ព័ត៌មានអន្ដរជាតិ
អ៊ុយក្រែន ប្តេជ្ញា វាយយកតំបន់គ្រីមៀ ពី រុស្ស៊ី វិញ
ប្រធានាធិបតីអ៊ុយក្រែនលោក Volodymyr Zelensky បានប្តេជ្ញាកាលពីថ្ងៃអង្គារទី២៣ខែសីហាថា ទីក្រុងកៀវ នឹងស្ដារការគ្រប់គ្រងរបស់ខ្លួនលើតំបន់ Crimea វិញបន្ទាប់ពី ឧបទ្វីបនេះ ត្រូវបានកាត់បញ្ចូលជាឧបសម្ព័ន្ធដោយរុស្ស៊ី នៅក្នុងឆ្នាំ២០១៤។
លោកបានប្រាប់គណៈប្រតិភូនៅវេទិកា Crimea ដែលជាសន្និសីទតាមវីដេអូថា “ដើម្បីយកឈ្នះលើក្រុមភេរវករ វាចាំបាច់ណាស់ដើម្បីទទួលបានជ័យជម្នះ ក្នុងការប្រយុទ្ធប្រឆាំងនឹងការលុកលុយរបស់រុស្ស៊ី។ វាចាំបាច់ក្នុងការរំដោះ Crimea។ នេះនឹងជាការរស់ឡើងវិញនៃច្បាប់និងសណ្តាប់ធ្នាប់ពិភពលោក”។
លោកប្រធានាធិបតីបាននិយាយថា អ៊ុយក្រែននឹងដណ្តើមយកតំបន់ Crimea មកវិញតាមមធ្យោបាយណាមួយ ដែលរដ្ឋាភិបាលរបស់លោកចាត់ទុកថាត្រឹមត្រូវ ហើយថា លោកនឹងមិនពិគ្រោះជាមួយប្រទេសផ្សេងទេ មុនពេលធ្វើដូច្នេះ។
លោក Zelensky ក៏បានសន្យាដែរថា រាល់ការវាយប្រហាររបស់រុស្ស៊ីនៅទិវាឯករាជ្យរបស់អ៊ុយក្រែន ដែលជាថ្ងៃបញ្ចប់ការគ្រប់គ្រងរបស់សូវៀតលើប្រទេសនេះក្នុងឆ្នាំ១៩៩១ នឹងត្រូវបានឆ្លើយតបយ៉ាងខ្លាំងក្លា។
យោងតាមលោក Zelensky, យោធានឹងឆ្លើយតបទៅនឹងការវាយប្រហារលើទីក្រុង កៀវ តាមរបៀបដូចគ្នា ដែលខ្លួនធ្វើចំពោះទីក្រុងណាមួយដែលរងការវាយប្រហារដោយ រុស្ស៊ី៕
ប្រែសម្រួល៖ Vann Vann
ប្រភព៖ DW
ចុចអាន៖ អាមេរិក ជំរុញពលរដ្ឋរបស់ខ្លួន ឲ្យចាកចេញពី អ៊ុយក្រែន ជាបន្ទាន់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង