្រទេសថៃ ស្លាប់កម្មករសំណង់ ៦នាក់ និងរបួស២០នាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ នាទី មុន

ឯកឧត្ដម ហ៊ុន ម៉ានី អរគុណ ក្រសួង-ស្ថាប័ន និងដៃគូអភិវឌ្ឍន៍ ដែលផ្តល់ កិច្ចសហការអភិវឌ្ឍន៍វិស័យមុខងារសាធារណៈ

ព័ត៌មានជាតិ៤ នាទី មុន

លោក ប្រាក់ សុខុន និងលោក អ៊ុច បូររិទ្ធ បានជាប់ជាអនុប្រធានទី១ និងអនុប្រធានទី២ ព្រឹទ្ធសភា

សុខភាព២០ នាទី មុន

ទឹកត្រចៀកកាំ Yeo’s ជាមួយការវេចខ្ចប់ជាកន្រ្តកដ៏ពិសេស ដើម្បីអបអរពិធីបុណ្យចូលឆ្នាំថ្មីប្រពៃណីជាតិខ្មែរ និងចូលរួមលើកស្ទួយស្នាដៃតម្បាញកន្រ្តករបស់សិប្បករកម្ពុជា

ព័ត៌មានជាតិ២៩ នាទី មុន

សម្ដេច ហ៊ុន សែន ជាប់ជាប្រធានព្រឹទ្ធសភា ដោយសំឡេងគាំទ្រទាំងស្រុង ៦២លើ៦២

ជីវិតកម្សាន្ដ៣៣ នាទី មុន

ក្រោយត្រូវ​​គេបកអាក្រាតរឿងលក់ថ្នាំសម្រកបន្លំ តួកាច Benz ថតឃ្លិបបញ្ចាក់ការពិត

Sokha Hotels

ព័ត៌មានពេញនិយម