ព័ត៌មានអន្ដរជាតិ
តម្លៃប្រេងថ្ងៃចន្ទនេះហក់ឡើងជាថ្មី ចំពេលក្តីបារម្ភពីវីរុសថ្មី Omicron
នៅថ្ងៃចន្ទនេះ តម្លៃប្រេងបានឡើងថ្លៃវិញ បន្ទាប់ពីធ្លាក់ចុះប្រហែលជា១០ដុល្លារក្នុងមួយបារ៉ែលកាលពីថ្ងៃសុក្រ ស្របពេលវីរុសកូវីដ-១៩បំប្លែងខ្លួនថ្មី Omicron កំពុងក្លាយជាក្តីបារម្ភ។
ប្រេងឆៅ Brent បានឡើងថ្លៃ៣.០៥ដុល្លារ ឬស្មើនឹង ៤.២% ក្នុងមួយបារ៉ែល បន្ទាប់ពីបានធ្លាក់ចុះ៩.៥០ដុល្លារកាលពីថ្ងៃសុក្រ។
ចំណែកប្រេងឆៅរបស់(WTI) បានកើនឡើងដល់ទៅ៣.២៧ដុល្លារ ឬស្មើនឹង៤.៨%ក្នុងមួយបារ៉ែល បន្ទាប់ពីកាលពីសប្តាហ៍មុនធ្លាក់ចុះ១០.២៣ដុល្លារ។
តម្លៃប្រេងបានធ្លាក់រួមគ្នាជាមួយទីផ្សារហិរញ្ញវត្ថុផ្សេងទៀតកាលពីថ្ងៃសុក្រដែលមានជាង១០% ហើយនេះជាការធ្លាក់ចុះច្រើនបំផុតក្នុងមួយថ្ងៃគិតចាប់ពីខែមេសា ឆ្នាំ២០២០មក ខណៈវីរុសបំប្លែងខ្លួនថ្មីបានធ្វើឲ្យក្រុមអ្នកវិនិយោគមានការប្រុងប្រយ័ត្ន និងព្រួយបារម្ភដែលថា អតិរេកផ្គត់ផ្គង់អាចកើនឡើងក្នុងត្រីមាសទីមួយ។
លោក Hiroyuki Kikukawa នាយកចាត់ការទូទៅនៃក្រុមស្រាវជ្រាវនៅ Nissan Securities បាននិយាយថា ៖«មានការកែតម្រូងការទិញលើទស្សនៈដែលថា ទីផ្សារប្រេងត្រូវបានលក់លើសកាលពីសប្តាហ៍មុន និងលើការរំពឹងទុកថា អង្គការនៃប្រទេសនាំចេញប្រេង OPEC+ ប្រហែលជាចាត់វិធានការនៅពេលវីរុស Omicron កំពុងក្លាយជាក្តីបារម្ភ ដែលអាចកាត់បន្ថយទិន្នផល»។
លោកថា ៖«ពិភពលោកកំពុងចាប់អារម្មណ៍ខ្លាំងគឺថាតើវីរុស Omicron នឹងប៉ះពាល់ដល់សេដ្ឋកិច្ចពិភពលោក និងតម្រូវការឥន្ធនៈយ៉ាងណា កិច្ចពិភាក្សាពីចំណាត់ការរបស់ OPEC+ និងនុយក្លេអ៊ែរអ៉ីរ៉ង់នឹងធ្វើសប្តាហ៍នេះ»។
វីរុសបំប្លែងខ្លួនថ្មី Omicron បានរាលដាលទូទាំងពិភពលោកកាលពីថ្ងៃអាទិត្យម្សិលមិញក្នុងនោះរកឃើញនៅប្រទេសហុល្លង់ ដាណឺម៉ាក និងអូស្ត្រា ដែលបានធ្វើឲ្យប្រទេសជាច្រើនទៀតកំពុងរឹតបន្តឹងបំរាមធ្វើដំណើរ។
អង្គការសុខភាពពិភពលោកបាននិយាយថា ខ្លួនមិនទាន់ច្បាស់ទេអំពីវីរុសបំប្លែង Omicron ដែលរកឃើញដំបូងនៅអាហ្វ្រិកខាងត្បូងមានគ្រោះថ្នាក់ និងឆ្លងអាក្រក់ជាងវីរុសផ្សេងៗយ៉ាងណា៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២១ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore