Connect with us

ព័ត៌មានអន្ដរជាតិ

ចិន ប្រាប់អ្នកនៅពីក្រោយដែលឲ្យលោកស្រី Pelosi មកតៃវ៉ាន់

បានផុស

នៅ

ឯកអគ្គរដ្ឋទូតចិនប្រចាំសហរដ្ឋអាមេរិកលោក Qin Gang បាននិយាយថា ដំណើរទស្សនកិច្ចរបស់ប្រធានសភាអាមេរិកលោកស្រី Nancy Pelosi ទៅកាន់កោះតៃវ៉ាន់ គឺមានការអនុញ្ញាតដោយប្រធានាធិបតីអាមេរិកលោក Joe Biden ។

លោក Qin Gang
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Qin បាននិយាយក្នុងអំឡុងសន្និសីទបិទទ្វារជាមួយអ្នកកាសែតអាមេរិកថា លោក Biden បានសម្រួលការធ្វើដំណើររបស់លោកស្រី Pelosi មកកាន់កោះតៃវ៉ាន់ ដោយសារតែសភាអាមេរិកមិនមែនជាស្ថាប័នឯករាជ្យឡើយ” ។

លោក Qin បានព្រមានថា ទីក្រុងវ៉ាស៊ីនតោនគួរតែបង្ហាញការអត់ធ្មត់ក្នុងគោលនយោបាយរបស់ខ្លួនចំពោះតៃវ៉ាន់ បើមិនដូច្នេះទេ នឹងមានភាពតានតឹងមួយទៀតជាមួយប្រទេសចិន ។ លោកបានប្រាប់សារព័ត៌មាន​​ Axios ថា គោលការណ៍ចិនតែមួយ គួរតែជាមូលដ្ឋានគ្រឹះនៃទំនាក់ទំនងទាំងអស់របស់ អាមេរិក-ចិន រួមទាំងការសន្ទនាគ្នាស្តីពីការប្រែប្រួលអាកាសធាតុ ឬបញ្ហានុយក្លេអ៊ែជាដើម ​។

លោក Qin បានប្រាប់សារព័ត៌មាននេះទៀតថា តៃវ៉ាន់ត្រូវតែបង្រួបបង្រួមជាមួយចិនដីគោកដោយសន្តិវិធីឡើងវិញ មិនថាក្នុងលទ្ធភាពណានោះទេ ហើយអាចនឹងប្រើកម្លាំងយោធា ប្រសិនបើមានសកម្មភាពរារាំងពីក្រុមបំបែកខ្លួនណាមួយនៅលើកោះនេះ ។

ប្រទេសចិនបានប្រឆាំងម្តងហើយម្តងទៀតនូវដំណើរទស្សនកិច្ចរបស់មន្ត្រីជាន់ខ្ពស់អាមេរិកទៅកាន់កោះនេះ ដោយសារតែរដ្ឋាភិបាលទីក្រុងប៉េកាំងចាត់ទុកតៃវ៉ាន់ជាផ្នែកនៃទឹកដីរបស់ខ្លួន ហើយប្រឆាំងដាច់ខាតនូវទំនាក់ទំនងផ្លូវការណាមួយរបស់បរទេសជាមួយទីក្រុងតៃប៉ិ ។

ទន្ទឹមនោះ ដំណើរទស្សនកិច្ចរបស់ប្រធានសភាអាមេរិកលោកស្រី Nancy Pelosi ទៅកាន់កោះនេះកាលពីដើមខែសីហា បានបង្កឲ្យមានភាពតានតឹងជាថ្មីនៅច្រកសមុទ្រតៃវ៉ាន់ ក៏ដូចជារលកនៃទណ្ឌកម្មរបស់ចិនប្រឆាំងនឹងតៃវ៉ាន់ជាដើម ។ ជាងនេះទៅទៀត ទីក្រុងប៉េកាំងបានចាប់ផ្តើមសមយុទ្ធយោធាទ្រង់ទ្រាយធំនៅតំបន់ជុំវិញកោះនេះ ដែលរួមមានទាំងសមយុទ្ធបាញ់គ្រាប់ពិត និងការហោះហើរយន្តហោះយោធានៅជិតដែនអាកាសរបស់តៃវ៉ាន់ផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ចិន ដាក់ទណ្ឌកម្មក្រុមផ្ដាច់ខ្លួន តៃវ៉ាន់ ៧ នាក់ ដោយសារលោកស្រី Pelosi

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២២ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានជាតិ២០ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានអន្ដរជាតិ២ ម៉ោង មុន

ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី

ព័ត៌មានជាតិ២១ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

ព័ត៌មានជាតិ២២ ម៉ោង មុន

អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន

Sokha Hotels

ព័ត៌មានពេញនិយម