ព័ត៌មានអន្ដរជាតិ
លោក Zelenskiy ស្នើកិច្ចចរចាកំពូលជាមួយរុស្ស៊ីនៅអ៊ីស្រាអែល
នៅថ្ងៃអាទិត្យម្សិលមិញ ប្រធានាធិបតីអ៊ុយក្រែន លោក Volodymyr Zelenskiy បាននិយាយថា ប្រទេសអ៉ីស្រាអែលបានកំពុងធ្វើការប្រឹងប្រែងជាច្រើនដើម្បីឲ្យមានកិច្ចពិភាក្សាសន្តិភាពកម្រិតកំពូលរវាងប្រទេសលោក និងរុស្ស៊ី ហើយលោកបានស្នើឲ្យធ្វើនៅទីក្រុងយេរូសាឡឹម។
លោក Zelenskiy ដែលនិយាយតាមរយៈវីដេអូអង្វរប្រចាំថ្ងៃរបស់លោកទៅពលរដ្ឋអ៊ុយក្រែន បន្ទាប់ពីថ្លែងទៅកាន់សភាអ៉ីស្រាអែលតាមរយៈវីដេអូថា លោកនាយករដ្ឋមន្ត្រី Naftali Bennett បានកំពុងព្យាយាមដើរតួនាទីជាអន្តរការីរវាងទីក្រុងកៀវ និងមូស្គូ។
«ពិតណាស់ អ៉ីស្រាអែលចាប់អារម្មណ៍ យុទ្ធសាស្ត្រដើម្បីការពារពលរដ្ឋ។ យើងយល់ពីបញ្ហាទាំងអស់»។ លោក Zelenskiy មានប្រសាសន៍ដែលពាក់អាវយឺតកាគីជាទម្លាប់របស់លោក។
លោកបន្តថា ៖«នាយករដ្ឋមន្ត្រីអ៉ីស្រាអែល លោក Bennett កំពុងព្យាយាមស្វែងរកមធ្យោបាយដើម្បីរៀបចំកិច្ចពិភាក្សា។ ហើយយើងខ្ញុំពិតជាអរគុណខ្លាំងណាស់។ យើងខ្ញុំសូមអរគុណចំពោះការប្រឹងប្រែងរបស់លោក ដូច្នេះឆាប់ៗ ឬក្នុងពេលដ៏ខ្លី យើងនឹងចាប់មានកិច្ចពិភាក្សាជាមួយរុស្ស៊ី អាចនៅទីក្រុងយេរូសាឡឹម»។
«នោះជាកន្លែងដ៏ត្រឹមត្រូវដើម្បីស្វែងរកសន្តិភាព។ ប្រសិនអាចទៅរួច»។
កាលពីសប្តាហ៍មុន លោក Bennett បានខិតខំប្រឹងប្រែងដើម្បីនាំយកភាគីទាំងពីរឲ្យជួបគ្នា និងបាននិយាយជាច្រើនលើកជាមួយភាគីទាំងពីរគឺលោក Zelenskiy និងប្រធានាធិបតីរុស្ស៊ី វ្លាឌីមៀរ ពូទីន។ កាលពីសប្តាហ៍មុន លោកបានធ្វើដំណើរជាសម្ងាត់ទៅកាន់ទីក្រុងមូស្គូដើម្បីជួបមេដឹកនាំរុស្ស៊ី៕
ប្រែសម្រួល៖ វីរបុត្រ
ប្រភព៖ reuters
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង