ព័ត៌មានអន្ដរជាតិ
ការងារ ២ ដែលលោក Boris Johnson អាចចាប់យក ក្រោយអស់តំណែង
លោក Boris Johnson ត្រូវបានគេមើលឃើញថាកំពុងមានអាជីពជាច្រើននៅក្នុងដៃដែលលោកត្រៀមចាប់យក បន្ទាប់ពីប្រកាសយល់ព្រមលាលែងពីតំណែងជានាយករដ្ឋមន្ត្រីចក្រភពអង់គ្លេស និងមេដឹកនាំគណបក្សអភិរក្សកាលពីដើមខែកក្កដាកន្លងមកទៅ ។
ខណៈបច្ចុប្បន្នលោកស្រី Liz Truss ត្រូវបានបញ្ជាក់ជានាយករដ្ឋមន្ត្រីថ្មីរបស់ចក្រភពអង់គ្លេស, លោក Boris Johnson អាចចាប់យកការងារកំពូលចំនួន ២ បន្ទាប់ពីចាកចេញពីវិមាន Downing Street ៖
ត្រឡប់ទៅធ្វើអ្នកសារព័ត៌មានវិញ
មុនចូលប្រឡូកក្នុងឆាកនយោបាយ លោក Boris Johnson គឺជាអ្នកយកព័ត៌មានឲ្យកាសែត The Times រហូតដល់ក្លាយជាអ្នកសរសេរអត្ថបទឲ្យសារព័ត៌មាន Daily Telegraph និងចុងក្រោយក្លាយជានិពន្ធនាយករបស់សារព័ត៌មាន The Spectator ។
ក្នុងអាជីពមួយនេះ លោក Johnson មិនដូចអ្នកកាសែតផ្សេងទេ ពោលលោករស់នៅយ៉ាងសុខស្រួលក្នុងនាមជាអ្នកសរសេរអត្ថបទ ដោយរកប្រាក់ចំណូលបានច្រើនជាងពេលធ្វើជានាយករដ្ឋមន្ត្រីទៅទៀត ។
ប្រមុខណាតូ
គំនិតរបស់លោក Johnson សម្រាប់ស្នងតំណែងអតីតនាយករដ្ឋមន្ត្រីន័រវេសលោក Jens Stoltenberg ជាអគ្គលេខាធិការអង្គការណាតូត្រូវបានក៏មានការគាំទ្រផងដែរដោយសមាជិកសភាអភិរក្សនិយមមួយចំនួន និងសមភាគីអ៊ុយក្រែនរបស់ពួកគេកាលពីខែកក្កដា ។
លោក Stoltenberg ដែលជាអតីតមេដឹកនាំគណបក្សការងាររបស់ប្រទេសរបស់គាត់ គឺជាមេដឹកនាំខ្លាំងបំផុតមួយរូបសម្រាប់ការប្រឈមមុខដាក់គ្នាជាមួយរុស្ស៊ី ចាប់តាំងពីចូលកាន់តំណែងក្នុងខែតុលា ឆ្នាំ ២០១៤ ។ អាណត្តិទី ៤ របស់លោក Stoltenberg នឹងត្រូវបញ្ចប់នៅខែកញ្ញាឆ្នាំនេះ ប៉ុន្តែអាចបន្តតំណែងមួយនេះជាការឆ្លើយតបទៅនឹងប្រតិបត្តិការយោធាពិសេសរបស់រុស្ស៊ីនៅអ៊ុយក្រែន ។
ទន្ទឹមនោះ លោក Johnson ក៏ជាមេដឹកនាំឈានមុខគេមួយរូបក្នុងការបង្កើនជម្លោះនេះផងដែរ ដោយបានបញ្ជូនសម្ភារៈយោធាសំខាន់ៗមួយចំនួនរបស់កងទ័ពអង់គ្លេសទៅកាន់ទីក្រុងកៀវ និងជំរុញឲ្យប្រធានាធិបតីអ៊ុយក្រែនលោក Volodymyr Zelensky បញ្ចៀសការចរចាសន្តិភាពណាមួយជាមួយទីក្រុងមូស្គូ ។
គួរបញ្ជាក់ថា លោក Boris Johnson បានចូលសភាក្នុងនាមជាសមាជិកសភាសម្រាប់មណ្ឌលបោះឆ្នោត Henley មុនពេលផ្តួលលោក Ken Livingstone ក្លាយជាអភិបាលក្រុងឡុងដ៍ពីឆ្នាំ ២០០៨ ដល់ឆ្នាំ ២០១៦ និងក្លាយជានាយករដ្ឋមន្ត្រីអង់គ្លេសឆ្នាំ ២០១៩ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ តើលោកស្រី Liz Truss មានគោលនយោបាយសំខាន់ៗអ្វីខ្លះ ក្នុងឋានៈជានាយករដ្ឋមន្ត្រី អង់គ្លេស?
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១២ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore