ព័ត៌មានអន្ដរជាតិ

លទ្ធផលបឋម បក្ស SPD យកឈ្នះបក្សលោកស្រីអធិការបតី Merkel

បានផុស

៥ years មុន

នៅ

ថ្ងៃចន្ទ ២៧ កញ្ញា ២០២១

ដោយ

គណបក្សប្រជាធិបតេយ្យសង្គម (SPD) និយមកណ្តាល-ឆ្វេងរបស់ប្រទេសអាល្លឺម៉ង់បានយកឈ្នះប្រផុតប្រផើយលើគណបក្សរបស់លោកស្រីអធិការបតី Angela Merkel ក្នុងការបោះឆ្នោតសកលកាលពីថ្ងៃអាទិត្យម្សិលមិញ។ នេះបើយោងតាមលទ្ធផលបឋម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គណបក្ស SPD ទទួលបានសំឡេងគាំទ្រ២៥.៧% ខណៈគណបក្សអភិរក្សកំពុងកាន់អំណាចប្លុក CDU/CSU របស់លោកស្រីអធិការបតី Merkel ទទួលបានសំឡេងគាំទ្រ ២៤.១%។ ចំណែកគណបក្សបៃតង (Greens)ទទួលបានលទ្ធផលល្អបំផុតក្នុងប្រវត្តិសាស្ត្ររបស់ខ្លួនគឺស្ថិតនៅលំដាប់ទី៣ជាមួយនឹងសំឡេងគាំទ្រ ១៤.៨%។ ឥឡូវនេះសម្ព័ន្ធមិត្តចម្រុះមួយចាំបាច់បង្កើតឡើងដើម្បីបង្កើតរដ្ឋាភិបាល។

ប្រធានគណបក្ស SDP លោក Olaf Scholz បាននិយាយមុននេះថា គណបក្សរបស់លោកមានអាណត្តិច្បាស់លាស់ដើម្បីគ្រប់គ្រង នៅពេលបក្សរបស់លោកចាប់ផ្តើមនាំមុខគេ។

ការស្ទង់មតិខាងក្រៅបានព្យាករថា នឹងមានកម្តៅស្លាប់ ប៉ុន្តែការបោះឆ្នោតនេះមិនអាចទាយទុកមុនបាន ហើយលទ្ធផលនឹងមិនមែនចុងបញ្ចប់នៃសាច់រឿង។ សម្រាប់រឿងមួយ អធិការបតីដែលត្រូវចាកចេញនឹងមិនទៅណាឡើយ រហូតដល់សម្ព័ន្ធមិត្តចម្រុះត្រូវបានបង្កើតឡើង និងថា ប្រហែលជាអាចដល់ថ្ងៃបុណ្យណូអែល។

ភារកិច្ចរបស់អ្នកស្នងតំណែងពីលោកស្រីអធិការបតី Angela Merkel គឺត្រូវដឹកនាំសេដ្ឋកិច្ចឈានមុខគេនៅអឺរ៉ុបសម្រាប់រយៈពេល៤ឆ្នាំខាងមុខ ហើយបញ្ហាអាកាសធាតុក៏ជាប្រធានបទចម្បងរបស់ម្ចាស់សំឡេងឆ្នោតដែរ៕

ប្រែសម្រួល៖ វីរបុត្រ
ប្រភព៖ BBC

Related Topics:ប្រទេសអាល្លឺម៉ង់

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា