ព័ត៌មានអន្ដរជាតិ

សិស្សសាលានៅ ក្រុងបាងកក មានជំងឺរ៉ាំរ៉ៃ ៧ ប្រភេទនេះនឹងទទួលការចាក់វ៉ាក់សាំង Pfizer ចុងខែនេះ

បានផុស

៣ years មុន

នៅ

ថ្ងៃពុធ ៨ កញ្ញា ២០២១

ដោយ

រដ្ឋបាលក្រុងបាងកក (BMA) បាននិយាយកាលពីថ្ងៃអង្គារថា ក្មេងៗជាពិសេសសិស្សសាលាងាយរងគ្រោះនៅទីក្រុងបាងកក នឹងទទួលបានការចាក់វ៉ាក់សាំង Pfizer នៅចុងខែនេះ ។ សិស្សសាលាដែលមានអាយុចន្លោះពី ១២ ទៅ ១៨ ឆ្នាំគួរតែទទួលបានវ៉ាក់សាំងនៅឯសាកលវិទ្យាល័យ Navamindradhiraj ចាប់ពីថ្ងៃទី ២១ ខែកញ្ញាតទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

BMA និយាយថា សិស្សសាលាទាំងនោះត្រូវបង្ហាញភស្តុតាងអំពីពិការភាព ឬស្ថានភាពជំងឺរ៉ាំរ៉ៃ ។ ភស្តុតាងអាចមានវិញ្ញាបនបត្រវេជ្ជសាស្រ្ត លិខិតណាត់ជួបវេជ្ជសាស្ត្រ វិញ្ញាបនបត្រពិការភាព ឬឯកសារដែលបញ្ជាក់ថា អ្នកជំងឺមានជំងឺរ៉ាំរ៉ៃ ។

ក្រុមជំងឺដែលស្ថិតក្រុមដែលនឹងត្រូវផ្តល់អាទិភាពការចាក់វ៉ាក់សាំង Pfizer នោះគឺមនុស្សវ័យជំទង់ដែលមានជំងឺរ៉ាំរ៉ៃណាមួយក្នុងចំណោមជំងឺចំនួន ៧ ឬជំងឺធាត់ជាដើម ។ សិស្សសាលាដែលត្រូវបានសម្គាល់ថាមានជំងឺធាត់ គឺប្រសិនបើពួកគេមានអាយុចន្លោះពី ១២ ទៅ ១៣ ឆ្នាំ និងមានទម្ងន់ ៧០ គីឡូក្រាម ឬច្រើនជាងនេះ ។ ឬប្រសិនបើពួកគេមានអាយុចន្លោះពី ១៣ ទៅ ១៥ ឆ្នាំ និងមានទម្ងន់ ៨០ គីឡូក្រាម ឬច្រើនជាងនេះ ។ ចុងក្រោយប្រសិនបើពួកគេមានអាយុចន្លោះពី ១៥ ទៅ ១៨ ឆ្នាំ និងមានទម្ងន់ ៩០ គីឡូក្រាម ឬច្រើនជាងនេះ ខណៈវាមិនត្រូវបានបញ្ជាក់នោះទេថា តើមន្រ្តីពេទ្យនឹងយកកម្ពស់សិស្សសាលាទៅពិចារណាក្នុងការចាក់វ៉ាក់សាំងនេះឬក៏យ៉ាងណានោះ ។