ព័ត៌មានអន្ដរជាតិ
អតីតនាយករដ្ឋមន្ត្រីអង់គ្លេស ទម្លាយថា លោក ពូទីន គំរាមធ្វើឃាតគាត់ ដោយប្រើពេលត្រឹម ១នាទី
លោក វ្ល៉ាឌីមៀរ ពូទីន បានគំរាមធ្វើឃាតលោក បូរីស ចនសុន មុនផ្ទុះជម្លោះយោធានៅប្រទេសអ៊ុយក្រែន។ នេះបើតាមការអះអាង នៅថ្ងៃចន្ទទី៣០ខែមករា។
អតីតនាយករដ្ឋមន្ត្រីអង់គ្លេស លោក ចនសុន និយាយថា បន្ទាប់ពីគាត់បានព្រមានលោក ពូទីន ឲ្យបោះបង់ចោលផែនការវាយប្រហារអ៊ុយក្រែន មេដឹកនាំរុស្ស៊ី អួតថា ទីក្រុងមូស្គូ នឹងចំណាយពេលត្រឹមតែមួយនាទីប៉ុណ្ណោះ ដើម្បីសម្លាប់លោក ចនសុន ដោយមីស៊ីល។
ការគំរាមកំហែងដ៏គួរឲ្យភ្ញាក់ផ្អើលនេះ ត្រូវបានធ្វើឡើងនៅក្នុងខែកុម្ភៈឆ្នាំមុន បន្ទាប់ពីលោក ចនសុន បំពេញទស្សនកិច្ចនៅទីក្រុងកៀវ ដើម្បីធានាដល់ប្រធានាធិបតីអ៊ុយក្រែន លោក Volodymyr Zelensky ថា ចក្រភពអង់គ្លេស នឹងគាំទ្រប្រទេសរបស់គាត់ ប្រសិនបើរុស្ស៊ីវាយលុក។
លោក ចនសុន បញ្ជាក់ថា នៅពេលត្រលប់មកវិញ គាត់បាននិយាយទូរស័ព្ទយ៉ាងយូរជាមួយលោក ពូទីន។ កាលនោះ ប្រធានាធិបតីរុស្ស៊ីបានបដិសេធ ចំពោះគម្រោងវាយលុកអ៊ុយក្រែន បើទោះបីជាមានកងទ័ពរាប់ម៉ឺននាក់ នៅតាមព្រំដែនក៏ដោយ។
លោក ចនសុន បានប្រាប់លោក ពូទីន ថា សង្រ្គាមនឹងក្លាយជាមហន្តរាយដ៏ធ្ងន់ធ្ងរនិងបង្កឲ្យមានការដាក់ទណ្ឌកម្មពីសំណាក់លោកខាងលិច ដែលមិនធ្លាប់មានពីមុនមក។ សង្រ្គាមអាចធ្វើឲ្យមានការគាំទ្រនៅពីក្រោយទីក្រុងកៀវ ហើយនឹងបណ្តាលឲ្យមាន អង្គការណាតូកាន់តែច្រើន នៅលើព្រំដែនរបស់រុស្ស៊ី។
នៅពេលនិយាយអំពីការចូលជាសមាជិកណាតូរបស់អ៊ុយក្រែន លោក ចនសុន បានអះអាងថា “គាត់បានគំរាមខ្ញុំ ហើយនិយាយថា បូរីស ខ្ញុំមិនចង់ធ្វើបាបអ្នកទេ ប៉ុន្តែបើប្រើមីស៊ីល វានឹងចំណាយពេលត្រឹមតែមួយនាទីប៉ុណ្ណោះ”។
ការលាតត្រដាងនេះ ធ្វើឡើងនៅក្នុងភាពយន្តឯកសាររបស់ BBC ដែលមានឈ្មោះថា Putin v the West ដែលនឹងត្រូវចាក់ផ្សាយនៅដើមសប្តាហ៍នេះ៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ណាតូ វាយបកភ្លាមៗ ក្រោយលោក ពូទីន ប្រកាសថា រុស្ស៊ីនឹងឈ្នះនៅអ៊ុយក្រែន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ