ព័ត៌មានអន្ដរជាតិ

ប្រធានបក្សស្តាំនិយមអ៉ីតាលីត្រូវបានចាប់ខ្លួនរឿងប្រឆាំងការចាក់វ៉ាក់សាំង

បានផុស

២ years មុន

នៅ

ថ្ងៃចន្ទ ១១ តុលា ២០២១

ដោយ

មនុស្ស១២នាក់ក្នុងនោះមានទាំងលោក Forza Nuova ប្រធានគណបក្សស្តាំនិយមត្រូវបានចាប់ខ្លួន ជុំវិញការតវ៉ាប្រឆាំងនឹងការអនុម័ត«ប័ណ្ណបៃតង»ដែលតម្រូវឲ្យកម្មករទាំងអស់ចាក់វ៉ាក់សាំងបង្ការកូវីដ-១៩របស់រដ្ឋាភិបាលអ៉ីតាលី ហើយបានប៉ះទង្គិចជាមួយប៉ូលិសនៅក្នុងទីក្រុងរ៉ូម។

មនុស្សរាប់ពាន់នាក់បានចេញតវ៉ាតាមផ្លូវនៅទីក្រុងរ៉ូមកាលពីថ្ងៃសៅរ៍ដើម្បីជំទាស់នឹងការសម្រេចរបស់រដ្ឋាភិបាល។ អ្នកខ្លះបានព្យាយាមទម្លាយរបាំងប៉ូលិសដើម្បីឆ្ពោះទៅកាន់ការិយាល័យរបស់លោកនាយករដ្ឋមន្ត្រី Mario Draghi ខណៈមានក្រុមមួយផ្សេងទៀតបានវាយលុកចូលទៅអុកឡុកទីស្នាក់ការរបស់សហជីពធំបំផុតក្នុងប្រទេស CGIL។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធាននាយកដ្ឋានសង្គ្រោះបន្ទាន់ លោក Francesco Pugliese បានឲ្យដឹងកាលពីថ្ងៃអាទិត្យថា នៅពេលយប់ អ្នកតវ៉ារាប់រយនាក់ក៏បានព្យាយាមសម្រុកចូលទៅក្នុងអង្គភាពគ្រោះថ្នាក់ និងសង្គ្រោះបន្ទាន់នៅមន្ទីរពេទ្យ Policlinico Umberto I ក្នុងទីក្រុងរ៉ូម ដើម្បីបង្ខំឲ្យបុគ្គលិកសុខាភិបាលប្រឆាំងខ្លួនឯងចេញពីខាងក្នុង។

លោកនាយករដ្ឋមន្ត្រី Draghi បានណែនាំប័ណ្ណបៃតងដែលជាកាត ឬឌីជីថល សម្រាប់មនុស្សបានចាក់វ៉ាក់សាំងហោចណាស់១ដូស ធ្វើតេស្តកូវីដវិជ្ជមាន ឬអវិជ្ជមាន ឬក៏ជាសះស្បើយពីជំងឺកូវីដនៅរដូវក្តៅខាងមុខដើម្បីជាវិធានការទប់ស្កាត់ការរាលដាលកូវីដ-១៩ និងជំរុញមនុស្សឲ្យចាក់វ៉ាក់សាំង។

កាលពីខែមុន រដ្ឋាភិបាលអ៉ីតាលីបានសម្រេចឲ្យកម្មករទាំងអស់ចាក់វ៉ាក់សាំង។ កម្មករដែលមានប័ណ្ណបៃតងនឹងត្រូវទទួលចូលធ្វើការដោយសហជីព និងក្រុមហ៊ុន ប៉ុន្តែប្រសិនបើកម្មករណាមិនមានប័ណ្ណបៃតងបង្ហាញទេគិតចាប់ពីថ្ងៃទី១៥ ខែតុលាខាងមុខនឹងត្រូវផ្អាកពីការងារ ដោយមិនទទួលបានប្រាក់ចំណូល ប៉ុន្តែមិនមែនបញ្ឈប់ពីការងារទេ។