ព័ត៌មានអន្ដរជាតិ

កូរ៉េខាងជើងនឹងបន្តផលិតនុយក្លេអ៊ែរដ៏អស្ចារ្យថែមទៀត

បានផុស

៤ years មុន

នៅ

ថ្ងៃចន្ទ ២៨ មីនា ២០២២

ដោយ

«កូរ៉េខាងជើងនឹងបន្តអភិវឌ្ឍសមត្ថភាពកម្លាំងដ៏អស្ចារ្យថែមទៀត»។ នេះបើយោងតាមប្រព័ន្ធផ្សព្វផ្សាយរដ្ឋបានផ្សាយនៅថ្ងៃចន្ទ ទី២៨ ខែមីនា ដែលមេដឹកនាំកូរ៉េខាងជើង លោក គីម ជុងអ៊ុន បាននិយាយនៅពេលលោកទៅសួរសុខទុក្ខបុគ្គលិកពាក់ព័ន្ធនឹងការបាញ់សាកល្បងមីស៊ីលដ៏ធំបំផុត។

ទីភ្នាក់ងារសារព័ត៌មានរដ្ឋ KCNA បាននិយាយថា លោក គីម បានជួបមន្ត្រី អ្នកវិទ្យាសាស្ត្រ អ្នកបច្ចេកទេស និងបុគ្គលិកដែលបានរួមចំណែកក្នុងការបាញ់សាកល្បងមីស៊ីលកាលពីថ្ងៃព្រហស្បតិ៍ ដែលកូរ៉េខាងជើងបាននិយាយថា ជាមីស៊ីលអន្តរទ្វីបធំបំផុត (ICBM) របស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការផ្សាយ លោក គីម មានប្រសាសន៍ថា ៖«ទាល់តែបំពាក់ដោយសមត្ថភាពដ៏ខ្លាំងពូកែ អំណាចយោធាដ៏លើសលប់ ដែលគ្មាននរណាអាចបញ្ឈប់បាន នោះគេអាចទប់ស្កាត់សង្គ្រាម ធានាសន្តិសុខប្រទេស និងទប់ស្កាត់ និងគ្រប់គ្រងរាល់ការគំរាមកំហែង និងការគំរាមកំហែងដោយពួកចក្រពត្តិនិយម»។

ខណៈត្រួតពិនិត្យដោយផ្ទាល់ចំពោះការបាញ់កាលពីថ្ងៃព្រហស្បតិ៍ លោក គីម បាននិយាយថា មីស៊ីល ICBM ថ្មី គឺអាចជួយរារាំងសកម្មភាពយោធាណាមួយរបស់សហរដ្ឋអាមេរិក ដែលនៅតែបន្តសង្គ្រាមបច្ចេកទេសជាមួយកូរ៉េខាងជើង បន្ទាប់ពីសង្គ្រាមកូរ៉េ១៩៥០-១៩៥៣បានបញ្ចប់ក្នុងបទឈប់បាញ់គ្នាជាជាងកិច្ចព្រមព្រៀងសន្តិភាព។

ទីក្រុងវ៉ាស៊ីនតោនបានព្យាយាមដាក់សម្ពាធទីក្រុងព្យុងយ៉ាងឲ្យចុះចាញ់ ឬកាត់បន្ថយអាវុធនុយក្លេអ៊ែរ និងមីស៊ីល ICBMs ដែលប្រហែលជាអាចវាយប្រហារគោលដៅលើសហរដ្ឋអាមេរិក។

ប៉ុន្តែលោក គីម ជុងអ៊ុន បាននិយាយថា កម្លាំងការពាររបស់ខ្លួនមិនអាចផ្លាស់ប្តូរ ឬទិញអ្វីផ្សេងបានឡើយ ហើយនឹងត្រូវរក្សាយ៉ាងរឹងមាំដោយគ្មានភាពស្ងប់ស្ងាត់បន្តិចនោះទេ ទោះជាមានការលំបាកក្នុងការបាញ់សាកល្បងក៏ដោយ។