កងទ័ពអ៊ុយក្រែន វាយយកបានទីក្រុងមួយមកវិញ ហើយសម្លាប់មេបញ្ជាការជាន់ខ្ពស់រុស្ស៊ី ២នាក់

ក្រសួង​ការពារជាតិ​អ៊ុយក្រែនបាន​អះអាង​ថា កងកម្លាំង​របស់​ពួកគេ​បាន​ដណ្តើម​យក​ទីក្រុង Chuhuiv ភាគ​ខាងកើត​មក​វិញហើយ។

នៅក្នុងការអាប់ដេតព័ត៌មានលើ Facebook កាលពីយប់ថ្ងៃអាទិត្យទី០៦ខែមីនា អគ្គសេនាធិការអ៊ុយក្រែនបាននិយាយថា កងកម្លាំងរបស់ទីក្រុង កៀវ បានដណ្តើមយកទីក្រុងនេះពីកងទ័ពរុស្ស៊ីមកវិញ ហើយបានធ្វើឲ្យកងកម្លាំងរបស់ទីក្រុងមូស្គូ រងគ្រោះធ្ងន់ធ្ងរក្នុងអំឡុងពេលប្រយុទ្ធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីអ៊ុយក្រែនក៏បានអះអាងផងដែរថា មេបញ្ជាការជាន់ខ្ពស់រុស្ស៊ីពីរនាក់ត្រូវបានសម្លាប់ក្នុងអំឡុងពេលប្រយុទ្ធដណ្តើមយកទីក្រុងដែលមានប្រជាជនប្រមាណ៣១ ០០០នាក់ មួយនេះ។

គួរបញ្ជាក់ថា ទីក្រុង Chuhuiv ស្ថិតនៅក្នុងទីតាំងយុទ្ធសាស្ត្រ ចម្ងាយប្រហែល៣៧គីឡូម៉ែត្រពីទីក្រុង Kharkiv ដែលជាទីក្រុងធំទីពីររបស់អ៊ុយក្រែន។ ទីក្រុងនេះ ស្ថិតនៅក្រោមការបាញ់ផ្លោងយ៉ាងធ្ងន់ធ្ងរពីកងកម្លាំងរុស្ស៊ីអស់រយៈពេលជាងមួយសប្តាហ៍មកហើយ៕

ប្រែសម្រួល៖​ Vann Vann

ប្រភព៖ BBC

ចុចអាន៖ នូវែលសេឡង់ ប្រកាសដាក់ទណ្ឌកម្មមហាសេដ្ឋីរុស្ស៊ី ១០០នាក់