ព័ត៌មានអន្ដរជាតិ
ទោះស្រដៀងគ្នា តែរោគសញ្ញាវីរុសបំប្លែងខ្លួន Omicron មានខ្លះខុសពីកូវីដទម្រង់ដើម (មានវីដេអូ)
វីរុសកូវីដបំប្លែងខ្លួនថ្មីប្រភេទ Omicron បានបង្កើនការរាលដាលកាន់តែច្រើនប្រទេស ក្រោយរកឃើញជាលើកដំបូងកាលពីថ្ងៃទី ២៤ ខែវិច្ឆិកា ឆ្នាំ២០២១ នៅអាហ្វ្រិកខាងត្បូង។
បច្ចុប្បន្ន ក្រៅពីអាហ្វ្រិកខាងត្បូង Omicron កំពុងមានវត្តមាននៅអាល្លឺម៉ង់ បែលហ្សិក ហុងកុង អ៊ីស្រាអែល និងហូឡង់ ខណៈមន្ត្រីជាន់ខ្ពស់មកពីអង្គការសុខភាពពិភពលោកព្រមានពីការាលដាលនៃវីរុសនេះដែលថាវាទំនងមានច្រើនជាងករណីដែលបានបញ្ជាក់ទៅទៀត។
ស្របពេលជាមួយគ្នានេះ វេជ្ជបណ្ឌិតអាហ្រ្វិកខាងត្បូង បានបង្ហាញក្ដីបារម្ភ និងអះអាងថាក្រុមមនុស្សវ័យចំណាស់ អ្នកមានជំងឺទឹកនោមផ្អែម អ្នកជំងឺបេះដូង និងអ្នកមិនបានចាក់វ៉ាក់សាំង ជាក្រុមដែលមានគ្រោះថ្នាក់ជាងគេ។
បន្ថែមពីលើនេះ លោកស្រី Angelique Coetzee ដែលជាវេជ្ជបណ្ឌិត និងជាប្រធានសមាគមវេជ្ជសាស្ត្រអាហ្វ្រិកខាងត្បូង (SAMA) បានប្រាប់ពីរោគសញ្ញានៃជំងឺកូវីដបំប្លែងខ្លួនប្រភេទ Omicron ថាមិនមានភាពធ្ងន់ធ្ងរប៉ុន្មាននោះទេ បើតាមការដានទៅលើអ្នកជំងឺចំនួន ៤គ្រួសារ ដែលកំពុងស្ថិតក្រោមការថែទាំរបស់លោកស្រី។
វេជ្ជបណ្ឌិតរូបនេះ បានឱ្យដឹងថា អ្នកដែលឆ្លងវីរុសបំប្លែងខ្លួន Omicron ចេញអាការខុសៗគ្នាទៅតាមវ័យ និងស្ថានភាពសុខភាព ខណៈរោគសញ្ញាជារួមមានដូចជា អស់កម្លាំង ឈឺសាច់ដុំ ក្អក ឡើងកម្ដៅ ជីពចរលោតញាប់ និងគ្មានអ្នកឆ្លងណាមួយបាត់បង់ក្លិន ឬរសជាតិរបស់ពួកគេឡើយ។
ថ្វីត្បិត វីរុសបំប្លែងខ្លួន Omicron អាចចម្លងបានយ៉ាងរហ័ស និងមានភាពគ្រោះថ្នាក់ជាងកូវីដទម្រង់ដើម ឬវីរុសបំប្លែងខ្លួនដទៃទៀត ប៉ុន្តែលោកស្រី Angelique Coetzee មានប្រសាសន៍ថា អ្នកជំងឺដែលបានចាក់វ៉ាក់សាំងពេញលេញ ប្រឈមហានិភ័យធ្ងន់ធ្ងរតិចតួចប៉ុណ្ណោះ៕
ទស្សនាវីដេអូខាងក្រោម
ប្រែសម្រួល៖ សន្យា
ប្រភព៖ New York Post
ចុចអាន៖ វីរុសបំប្លែងខ្លួនច្រើនឡើងៗកំពុងឆ្លងរាលដាលលឿន និងបង្កក្ដីបារម្ភដល់ពិភពលោក
ចុចអាន៖ ពិភពលោកកំពុងស្ថិតក្នុងគ្រោះថ្នាក់ ដោយសារវីរុសបំប្លែងថ្មី Omicron
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ