ព័ត៌មានអន្ដរជាតិ

គណៈប្រតិភូ អ៊ុយក្រែន ម្នាក់ដែលអង្គុយចរចាជាមួយ រុស្ស៊ី ត្រូវបានសម្លាប់

បានផុស

២ years មុន

នៅ

ថ្ងៃចន្ទ ៧ មីនា ២០២២

ដោយ

ទីក្រុងកៀវបាននិយាយថា លោក Denis Kireev ភ្នាក់ងារសម្ងាត់ក្នុងបេសកកម្មមកពីក្រសួងការពារជាតិអ៊ុយក្រែនបានស្លាប់ហើយ ចំពេលមានការអះអាងថា លោកគឺជាចារកម្មរបស់រុស្ស៊ី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធាននាយកដ្ឋានស៊ើបការណ៍សម្ងាត់របស់ប្រទេសអ៊ុយក្រែនបាននិយាយកាលពីថ្ងៃសៅរ៍ថា លោក Kireev ស្ថិតក្នុងចំណោមភ្នាក់ងារ ៣ នាក់ដែលត្រូវបានសម្លាប់នៅក្នុងជួរកាតព្វកិច្ចចរចា ហើយបានចោទប្រកាន់ថាជា “ជនក្បត់ជាតិ” ។

ទន្ទឹមនោះ Kireev ត្រូវបានគេពណ៌នាថាជាអតីតអ្នកគ្រប់គ្រងមូលនិធិសមធម៌ឯកជន និងហិរញ្ញប្បទានឯកជន ដែលកាលពីមុនកាន់តំណែងកម្រិតខ្ពស់នៅធនាគារសន្សំរដ្ឋអ៊ុយក្រែន ។

លោក Kireev ត្រូវបានគេរាយការណ៍ថា ជាសមាជិកនៃក្រុមចរចារបស់អ៊ុយក្រែន ក្នុងអំឡុងពេលការចរចាសន្តិភាពជាមួយនឹងរុស្ស៊ីក្នុងប្រទេសបេឡារុសកាលពីថ្ងៃចន្ទ ។ ទោះបីជាគាត់មិនមាននៅក្នុងបញ្ជីផ្លូវការនៃអ្នកចរចាដែលចេញផ្សាយដោយទីក្រុងកៀវក៏ដោយ ក៏ប្រព័ន្ធផ្សព្វផ្សាយអ៊ុយក្រែនបានអះអាងថា គាត់ត្រូវបានគេថតរូបអង្គុយនៅតុជាមួយអ្នកចរចាផ្សេងទៀតជាមួយជនជាតិរុស្ស៊ី ។

គួរបញ្ជាក់ថា ជុំបន្ទាប់នៃកិច្ចចរចាសន្តិភាពរវាងគណៈប្រតិភូរុស្ស៊ី និងអ៊ុយក្រែនអាចកើតឡើងនៅថ្ងៃចន្ទនេះ ខណៈទីតាំង និងពេលវេលាពិតប្រាកដសម្រាប់កិច្ចពិភាក្សាគឺមិនច្បាស់លាស់នៅឡើយទេ ៕