ព័ត៌មានអន្ដរជាតិ
មកដឹងតម្លៃអគ្គិសនីក្នុងមួយមេហ្គាវ៉ាត់ម៉ោងរបស់ប្រទេស អឺរ៉ុប មួយចំនួន
បើយោងតាមទិន្នន័យរបស់ផ្សារហ៊ុន Nord Pool បានបង្ហាញកាលពីថ្ងៃអង្គារថា តម្លៃអគ្គិសនីជាមធ្យមក្នុងប្រទេសមួយចំនួននៅអឺរ៉ុបបានកើនឡើង ៥៩៧ ដុល្លារ (២,៣៨៨,០០០ រៀល) ក្នុងមួយមេហ្គាវ៉ាត់ម៉ោង ។

គិតត្រឹមថ្ងៃអង្គារ ទី ២៣ ខែសីហា តម្លៃអគ្គិសនីនៅក្នុងប្រទេសអូទ្រីសគឺ ៦១២ ដុល្លារ (២,៤៤៨,០០០ រៀល) ក្នុងមួយមេហ្គាវ៉ាត់ម៉ោង, ប្រទេសបារាំង ៦០៨ ដុល្លារ (២,៤៣២,០០០ រៀល) ក្នុងមួយមេហ្គាវ៉ាត់ម៉ោង, ហូឡង់ ៦០០.៤៦ ដុល្លារ (២,៤០១,៨៥០ រៀល) ក្នុងមួយមេហ្គាវ៉ាត់ម៉ោង និងបែលហ្ស៊ិកតម្លៃ ៦០០.៣៥ ដុល្លារ (២,៤០១,៤០០ រៀល) ក្នុងមួយមេហ្គាវ៉ាត់ម៉ោង ។
ចំណែកតម្លៃអគ្គិសនីជាមធ្យមនៅក្នុងប្រទេសឡាតវី និងលីទុយអានី គឺជិត ៨០០ ដុល្លារ (៣,២០០,០០០ រៀល) ក្នុងមួយមេហ្គាវ៉ាត់ម៉ោងក្នុងរយៈពេលមួយថ្ងៃនៅខែសីហានេះ ប៉ុន្តែរហូតមកដល់ពេលនេះតម្លៃបានធ្លាក់ចុះវិញ ពោលនៅត្រឹម ៥៣៧ ដុល្លារ (២,១៤៨,000 រៀល) ក្នុងមួយមេហ្គាវ៉ាត់ម៉ោង ។

ទន្ទឹមនោះ ផ្សារហ៊ុន Nord Pool បានកត់សម្គាល់ថា តម្លៃអគ្គិសនីដែលបានព្យាករណ៍ក្នុងប្រទេសសហភាពអឺរ៉ុបទាំងនេះគឺមិនរាប់បញ្ចូលពន្ធ និងថ្លៃសេវាជាតិនោះទេ ។
ដោយឡែកទិន្នន័យពីក្រុមហ៊ុន Intercontinental Exchange ដែលមានមូលដ្ឋាននៅទីក្រុងឡុងដ៍ក៏បានបង្ហាញដែរថា នាពេលអនាគតតម្លៃឧស្ម័ននៅអឺរ៉ុបនឹងកើនឡើង ១៩ ភាគរយ ពោលឈានដល់តម្លៃ ៣,០២២ ដុល្លារក្នុង ១,០០០ ម៉ែត្រគូប ដែលលើសពីកម្រិតកំណត់ ៣,០០០ ដុល្លារ ជាលើកដំបូងចាប់តាំងពីខែមីនា ៕
ប្រែសម្រួលដោយ ៖ ជីវ័ន្ត
ប្រភព ៖ UP

-
ព័ត៌មានអន្ដរជាតិ២ ថ្ងៃ ago
ពលរដ្ធថៃ រត់ប្រសាចគ្នា ក្រោយបាក់ទំនប់បាវខ្សាច់ លិចក្រុងសុខោទ័យភ្លាមៗ
-
ព័ត៌មានអន្ដរជាតិ២ ថ្ងៃ ago
ចិន ច្រានចោលព័ត៌មានក្លែងក្លាយរបស់ថៃ ដែលថាខ្លួនផ្តល់អាវុធថ្មីដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ថាក់ស៊ីន ត្រូវពលរដ្ធថៃប្រមាថ ដល់ថ្នាក់បិទបញ្ចេញមតិ ក្រោយថា កម្ពុជាបាញ់មុន
-
ព័ត៌មានអន្ដរជាតិ៧ ថ្ងៃ ago
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានអន្ដរជាតិ៤ ថ្ងៃ ago
អាមេរិក អាចចាត់វិធានការលើថៃ បើរកឃើញថា ថៃ បំពានលក្ខខណ្ឌប្រើ F-16 វាយប្រហារកម្ពុជា
-
ព័ត៌មានអន្ដរជាតិ៤ ថ្ងៃ ago
អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ
-
ព័ត៌មានអន្ដរជាតិ៨ ម៉ោង ago
មេភូមិភាគ២ថៃ ចេញឃ្លិបថា នៅមានជីវិត តែវីដេអូដូចខុសប្រក្រតី និងចម្លែក
-
ព័ត៌មានអន្ដរជាតិ១ សប្តាហ៍ ago
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា