Connect with us

ព័ត៌មានអន្ដរជាតិ

មេតំបន់មួយរបស់ អ៊ុយក្រែន ចង់ផ្ដាច់ខ្លួនចេញពីទីក្រុងកៀវ និងសុំចូលរួម ជាមួយ រុស្ស៊ី

បានផុស

នៅ

ប្រមុខរដ្ឋបាលតំបន់ Zaporozhye បានប្រកាសកាលពីថ្ងៃចន្ទថា តំបន់ Zaporozhye នឹងធ្វើប្រជាមតិមួយស្ដីពីការសម្រេចចិត្តថាតើត្រូវផ្តាច់ខ្លួនចេញពីអ៊ុយក្រែន និងស្នើសុំចូលរួមជាមួយរុស្ស៊ីឬក៏យ៉ាងណា ។

លោក Evgeny Balitskiy
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Evgeny Balitskiy បាននិយាយថា លោកបានចុះហត្ថលេខាលើបទបញ្ជាមួយនេះរួចហើយ ហើយនឹងរៀបចំកិច្ចប្រជុំក្នុងអំឡុងពេលវេទិកាថ្នាក់តំបន់ដែលធ្វើឡើងនៅទីក្រុង Melitopol នាខែកញ្ញា ។ យោងតាមសារព័ត៌មាន RIA Novosti បានឲ្យដឹងថា តំណាងជាង ៧០០ នាក់មកពីផ្នែកផ្សេងៗនៃតំបន់អ៊ុយក្រែនបានអនុម័តគំនិតនេះ ។

ការប្រកាសនេះកើតឡើង បន្ទាប់ពីកងកម្លាំងរុស្ស៊ីបានគ្រប់គ្រងផ្នែកខ្លះនៃតំបន់ Zaporozhye ក្នុងអំឡុងពេលនៃការវាយលុកលើកដំបូងប្រឆាំងនឹងអ៊ុយក្រែនកាលពីចុងខែកុម្ភៈ ។ បើទោះជាយ៉ាងនេះក្ដី ទីក្រុងមួយចំនួនដែលមានទីតាំងនៅភាគខាងជើងនៃតំបន់នៅលើដងទន្លេ Dnipro នៅតែស្ថិតក្រោមការគ្រប់គ្រងរបស់អ៊ុយក្រែន ។

ទន្ទឹមនោះ មន្ត្រីក្នុងតំបន់ Kherson ជាផ្នែកមួយទៀតរបស់អ៊ុយក្រែនដែលកំពុងគ្រប់គ្រងដោយរុស្ស៊ី ក៏បានសម្តែងផែនការស្រដៀងគ្នានេះដែរ គឺការបោះឆ្នោតគាំទ្រសំណើរបំបែកចេញពីទីក្រុងកៀវ និងស្វែងរកការចូលរួមជាមួយរុស្ស៊ី ។

ស្របពេលជាមួយគ្នានេះ ប្រធានាធិបតីអ៊ុយក្រែន លោក Volodymyr Zelensky កាលពីថ្ងៃអាទិត្យក៏ព្រមានដែរថា ប្រសិនបើតំបន់ទាំងពីរអនុម័តផែនការរបស់ពួកគេមែននោះ រដ្ឋាភិបាលទីក្រុងកៀវនឹងផ្តាច់រាល់កិច្ចចរចាជាមួយរុស្ស៊ី ខណៈទីក្រុងមូស្គូក៏បានស្នើដល់ប្រធានាធិបតីអ៊ុយក្រែនដែរថា គួរតែនិយាយទៅកាន់ពលរដ្ឋនៃតំបន់ទាំងនោះអំពីការសម្រេចចិត្តរបស់ពួកគេ ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ ចិន ដាក់វិធានការក្ដៅ ៨ ចំណុចទៅ អាមេរិក ក្រោយលោកស្រី Pelosi មកតៃវ៉ាន់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម