ព័ត៌មានអន្ដរជាតិ
អាមេរិកចង់ឲ្យក្រុមប្រឹក្សាសន្តិសុខ UN បោះឆ្នោតបន្ថែមទណ្ឌកម្មកូរ៉េខាងជើងក្នុងខែនេះ
សហរដ្ឋអាមេរិកចង់ឲ្យក្រុមប្រឹក្សាសន្តិសុខអង្គការសហប្រជាជាតិ (UN) ធ្វើការបោះឆ្នោតក្នុងខែឧសភានេះដើម្បីដាក់ទណ្ឌកម្មបន្ថែមលើប្រទេសខាងជើងជុំវិញការបាញ់សាកល្បងមីស៊ីលថ្មី។ ឯកអគ្គរដ្ឋទូតអាមេរិកប្រចាំ UN លោកស្រី Linda Thomas-Greenfield បាននិយាយកាលពីថ្ងៃអង្គារ៍ ទី៣ ខែឧសភា។
អាមេរិកបានស្នើសេចក្តីព្រាងដំណោះស្រាយដំបូងទៅក្រុមប្រឹក្សាដែលមានសមាជិក១៥រូបកាលពីខែមុនដើម្បីដាក់បំរាមលើថ្នាំជក់ និងកាត់បបន្ថយការនាំចេញប្រេងទៅកូរ៉េខាងជើងពាក់កណ្តាល ព្រមទាំងបានដាក់ក្នុងបញ្ជីខ្មៅក្រុមលួចអនឡាញ Lazarus។
ទោះបីជាយ៉ាងណា ប្រទេសរុស្ស៊ី និងចិន មានសញ្ញាប្រឆាំងរួចទៅហើយអំពីការបង្កើនទណ្ឌកម្មក្នុងការឆ្លើយតបទៅនឹងការបាញ់សាកល្បងមីស៊ីលអន្តរទ្វីបរបស់ទីក្រុងព្យុងយ៉ាងកាលពីខែមីនា ដែលជាមីស៊ីលធំបំផុតលើកដំបូងគិតចាប់តាំងពីឆ្នាំ២០១៧។ ដំណោះស្រាយក្រុមប្រឹក្សាសន្តិសុខត្រូវការសំឡេងគាំទ្រក្នុងបោះឆ្នោតចាប់ពី៩សំឡេងឡើងទើបអាចអនុម័តបាន បើទោះបីជាវេតូពីរុស្ស៊ី ចិន បារាំង អង់គ្លេស ឬអាមេរិកក៏ដោយ។
«វាជាផែនការរបស់ពួកយើងដើម្បីឆ្ពោះទៅរកការសម្រេចដំណោះស្រាយនោះនៅក្នុងអំឡុងខែនេះ»។ លោកស្រី Linda Thomas-Greenfield បានប្រាប់អ្នកកាសែតនៅពេលសួរជុំវិញការបោះឆ្នោត។ អាមេរិកជាប្រធានក្រុមប្រឹក្សាសន្តិសុខសម្រាប់ខែឧសភា។
លោកស្រីបន្តថា ៖«យើងខ្ញុំព្រួយបារម្ភអំពីស្ថានភាព។ វាជាក្តីសង្ឃឹមរបស់ពួកយើងដែលអាចរក្សាក្រុមប្រឹក្សាឯកភាពគ្នាក្នុងការចាត់វិធានការលើសកម្មភាពទាំងនោះរបស់កូរ៉េខាងជើង»។
កូរ៉េខាងជើងបានក្លាយជាគោលដៅក្នុងការដាក់ទណ្ឌកម្មរបស់អង្គការសហប្រជាជាតិចាប់តាំងពីឆ្នាំ២០០៦ នៅពេលក្រុមប្រឹក្សាសន្តិសុខបានប្រឹងប្រែងជាច្រើនឆ្នាំដើម្បីកាត់ផ្តាច់មូលនិធិនៅកូរ៉េខាងជើងដោយសារកម្មវិធីអាវុធន្លេអ៊ែរ និងមីស៊ីល៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១២ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម២០ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)