Connect with us

ព័ត៌មានអន្ដរជាតិ

រលកកម្តៅ កំពុងវាយប្រហារខ្លាំងក្លា ទូទាំងទ្វីប អឺរ៉ុប

បានផុស

នៅ

មនុស្សរាប់រយនាក់ទៀត ត្រូវបានជម្លៀសចេញពីផ្ទះរបស់ពួកគេ ខណៈភ្លើងឆេះព្រៃ បានឆាបឆេះយ៉ាងសន្ធោសន្ធៅនៅក្នុងប្រទេសបារាំង អេស្ប៉ាញ និងព័រទុយហ្គាល់កាលពីថ្ងៃសុក្រទី១៥ខែកក្កដា ស្របពេលមន្ត្រីនៅអឺរ៉ុប បានចេញការព្រមានអំពីសុខភាព សម្រាប់រលកកម្តៅនាប៉ុន្មានថ្ងៃខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាប់តាំងពីថ្ងៃអង្គារមក អ្នកពន្លត់អគ្គិភ័យជាង ១០០០ នាក់ បានប្រយុទ្ធដើម្បីគ្រប់គ្រងអគ្គិភ័យចំនួនពីរកន្លែង នៅភាគនិរតីប្រទេសបារាំង ដែលត្រូវបានវាយប្រហារដោយកម្តៅដ៏ក្ដៅគគុក និងខ្យល់បក់ខ្លាំង។

ថ្វីបើសីតុណ្ហភាពធ្លាក់ចុះបន្តិចនៅក្នុងប្រទេសព័រទុយហ្គាល់ក៏ដោយ ប៉ុន្តែអាកាសធាតុ នៅតែត្រូវបានគេរំពឹងថានឹងឡើងដល់កំពូល ៤០អង្សាសេនៅកន្លែងខ្លះ ខណៈស្រុកចំនួន៥ ត្រូវបានប្រកាសអាសន្នពណ៌ក្រហម ហើយក្រុមអ្នកពន្លត់អគ្គិភ័យជាង ១០០០ នាក់ កំពុងពន្លត់ភ្លើងឆេះព្រៃចំនួន ១៧កន្លែង។

នៅអេស្ប៉ាញ ភ្លើងឆេះព្រៃថ្មី បានផ្ទុះឡើងនៅភាគខាងត្បូងប្រទេស បន្ទាប់ពីបានឆាបឆេះនៅភាគខាងលិចកាលពីសប្តាហ៍មុន។

មនុស្សជាង ៤០០ នាក់ ត្រូវបានជម្លៀសចេញពីតំបន់ភ្នំ Mijas ដែលជាកន្លែងពេញនិយមរបស់អ្នកទេសចរមកពីអឺរ៉ុបខាងជើង។

ទន្ទឹមនឹងនេះ គ្រោះរាំងស្ងួតអាក្រក់បំផុតក្នុងរយៈពេលជាង ៧០ ឆ្នាំបានជះឥទ្ធិពលដល់ទន្លេ Po ដែលជាទន្លេវែងបំផុតរបស់ប្រទេសអ៊ីតាលី ហើយសីតុណ្ហភាព ត្រូវបានគេរំពឹងថានឹងកើនឡើងនៅសប្តាហ៍ក្រោយ។

ក្រុមមន្ត្រីមានការព្រួយបារម្ភអំពីផលប៉ះពាល់ដល់សុខភាពប្រជាជន និងលើប្រព័ន្ធថែទាំសុខភាព ដែលប្រឈមមុខដោយជំងឺរាតត្បាតកូវីដ-១៩ រួចទៅហើយ។ រលកកម្តៅដ៏ខ្លាំងបានលេបត្របាក់ទ្វីបនេះ ដោយមានការព្រមានថា កាន់តែអាក្រក់ទៅៗ ជាពិសេស នៅក្នុងចក្រភពអង់គ្លេស។

អាជ្ញាធរសុខភាព ព័រទុយហ្គាល់ និយាយថា ចាប់ពីថ្ងៃទី ៧ ខែកក្កដាដល់ថ្ងៃទី ១៣ ខែកក្កដា ប្រទេសនេះ បានចុះបញ្ជីការស្លាប់មនុស្សចំនួន ២៣៨ នាក់ដោយសាររលកកម្តៅខណៈ អេស្ប៉ាញបានចុះបញ្ជីការស្លាប់ចំនួន ៨៤នាក់ដែលបណ្តាលមកពីសីតុណ្ហភាពឡើងខ្លាំងក្នុងរយៈពេល ៣ថ្ងៃដំបូងនៃរលកកម្តៅ។

អ្នកព្យាករណ៍អាកាសធាតុរបស់ចក្រភពអង់គ្លេសបានចេញការព្រមាន “កម្តៅក្តៅខ្លាំង” ពណ៌ក្រហមជាលើកដំបូងរបស់ខ្លួន សម្រាប់ផ្នែកខ្លះនៃប្រទេសអង់គ្លេសនៅថ្ងៃចន្ទ និងថ្ងៃអង្គារខាងមុខ។

សីតុណ្ហភាពឡើងខ្ពស់បំផុតក្នុងកំណត់ត្រា របស់ចក្រភពអង់គ្លេសគឺ ៣៨.៧ អង្សាសេ ដែលបានកត់ត្រាក្នុងទីក្រុង Cambridge នៅថ្ងៃទី ២៥ ខែកក្កដា ឆ្នាំ ២០១៩។

នៅប្រទេសព័រទុយហ្គាល់ សីតុណ្ហភាពឡើងខ្លាំងកាលពីថ្ងៃព្រហស្បតិ៍ ត្រូវបានកត់ត្រានៅក្នុងទីក្រុងភាគខាងជើង Pinhao ដែលឡើងដល់ ៤៧អង្សាសេ ប៉ុន្តែនៅទាបជាងកំណត់ត្រាចាស់បន្តិច។

នៅក្នុងតំបន់ Gironde នៃប្រទេសបារាំង មនុស្ស ១១ ៣០០នាក់ ត្រូវបានជម្លៀសចេញចាប់តាំងពីភ្លើងឆេះព្រៃបានផ្ទុះឡើងនៅជុំវិញទីក្រុង Dune du Pilat និង Landiras។ ផ្ទៃដីប្រមាណ ៧.៣៥០ ហិកតា ត្រូវបានដុតបំផ្លាញ។

នៅកន្លែងផ្សេងទៀតក្នុងប្រទេសអេស្ប៉ាញ ភ្លើងឆេះព្រៃដែលកំពុងឆេះនៅផ្នែកខ្លះនៃតំបន់ Extremadura មានព្រំប្រទល់ជាប់ប្រទេសព័រទុយហ្គាល់ និងតំបន់ Castille និង Leon បានបង្ខំឲ្យមានការជម្លៀសមនុស្សចេញពីភូមិតូចៗចំនួន៤បន្ថែមទៀត កាលពីល្ងាចថ្ងៃព្រហស្បតិ៍ និងថ្ងៃសុក្រ៕

ប្រែសម្រួល៖ Vann Vann

ប្រភព៖ Reuters

ចុចអាន៖ កាណាដាឡើង​​កម្តៅ​ខ្លាំង​សម្លាប់​មនុស្ស​ច្រើន​នាក់សប្តាហ៍នេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២១ នាទី មុន

កម្ពុជា-ថៃ ជួបប្រជុំ​ទ្វេភាគី​លើក​ទី​១៤​ស្តីពី​កិច្ចសហប្រតិបត្តិការ​ប្រយុទ្ធ​ប្រឆាំង​គ្រឿងញៀន

ព័ត៌មានជាតិ២៤ នាទី មុន

រដ្ឋមន្ត្រីក្រសួងកសិកម្ម៖ យុត្តិធម៌​សម្រាប់​មន្ដ្រី​ស្អាតស្អំ មិន​អាច​កាត់​ថ្លៃ​បាន​ទេ

ព័ត៌មានអន្ដរជាតិ២៦ នាទី មុន

សិង្ហបុរី ប្រកាសថា ខ្លួននឹងស៊ើបអង្កេតករណីកប៉ាល់កុងតឺន័រ Dali បុកជាមួយស្ពាន Francis Scott Key

ព័ត៌មានជាតិ១ ម៉ោង មុន

លោក តាន់ ហ្សង់ហ្វ្រង់ស័រ៖ ដោះស្រាយបញ្ហាព្រំដែន ត្រូវការតែអ្នកជំនាញមុតស្រួច មិនត្រូវការអ្នកជាតិនិយម អ្នកនយោបាយឡើយ

ព័ត៌មានអន្ដរជាតិ៤ ម៉ោង មុន

អាមេរិក ដាក់ទណ្ឌកម្មក្រុមហ៊ុនជួរមុខ ចិន ដែលមានចិត្តចង់កម្ទេចហេដ្ឋារចនាសម្ព័ន្ធសំខាន់ៗ

ព័ត៌មានជាតិ៣ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ១ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានអន្ដរជាតិ៦ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៧ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៥ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម