Connect with us

ព័ត៌មានអន្ដរជាតិ

ប៉ាឡេស្ទីន មិនខ្វល់រឿងបទឈប់បាញ់ទេ បើ អ៊ីស្រាអែល នៅតែបំពាន

បានផុស

នៅ

លោក Ziyad Nakhalah មេដឹកនាំក្រុមជីហាដឥស្លាមប៉ាឡេស្ទីន (PIJ) បាននិយាយថា នឹងបោះបង់ចោលបទឈប់បាញ់ជាមួយអ៊ីស្រាអែល ហើយនឹងបន្តការវាយប្រហារពីតំបន់ហ្គាហ្សា ប្រសិនបើអាជ្ញាធរអ៊ីស្រាអែលបំពានលក្ខខណ្ឌនៃបទឈប់បាញ់នេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Ziyad Nakhalah បាននិយាយប្រាប់ប៉ុស្តិ៍ទូរទស្សន៍ Yemeni Al-Masirah ថា “ប្រសិនបើសត្រូវមិនគោរពតាមលក្ខខណ្ឌនៃចលនាតស៊ូប៉ាឡេស្ទីននោះទេ យើងនឹងចាត់ទុកកិច្ចព្រមព្រៀងបទឈប់បាញ់ដែលទើបតែចូលជាធរមាន គឺមិនត្រឹមត្រូវ ហើយនឹងបន្តការប្រយុទ្ធម្តងទៀតដោយមិនមានការស្ទាក់ស្ទើរឡើយ” ។

មេដឹកនាំក្រុមជីហាដឥស្លាមបានសង្កត់ធ្ងន់ថា កិច្ចព្រមព្រៀងបទឈប់បាញ់ដែលទើបតែសម្រេចបានជាមួយអ៊ីស្រាអែលគឺពិតប្រាកដ ហើយរួមបញ្ចូលទាំងកិច្ចសន្យាច្បាស់លាស់ដូចជា ការដោះលែងមេបញ្ជាការចលនាប៉ាឡេស្ទីន ២ រូបចេញពីពន្ធនាគារ ដែលជាកិច្ចសន្យាក្រោមអ្នកសម្របសម្រួលអេហ្ស៊ីប ។

ការិយាល័យសារព័ត៌មានរបស់នាយករដ្ឋមន្ត្រីអ៊ីស្រាអែល លោក Yair Lapid បានបញ្ជាក់កាលពីថ្ងៃអាទិត្យថា បទឈប់បាញ់រវាងអ៊ីស្រាអែល និងក្រុមជីហាដឥស្លាម នឹងចូលជាធរមាននៅម៉ោង ១១ និង ៣០នាទីយប់ (ម៉ោងក្នុងស្រុក) ។

កាលពីយប់ថ្ងៃអាទិត្យ កងកម្លាំងការពារអ៊ីស្រាអែល (IDF) បាននិយាយថា ស៊ីរ៉ែនវាយប្រហារតាមអាកាសបានបន្លឺឡើងនៅភាគខាងត្បូងប្រទេសអ៊ីស្រាអែល បន្ទាប់ពីបទឈប់បាញ់ចូលជាធរមាន ។ កាសែត Jerusalem Post ក៏បានរាយការណ៍ដែរថា រ៉ុកកែតជាច្រើនគ្រាប់ត្រូវបានបាញ់ឆ្ពោះទៅភាគខាងត្បូងប្រទេសអ៊ីស្រាអែល ពោលប៉ុន្មាននាទីប៉ុណ្ណោះ បន្ទាប់ពីបទឈប់បាញ់ជាមួយក្រុមជីហាដឥស្លាមប៉ាឡេស្ទីនចូលជាធរមាន ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ អ៊ីស្រាអែល និងប៉ាឡេស្ទីន ឈានដល់កិច្ចព្រមព្រៀងឈប់បាញ់គ្នា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៧ ម៉ោង មុន

សំបុត្រ VIP ទស្សនាការប្រកួតរវាង Messi និង Ronaldo តម្លៃខ្ពស់កប់ក្ដោង

ព័ត៌មានជាតិ៧ ម៉ោង មុន

ក​.​ប​.​ប ចុះ​ពិសោធន៍​ផលិតផល​ត្រី​ប្រ​ម៉ា​ហើម​និង​ត្រីងៀត​គ្រប់​ប្រភេទ​នៅ​ស្រុក​ក្រគរ​រក​ពុំ​ឃើញ​មាន​សារ​ធាតុគីមី

ព័ត៌មានជាតិ៨ ម៉ោង មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ៨ ម៉ោង មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ៨ ម៉ោង មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

Sokha Hotels

ព័ត៌មានពេញនិយម