រុស្ស៊ី ដឹងពីកន្លែងលាក់ខ្លួនរបស់លោក Zelensky

បើយោងតាមប្រព័ន្ធផ្សព្វផ្សាយអ៊ីស្រាអែលនៅថ្ងៃចន្ទនេះបានឲ្យដឹងថា រុស្ស៊ីបានដឹងពីកន្លែងលាក់ខ្លួនរបស់ប្រធានាធិបតីអ៊ុយក្រែនលោក Volodymyr Zelensky ។

ប៉ុស្តិ៍ទូរទស្សន៍ Channel 12 របស់អ៊ីស្រាអែលបានរាយការណ៍ថា រុស្ស៊ីបានដឹងពីកន្លែងលាក់ខ្លួនរបស់លោក Zelensky ហើយបានប្រាប់ប្រទេសមួយចំនួនថា ពួកគេមិនចង់បង្កគ្រោះថ្នាក់ដល់មេដឹកនាំអ៊ុយក្រែននោះទេ ដោយរក្សាឲ្យលោកនៅរស់ និងចង់ចាប់ខ្លួនលោកតាមសម្រួលប៉ុណ្ណោះ ខណៈមិនមានការអត្ថាធិប្បាយពីមន្ត្រីអ៊ុយក្រែនលើរបាយការណ៍នេះនោះទេ ។

សង្គ្រាម​រុស្ស៊ី​លើ​អ៊ុយក្រែន​ត្រូវ​បាន​ជួប​ប្រទះដោយ​កំហឹង​ពី​សហគមន៍​អន្តរជាតិ​ ខណៈ​សហភាព​អឺរ៉ុប ចក្រភព​អង់គ្លេស និង​សហរដ្ឋ​អាមេរិក​ ក៏ដូចជា​ប្រទេស​ដទៃ​ទៀតបាន​ដាក់​ទណ្ឌកម្ម​សេដ្ឋកិច្ច​ជាច្រើន​លើ​ក្រុង​មូស្គូ ។

យោងតាមតួលេខរបស់អង្គការសហប្រជាជាតិបានឲ្យដឹងថា យ៉ាងហោចណាស់ជនស៊ីវិល ៣៦៤ នាក់ត្រូវបានសម្លាប់ និង ៧៥៩ នាក់ផ្សេងទៀតបានរងរបួសនៅក្នុងប្រទេសអ៊ុយក្រែន ចាប់តាំងពីប្រទេសរុស្ស៊ីបានចាប់ផ្តើមសង្រ្គាមប្រឆាំងនឹងប្រទេសនៅអឺរ៉ុបខាងកើតកាលពីថ្ងៃទី ២៤ ខែកុម្ភៈ ។

យោងតាមទីភ្នាក់ងារជនភៀសខ្លួនរបស់អង្គការសហប្រជាជាតិបានឲ្យដឹងថា មនុស្សជាង ១.៥ លាននាក់បានភៀសខ្លួនចេញពីប្រទេសអ៊ុយក្រែនទៅកាន់ប្រទេសជិតខាង ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ គណៈប្រតិភូ អ៊ុយក្រែន ម្នាក់ដែលអង្គុយចរចាជាមួយ រុស្ស៊ី ត្រូវបានសម្លាប់