ព័ត៌មានអន្ដរជាតិ

នាយករដ្ឋមន្ត្រីអង់គ្លេស Johnson សុំទោសសភា ក្រោយពិន័យបំពានច្បាប់កូវីដ

បានផុស

៣ years មុន

នៅ

ថ្ងៃពុធ ២០ មេសា ២០២២

ដោយ

នាយករដ្ឋមន្ត្រីអង់គ្លេស លោក Boris Johnson កាលពីថ្ងៃអង្គារ៍បានធ្វើការសុំទោសដល់សភាសម្រាប់ការបំពានច្បាប់កូវីដ-១៩ដោយសារបានជួបជុំគ្នាក្នុងពិធីខួបកំណើតរបស់លោកកាលពីថ្ងៃទី១៩ ខែមិថុនា ឆ្នាំ២០២០ បន្ទាប់ពីលោកត្រូវបានប៉ូលិសពិន័យកាលពីសប្តាហ៍មុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកនាយករដ្ឋមន្ត្រី Johnson និងភរិយា ព្រមទាំងរដ្ឋមន្ត្រីក្រសួងហិរញ្ញវត្ថុ លោក Rishi Sunak ត្រូវបានពិន័យអំឡុងពេលសភាត្រូវបានសម្រាកក្នុងពិធីបុណ្យ Easter។ សមាជិកសភានឹងធ្វើការបោះឆ្នោតមួយនៅថ្ងៃព្រហស្បតិ៍ខាងមុខដើម្បីសម្រេចថាតើលោក Johnson គួរត្រូវបានស៊ើបអង្កេតជុំវិញការអះអាងដែលលោកបានបំភាន់សភាដែលនិយាយម្តងហើយម្តងទៀតថា លោកបានគោរពតាមច្បាប់កូវីដ។

«ខ្ញុំឆ្លៀតក្នុងឱកាសនេះ ធ្វើការសុំទោសភាអស់ពីបេះដូងរបស់ខ្ញុំ។ នៅពេលខ្ញុំទទួលបានសេចក្តីជូនដំណឹង ខ្ញុំទទួលស្គាល់ការឈឺចាប់ និងកំហឹង ហើយខ្ញុំបាននិយាយថា ប្រជាជនមានក្តីរំពឹងដល់នាយករដ្ឋមន្ត្រីរបស់ពួកគេល្អ»។ លោក Johnson បានប្រាប់អង្គសភា និងបញ្ជាក់ថា ដំបូងឡើយ លោកមិនបានដឹងទេពីការជួបជុំនោះគឺជាការបំពានច្បាប់កូវីដ។

លោកបានបន្ថែមថា ៖«វាមិនបានកើតឡើងចំពោះខ្ញុំពេលនោះ ឬបន្តបន្ទាប់មក ការជួបជុំនោះគឺនៅក្នុងបន្ទប់ខុទ្ទកាល័យមុនពេលកិច្ចប្រជុំដ៏សំខាន់ស្តីពីយុទ្ធសាស្ត្រទប់ស្កាត់កូវីដ-១៩ដែលអាចជាការបំពានច្បាប់។ ខ្ញុំសូមនិយាយដដែលថា នោះជាកំហុសរបស់ខ្ញុំ ហើយខ្ញុំសូមអភ័យទោសចំពោះបញ្ហានោះ»។

សម្រាប់ការពិន័យពីបទបំពានច្បាប់កូវីដអាចពិន័យជាប្រាក់ចាប់ពី៤០ដុល្លារទៅ ១៣០០០ដុល្លារអាមេរិក៕

ប្រែសម្រួល៖ វីរបុត្រ
ប្រភព៖ Reuters

Related Topics:លោក Boris Johnson