នូវែលសេឡង់ ប្រកាសដាក់ទណ្ឌកម្មមហាសេដ្ឋីរុស្ស៊ី ១០០នាក់ (មានវីដេអូ)

ប្រទេសនូវែលសេឡង់ បានប្រកាសបញ្ជីទណ្ឌកម្មថ្មី ដែលផ្តោតលើជនជាតិរុស្សីជាច្រើននាក់ក្នុងគោលបំណង មិនឲ្យអ្នកទាំងនោះប្រើប្រាស់នូវែលសេឡង់ ជាមូលដ្ឋានដើម្បីចៀសវាងទណ្ឌកម្មដែលដាក់ឲ្យបណ្តាប្រទេសលោកខាងលិចផ្សេងទៀត។

គណៈរដ្ឋមន្ត្រីបានជួបប្រជុំគ្នានៅថ្ងៃចន្ទទី០៧ខែមីនានេះ ដើម្បីពិចារណាលើសេចក្តីព្រាងច្បាប់ដាក់ទណ្ឌកម្មរុស្ស៊ី ដែលត្រូវបានព្រាងជាពិសេសសម្រាប់ជម្លោះនៅអ៊ុយក្រែន។

លោកស្រីនាយករដ្ឋមន្ត្រី Jacinda Ardern បាននិយាយថា ច្បាប់ថ្មីនេះ នឹងដាក់បម្រាមធ្វើដំណើរលើមហាសេដ្ឋីរុស្ស៊ីចំនួន១០០នាក់ ហើយរារាំងនាវាប្រណីត កប៉ាល់ និងយន្តហោះដែលបានចុះបញ្ជីនៅទីក្រុងមូស្គូ មិនឲ្យចូលក្នុងដែនអាកាស ឬដែនទឹករបស់ប្រទេសនូវែលសេឡង់ដាច់ខាត។

លោកស្រីនិយាយថា ច្បាប់នេះនឹងជារបបទណ្ឌកម្មស្វ័យភាពដំបូងបង្អស់របស់ខ្លួន លើរដ្ឋាភិបាលរុស្ស៊ី។

គួរបញ្ជាក់ថា ក្នុងថ្ងៃទី១២នៃការវាយប្រហារដោយរុស្ស៊ី មនុស្សជាង១.៥លាននាក់ ត្រូវបង្ខំចិត្តភៀសខ្លួនចេញពីប្រទេសអ៊ុយក្រែន នៅក្នុងអ្វីដែលអង្គការសហប្រជាជាតិហៅថាជា “វិបត្តិជនភៀសខ្លួនដែលវិវត្តលឿនបំផុតរបស់អឺរ៉ុប ចាប់តាំងពីសង្គ្រាមលោកលើកទីពីរមក”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ អាមេរិកនិយាយប៉ុន្មានម៉ាត់ ធ្វើឲ្យតម្លៃប្រេង ឡើងខ្ពស់បំផុតក្នុងរយៈពេល១៣ឆ្នាំ