ព័ត៌មានអន្ដរជាតិ
ចិន ចាត់វិធានការតបតថ្មី ជុំវិញដំណើររបស់ប្រតិភូសភា អាមេរិក ទៅតៃវ៉ាន់
លោក Liu Pengyu អ្នកនាំពាក្យស្ថានទូតចិនប្រចាំនៅសហរដ្ឋអាមេរិកបាននិយាយកាលពីថ្ងៃអាទិត្យថា ប្រទេសចិនប្រឆាំងទៅនឹងទំនាក់ទំនងផ្លូវការណាមួយរវាងសហរដ្ឋអាមេរិក និងកោះតៃវ៉ាន់ ហើយនឹងចាត់វិធានការតបតយ៉ាងម៉ឺងម៉ាត់ ដើម្បីឆ្លើយតបទៅនឹងការបង្កហេតុរបស់សហរដ្ឋអាមេរិក ។
នៅក្នុងការសរសេរបង្ហោះលើបណ្ដាញសង្គម លោក Liu បាននិយាយថា ដំណើរទស្សនកិច្ចថ្មីៗនេះរបស់គណៈប្រតិភូសភាអាមេរិក ដែលបានហោះទៅដល់កោះតៃវ៉ាន់កាលពីថ្ងៃអាទិត្យបង្ហាញឲ្យឃើញថា សហរដ្ឋអាមេរិកមិនចង់ឃើញស្ថិរភាពនៅទូទាំងច្រកសមុទ្រតៃវ៉ាន់នោះទេ និងកំពុងជំរុញឲ្យមានការប្រឈមមុខដាក់គ្នារវាងភាគីទាំងពីរ ជាពិសេសសកម្មភាពនេះគឺបានជ្រៀតជ្រែកចូលកិច្ចការផ្ទៃក្នុងរបស់ចិន ។
លោកបាននិយាយថា “ទំនួលខុសត្រូវសម្រាប់ភាពតានតឹងបច្ចុប្បន្ននៅទូទាំងច្រកសមុទ្រតៃវ៉ាន់គឺស្ថិតនៅលើភាគីសហរដ្ឋអាមេរិកទាំងស្រុង ហើយអាមេរិកគួរតែទទួលនូវផលវិបាកទាំងអស់ពីដំណើរទស្សនកិច្ចរបស់សមាជិកសភាពាក់ព័ន្ធទៅកាន់កោះតៃវ៉ាន់” ។
អ្នកនាំពាក្យស្ថានទូតចិនរូបនេះបញ្ជាក់ថា “សមាជិកសភាអាមេរិកគួរតែធ្វើសកម្មភាពស្របតាមគោលនយោបាយចិនតែមួយរបស់រដ្ឋាភិបាលសហរដ្ឋអាមេរិក ។ ភាគីអាមេរិកគួរតែគោរពតាមគោលការណ៍ចិនតែមួយ និងការកំណត់នៃសេចក្តីថ្លែងការណ៍រួមទាំង ៣ របស់ចិន-អាមេរិក ហើយបញ្ឈប់រាល់ការចង់បានណាមួយលើកោះតៃវ៉ាន់” ។
គួរបញ្ជាក់ថា គណៈប្រតិភូអាមេរិកដែលមានសមាជិក ៥ នាក់ ដឹកនាំដោយសមាជិកព្រឹទ្ធសភារដ្ឋ Massachusetts មកពីគណបក្សប្រជាធិបតេយ្យគឺលោក Ed Markey បានធ្វើដំណើរទស្សនកិច្ចទៅកោះតៃវ៉ាន់កាលពីថ្ងៃអាទិត្យ ពោលមិនដល់ ២ សប្ដាហ៍ផង បន្ទាប់ពីដំណើរទស្សនកិច្ចរបស់ប្រធានសភាអាមេរិកលោកស្រី Nancy Pelosi ទៅកាន់កោះនេះកាលពីដើមខែសីហា ដែលបានទាក់ទាញការថ្កោលទោស និងការឆ្លើយតបយ៉ាងខ្លាំងពីប្រទេសចិន រួមទាំងសមយុទ្ធយោធាបាញ់គ្រាប់ពិតនៅជុំវិញកោះតៃវ៉ាន់ជាដើម ៕
ប្រែសម្រួលដោយ ៖ ជីវ័ន្ត
ប្រភព ៖ CGTN
ចុចអាន ៖ ចិន បញ្ជូនយន្តហោះចម្បាំង និងទម្លាក់គ្រាប់បែក ចូលរួមសមយុទ្ធជាមួយ ថៃ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង