ប្រទេសទី៣ មានអ្នកស្លាប់ដោយសារ អូមីក្រុង

កាលពីថ្ងៃអង្គារទី២១ខែធ្នូ មន្ទីរពេទ្យនៅក្នុងប្រទេសអ៊ីស្រាអែល បានបញ្ជាក់ពីការស្លាប់លើកដំបូងនៃអ្នកជំងឺអូមីក្រុង នៅក្នុងប្រទេស ប៉ុន្តែបាននិយាយថា គាត់មានជំងឺរ៉ាំរ៉ៃនិងមានសុខភាពទ្រុឌទ្រោម។

មន្ទីរពេទ្យ Soroka Medical Center ក្នុងទីក្រុង Beersheba បាននិយាយថា បុរសស្ថិតក្នុងវ័យហុកសិបឆ្នាំប្លាយ បានស្លាប់កាលពីថ្ងៃចន្ទ ពោលគឺមានរយៈពេលពីរសប្តាហ៍ បន្ទាប់ពីគាត់ត្រូវបានបញ្ជូនចូលបន្ទប់ព្យាបាលកូវីដ។

ប្រព័ន្ធផ្សព្វផ្សាយអ៊ីស្រាអែលបានរាយការណ៍ថា អ្នកជំងឺគឺបានទទួលវ៉ាក់សាំងចំនួនពីរដូស។

កាលពីព្រឹកថ្ងៃអង្គារ ក្រសួងសុខាភិបាលបាននិយាយថា មានករណី អូមីក្រុង យ៉ាងហោចណាស់ ៣៤០ ករណី ត្រូវបានរកឃើញនៅក្នុងប្រទេសអ៊ីស្រាអែល។

គួរបញ្ជាក់ថា ការស្លាប់នៅប្រទេសអ៊ីស្រាអែលនេះ បានក្លាយជាករណីស្លាប់ទី៣នៅលើពិភពលោកដោយសារវីរុសបំប្លែងខ្លួន អូមីក្រុង បន្ទាប់ពីករណីដំបូងត្រូវបានបញ្ជាក់នៅចក្រភពអង់គ្លេស និងករណីទី២ ត្រូវបានបញ្ជាក់នៅ សហរដ្ឋអាមេរិក៕

ប្រែសម្រួល៖ Vann Vann

ប្រភព៖ CNA

ចុចអាន៖ អាមេរិក មានអ្នកស្លាប់ទី១ ដោយសារ អូមីក្រុង