ព័ត៌មានអន្ដរជាតិ

បំណុលមុនសងមិនទាន់អស់ផង ឥលូវស្រីលង្កាស្នើម្ចាស់បំណុលទ្វេភាគីសុំខ្ចីបន្ថែមទៀត

បានផុស

២ years មុន

នៅ

ថ្ងៃពុធ ២៦ មិថុនា ២០២៤

ដោយ

Chheang

រដ្ឋាភិបាលស្រីលង្កា នឹងចុះកិច្ចព្រមព្រៀងបន្ធូរបន្ថយបំណុលជាមួយបណ្ដាប្រទេស ដែលជាម្ចាស់បំណុលទ្វេភាគីរបស់ខ្លួន នារសៀលថ្ងៃពុធទី២៦ ខែមិថុនា ឆ្នាំ២០២៤ នៅលើទឹកដីប្រទេសបារាំង។ នេះបើយោងតាមចុះផ្សាយរបស់សារព័ត៌មាន Channel News Asia។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមក្រសួងហិរញ្ញវត្ថុស្រីលង្កា ដែលធ្លាប់បានប្រកាសកាលពីខែវិច្ឆិកា ឆ្នាំ២០២៣កន្លងទៅ, កិច្ចព្រមព្រៀងនេះ នឹងអនុញ្ញាតឲ្យម្ចាស់បំណុល អាចបន្តឲ្យប្រាក់កម្ចីទៅកាន់ស្រីលង្កាបន្ថែមទៀត ក្នុងទំហំទឹកប្រាក់ប្រមាណជា ៥,៩ពាន់លានដុល្លារ។ កម្ចីថ្មី នឹងមានរយៈពេលសងយូរជាងមុន និងមានការប្រាក់ទាបជាងមុន។ មួយវិញទៀត កិច្ចព្រមព្រៀងនេះទៀតសោត ក៏ជាការបំពេញនូវលក្ខខណ្ឌក្នុងការស្នើសុំមូលនិធិសង្គ្រោះរបស់ទីភ្នាក់ងារអន្តររដ្ឋាភិបាល IMF របស់អង្គការសហប្រជាជាតិផងដែរ។

ស្រីលង្កា បានខកខានមិនអាចមានលទ្ធភាពសងបំណុលបរទេស ចាប់តាំងពីខែមេសា ឆ្នាំ២០២២មកម៉្លេះ បន្ទាប់ពីកើតមានបញ្ហាសេដ្ឋកិច្ចដ៏ធ្ងន់ធ្ងរ ព្រោះការធ្លាក់ចុះនៃទុនបម្រុងរូបិយប័ណ្ណបរទេស។ ដោយសារតែបញ្ហានេះហើយទើបកាលណោះលោក Gotabaya Rajapaksa បានសម្រេចចុះចេញពីតំណែងជាប្រធានាធិបតីស្រីលង្កា។

រដ្ឋាភិបាលស្រីលង្កា មានបំណងស្នើសុំម្ចាស់បំណុលទ្វេភាគីឲ្យចុះកិច្ចព្រមព្រៀងនេះ មុនចុងឆ្នាំ២០២២កន្លងទៅ ប៉ុន្តែការចរចាត្រូវបានអូសបន្លាយរហូតមកទល់នឹងពាក់កណ្ដាលឆ្នាំ២០២៤នេះ។

បំណុលទ្វេភាគី មានចំនួន ២៨,៥% នៃបំណុលបរទេសសរុបទាំងអស់របស់ស្រីលង្កា ដែលមានប្រមាណ ៣៧ពាន់លានដុល្លារ។ ម្ចាស់បំណុលទ្វេភាគីធំជាងគេរបស់ស្រីលង្កា គឺជា ចិន ក្នុងចំនួនទឹកប្រាក់កម្ចី ៤,៦៦ពាន់លានដុល្លារ។ បន្ទាប់មកនោះគឺជប៉ុន មាន ២,៣៥ពាន់លានដុល្លារ និងឥណ្ឌា មាន ១,៣៦ពាន់លានដុល្លារ៕

ដោយ៖ ឈាង

Related Topics:ប្រទេស ស្រីលង្កា