៦ខែទៀត Omicron នឹងគ្របដណ្តប់ពិភពលោក (មានវីដេអូ)

វេជ្ជបណ្ឌិតផ្នែកជំងឺឆ្លងបានអះអាងថា វីរុសកូវីដ១៩បំប្លែងខ្លួនប្រភេទថ្មី នឹងត្រួតត្រាហើយគ្របដណ្ដប់ពិភពលោក ក្នុងរយៈពេលប៉ុន្មានខែខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វេជ្ជបណ្ឌិតដែលមានមូលដ្ឋាននៅប្រទេសសិង្ហបុរី បានប៉ាន់ប្រមាណថា ក្នុងរយៈពេលពី៣ទៅ៦ខែ វីរុសបំប្លែងខ្លួននេះ នឹងក្លាយទៅជាវីរុសលេចធ្លោ ហើយនឹងតម្រូវឲ្យវ៉ាក់សាំងត្រូវតែអភិវឌ្ឍឲ្យបានឆាប់រហ័ស។

វេជ្ជបណ្ឌិត Leong Hoe Nam បានប្រាប់ CNBC ថា បើទោះបីជាយ៉ាងណាក៏ដោយ វ៉ាក់សាំងត្រូវធ្វើតេស្តក្នុងរយៈពេលពី៣ទៅ៦ខែ ដើម្បីបង្ហាញថា ពួកគេអាចផ្តល់ភាពស៊ាំប្រឆាំងនឹងវីរុសបំប្លែងខ្លួនថ្មីនេះបាន។

ប៉ុន្តែនៅពេលសួរអំពីវ៉ាក់សាំងពិសេសសម្រាប់វីរុសបំប្លែងថ្មី លោកបាននិយាយថា “វាជាគំនិតល្អណាស់។ យើងនឹងមិនអាចផលិតវ៉ាក់សាំងទាន់ពេលទេ ហើយនៅពេលដែលវ៉ាក់សាំងមកដល់ គ្រប់គ្នានឹងឆ្លងមេរោគ Omicron ដោយសារតែសមត្ថភាពឆ្លង និងការចម្លងដ៏ខ្ពស់របស់វា”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Star

ចុចអាន៖ វីរុសកូវីដបំប្លែងខ្លួន Omicron អាច ឆ្លងខ្លាំងតាមខ្យល់