ព័ត៌មានអន្ដរជាតិ

អតីតនាយករដ្ឋមន្ត្រីម៉ាឡេស៊ី Najib Razak ជាប់ពន្ធនាគារ ១២ ឆ្នាំក្នុងសំណុំរឿង 1MDB

បានផុស

២ years មុន

នៅ

ថ្ងៃអង្គារ ២៣ សីហា ២០២២

ដោយ

អតីតនាយករដ្ឋមន្ត្រីម៉ាឡេស៊ីលោក Najib Razak នៅថ្ងៃអង្គារនេះនឹងជាប់ពន្ធនាគាររយៈពេល ១២ ឆ្នាំ បន្ទាប់ពីតុលាការកំពូលរបស់ប្រទេសនេះបានតម្កល់ទុកសាលក្រមកាត់ទោសរបស់គាត់លើបទចោទប្រកាន់ជាច្រើនពាក់ព័ន្ធនឹងអំពើពុករលួយរឿងអាស្រូវរបស់មូលនិធិរដ្ឋ 1MDB ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានអង្គចៅក្រមលោក Tun Tengku Maimun Tuan Mat បានថ្លែងក្នុងនាមជាអ្នកតំណាងចៅក្រម ៥ រូបផ្សេងទៀតថា “ដូច្នេះការប្តឹងឧទ្ធរណ៍កន្លងមករបស់លោក Najib ត្រូវបានច្រានចោលជាឯកច្ឆ័ន្ទ ហើយការផ្ដន្ទាទោស និងការកាត់ទោសនៅពេលនេះគឺផ្លូវការ ហើយគេមិនទាន់ដឹងច្បាស់ថា តើលោក Najib នឹងត្រូវបញ្ជូនទៅពន្ធនាគារភ្លាមៗឬយ៉ាងណានោះទេ” ។

លោក Najib បានប្តឹងឧទ្ធរណ៍ប្រឆាំងនឹងសាលក្រមតុលាការក្នុងទីក្រុងគូឡាឡាំពួ ដែលបានកាត់ទោសលោកឲ្យជាប់ពន្ធនាគារ ១២ ឆ្នាំ និងពិន័យជាប្រាក់ ៥០ លានដុល្លារអាមេរិក កាលពីឆ្នាំ ២០២០ ក្រោមបទចោទប្រកាន់ថាលោកបានរំលោភលើសេចក្តីទុកចិត្ត រំលោភអំណាច និងលាងលុយកខ្វក់ ហើយនេះគឺជាសវនាការមួយក្នុងចំណោមសវនាការចំនួន ៥ ដែលលោក Najib ត្រូវប្រឈមពាក់ព័ន្ធនឹងបទចោទប្រកាន់អំពើពុករលួយ ។

ទន្ទឹមនោះ តុលាការបានរកឃើញថា លោក Najib បានទទួលថវិកាខុសច្បាប់ជិត ១០ លានដុល្លារអាមេរិកពីក្រុមហ៊ុន SRC International ដែលអតីតក្រុមហ៊ុនបុត្រសម្ព័ន្ធរបស់មូលនិធិ 1MDB បើទោះជាលោក Najib បានបដិសេធថាមិនបានប្រព្រឹត្តិដូចការចោទប្រកាន់នេះក៏ដោយ ៕

ប្រែសម្រួលដោយ ៖ ជីវ័ន្ត

ប្រភព ៖ SCMP

ចុចអាន ៖ ប៉ូលិសអាមេរិក ៣ នាក់ទៀតយកជង្គង់សង្កត់ និងវាយក្បាលជនសង្ស័យផ្ទប់ដី (មានវីដេអូ)