បើករថយន្តបំបុកក្បួនដង្ហែ ស្លាប់និងរបួសមនុស្សច្រើននាក់នៅ អាមេរិក (មានវីដេអូ)

មនុស្ស​ជា​ច្រើន​នាក់​បាន​ស្លាប់ និង​ជាង​២០​នាក់​រង​របួស បន្ទាប់​ពី​រថយន្ត​មួយ​គ្រឿង​បាន​បើកបំបុក​ក្បួន​ដង្ហែ​ថ្ងៃ​ឈប់​សម្រាក​ក្នុង​រដ្ឋ Wisconsin សហរដ្ឋ​អាមេរិក។

រថយន្ត SUV ពណ៌ក្រហម បានបុកមនុស្សជាង២០នាក់នៅក្នុងទីក្រុង Waukesha មុនម៉ោង៥ល្ងាចថ្ងៃអាទិត្យ (ម៉ោងនៅអាមេរិក)។

រថយន្តបានបើកបំបុកក្បួនដង្ហែពីក្រោយ ហើយមេប៉ូលិស Dan Thompson និយាយថា មន្រ្តីម្នាក់បានបាញ់សំដៅរថយន្ត ដើម្បីព្យាយាមបញ្ឈប់ ខណៈពេលបើកបានបុកទម្លាយរបាំងផ្លូវ។

មនុស្សពេញវ័យចំនួន១១នាក់ និងកុមារ១២នាក់ ត្រូវបានបញ្ជូនទៅមន្ទីរពេទ្យបន្ទាប់ពីហេតុការណ៍នេះ ហើយលោក Thompson បញ្ជាក់ថា មានអ្នកស្លាប់មួយចំនួន។

ទោះបីជាយ៉ាងណាក៏ដោយ គ្មាន​នរណា​ម្នាក់​រង​របួស​ដោយ​គ្រាប់​កាំភ្លើង​របស់​ប៉ូលិស​ទេ។

គួរបញ្ជាក់ថា ឧបទ្ទវហេតុនេះកើតឡើងត្រឹមតែពីរថ្ងៃប៉ុណ្ណោះបន្ទាប់ពីលោក Kyle Rittenhouse ដែលជាអ្នកបាញ់ប្រហារនៅទីក្រុង Kenosha បានរួចផុតពីការចោទប្រកាន់ពីបទមនុស្សឃាតពាក់ព័ន្ធការស្លាប់បុរសពីរនាក់ ក្នុងអំឡុងពេលចលាចលដែលបានផ្ទុះឡើងកាលពីឆ្នាំមុនបន្ទាប់ពីប៉ូលិសបាញ់សម្លាប់បុរសស្បែកខ្មៅម្នាក់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Sky

ចុចអាន៖ បើអ្នកបើកតាក់ស៊ី មិនចាក់សោរអ្នកបំផ្ទុះគ្រាប់បែក​ ក្នុងរថយន្ត អង់គ្លេសនឹងជួបការវាយប្រហារភេរវកម្ម (វីដេអូ)