លោក​ Zelensky​ ថា​ ទី​​ក្រុង​​កៀវ​​កំពុង​​​រង​​សម្ពាធ​ឲ្យ​​ធ្វើ​​សម្បទាន​​ទៅ​​ទី​​ក្រុង​​មូស្គូ

ភាពនឿយហត់នៃសង្គ្រាមកំពុងបន្តក្នុងជម្លោះរវាងរដ្ឋាភិបាលទីក្រុងមូស្គូ និងរដ្ឋាភិបាលទីក្រុងកៀវកំពុងកើនឡើងទូទាំងពិភពលោក។ លោកប្រធានាធិបតីអ៊ុយក្រែន Volodymyr Zelensky បានទទួលស្គាល់កាលពីថ្ងៃចន្ទម្សិលមិញ។

លោកបានអះអាងថា ៖«ដូច្នេះ ប្រជាជនចង់បានលទ្ធផលល្អខ្លះសម្រាប់ពួកគេផ្ទាល់» ហើយសម្ពាធលើប្រទេសអ៊ុយក្រែននឹងឈានដល់ដំណោះស្រាយដោយសន្តិវិធីណាមួយចំពោះជម្លោះកំពុងកើនឡើង។

«ពិតណាស់ អ្នករាល់គ្នាចង់ជំរុញពួកយើងឲ្យឆ្ពោះទៅមុខ ទៅរកលទ្ធផលខ្លះ តាម​ពិតទៅ មិនអំណោយផលសម្រាប់ពួកយើងទេ ពីព្រោះពួកគេមិនសួរយើងឡើយ តែវាមានប្រយោជន៍សម្រាប់ភាគីជាក់លាក់មួយចំនួនដែលមានផលប្រយោជន៍ផ្ទាល់ខ្លួនរបស់ពួកគេ ទាំងផ្នែកហិរញ្ញវត្ថុ និងផ្នែកនយោបាយ»។ លោក Zelensky បានលើកឡើង។

លោកមិនបានបញ្ជាក់លំអិតថាតើភាគីណាខ្លះដែលកំពុងដាក់សម្ពាធលើអ៊ុយក្រែនដើម្បីឈានទៅដល់កិច្ចព្រមព្រៀងសន្តិភាព​ជាមួយរុស្ស៊ី។ សូម្បីលោកប្រធានាធិបតីខ្លួនឯង ក៏ដូចជាមន្ត្រីអ៊ុយក្រែនកំពូលៗផ្សេងទៀត បានច្រានចោលម្តងហើយម្តងទៀតពីលទ្ធភាពនៃការធ្វើសម្បទានទឹកដីណាមួយទៅរុស្ស៊ី និងបានប្តេជ្ញាថា នឹងដណ្តើមយកទឹកដីទាំងអស់មកវិញ។

បំណងប្រាថ្នាទឹកដីរបស់រដ្ឋាភិបាលទីក្រុងកៀវមិនត្រឹមតែ​ដណ្តើម​មក​វិញ​នូវ​ទឹកដីដែលបានធ្លាក់ទៅក្នុងកណ្តាប់ដៃរុស្ស៊ីពេលកើតសង្គ្រាមនេះទេ ប៉ុន្តែចង់ដណ្តើមយកតំបន់សាធារណៈទាំងពីរគឺ Donetsk និង Lugansk ព្រមទាំងតំបន់ Crimea ថែមទៀតដែលត្រូវបានបំបែកខ្លួនចេញពីអ៊ុយក្រែន និងបង្រួមចូលរុស្ស៊ីកាលពីឆ្នាំ២០១៤។

រុស្ស៊ីបានធ្វើការវាយប្រហារប្រទេសជិតខាងខ្លួនកាលពីចុងខែកុម្ភៈ បន្ទាប់ពីប្រទេសអ៊ុយក្រែនបានបរាជ័យក្នុងការបំពេញកាតព្វកិច្ចនៃកិច្ចព្រម​ព្រៀងទីក្រុង Minsk ដែលបានចុះហត្ថលេខាពីដំបូងឆ្នាំ២០១៤ និងការទទួលស្គាល់របស់រុស្ស៊ីលើតំបន់ Donbass ដែលមានសាធារណរដ្ឋ Donetsk និង Lugansk។ ពិធីការដែលមានប្រទេសបារាំង និងអាល្លឺម៉ង់ជាអ្នកសម្របសម្រួលកណ្តាលត្រូវបានធ្វើឡើងដើម្បីផ្តល់គោលជំហរតំបន់ពិសេសទៅក្នុងរដ្ឋអ៊ុយក្រែន។

ចាប់តាំងពីនោះមក រដ្ឋាភិបាលវិមានក្រឹមឡាំងបានទាមទារឲ្យអ៊ុយក្រែនធ្វើការប្រកាសពីគោលជំហរអព្យាក្រឹតផ្លូវការរបស់ខ្លួនដោយមិនចូលជាមួយប្លុកយោធាណាតូដែលដឹកនាំដោយសហរដ្ឋអាមេរិកឡើយ៕

ប្រែសម្រួល៖ វីរបុត្រ
ប្រភព៖ RT