ព័ត៌មានអន្ដរជាតិ
បើកមហាសន្និបាត UN, លោក Guterres ព្រមានថា ពិភពលោក កំពុងស្ថិតក្នុងគ្រោះថ្នាក់ (មានវីដេអូ)
អគ្គលេខាធិការអង្គការសហប្រជាជាតិលោក លោក Antonio Guterres បានផ្តល់ការវាយតម្លៃអំពីកិច្ចការពិភពលោក នៅក្នុងសុន្ទរកថាបើកកិច្ចប្រជុំថ្នាក់ខ្ពស់ប្រចាំឆ្នាំ នៅទីក្រុងញូវយ៉ក កាលពីថ្ងៃអង្គារទី២០ខែកញ្ញា។
លោក Guterres បានប្រាប់មេដឹកនាំពិភពលោក ដែលចូលរួមមហាសន្និបាតអង្គការសហប្រជាជាតិលើកទី៧៧ថា “ពិភពលោករបស់យើងកំពុងស្ថិតក្នុងគ្រោះថ្នាក់ និងជាប់គាំង”។
លោកនិយាយថា “យើងជាប់គាំងក្នុងភាពមិនប្រក្រតីជាសកល។ សហគមន៍អន្តរជាតិ មិនទាន់ត្រៀមខ្លួនរួចរាល់ ឬមានឆន្ទៈក្នុងការដោះស្រាយបញ្ហា ដែលខ្លួនកំពុងប្រឈមមុខ រួមទាំងការប្រែប្រួលអាកាសធាតុ ភាពក្រីក្រ និងសង្គ្រាមនោះទេ”។
ការកត់សម្គាល់នេះកើតឡើង ចំពេលដែលអឺរ៉ុប កំពុងដោះស្រាយជម្លោះយោធាដ៏ធំបំផុតរបស់ខ្លួនចាប់តាំងពីសង្គ្រាមលោកលើកទី២ ដែលនាំឲ្យមានការខ្វែងគំនិតគ្នា ក្នុងចំណោមមហាអំណាចធំៗអំពីរបៀបរារាំងរុស្ស៊ី គាំទ្រអ៊ុយក្រែន និងកាត់បន្ថយផលវិបាកនៃសង្គ្រាម។
កាលពីខែកុម្ភៈ កងទ័ពរុស្ស៊ីបានចាប់ផ្តើមការលុកលុយទឹកដីអ៊ុយក្រែន បន្ទាប់ពីការកសាងយោធាបន្តិចម្តងៗ នៅតាមព្រំដែនអតីតអ្នកជិតខាងសូវៀត អស់រយៈពេលជិត៥ខែ។
សង្រ្គាមរបស់រុស្ស៊ីនៅអ៊ុយក្រែន ដែលអូសបន្លាយពេលជាង២០០ថ្ងៃមកហើយនោះ បានបណ្តាលឲ្យវិបត្តិស្បៀងអាហារពិភពលោកកាន់តែធ្ងន់ធ្ងរឡើងៗ។ ជម្លោះនេះបានឆក់យកជីវិតជនស៊ីវិលជាង៦០០០នាក់ និងធ្វើឲ្យទីក្រុងអ៊ុយក្រែនជាច្រើន ប្រែក្លាយទៅជាគំនរបាក់បែក។
លោក Guterres បានប្រាប់មេដឹកនាំដែលអង្គុយក្នុងសាលមហាសន្និបាតថា “ការបែងចែកភូមិសាស្ត្រនយោបាយ កំពុងធ្វើឲ្យខូចដល់ការងាររបស់ក្រុមប្រឹក្សាសន្តិសុខ ធ្វើឲ្យខូចដល់ច្បាប់អន្តរជាតិ ធ្វើឲ្យខូចទំនុកចិត្ត និងជំនឿរបស់ប្រជាជនចំពោះស្ថាប័នប្រជាធិបតេយ្យ ធ្វើឲ្យខូចទ្រង់ទ្រាយនៃកិច្ចសហប្រតិបត្តិការអន្តរជាតិ។ យើងមិនអាចបន្តបែបនេះបានទេ”។
បន្ថែមពីលើសង្គ្រាមរបស់រុស្ស៊ីនៅអ៊ុយក្រែន ប្រមុខ UN បានជំរុញឲ្យមេដឹកនាំពិភពលោក ដោះស្រាយវិបត្តិអាកាសធាតុដែលកំពុងកើតឡើង វិសមភាពយេនឌ័រ និងភាពក្រីក្រ។ លោកបានជំរុញមេដឹកនាំទាំងឡាយ ឲ្យវិនិយោគលើគោលនយោបាយដែលជំរុញសន្តិភាពជុំវិញពិភពលោក។
លោក Guterres និយាយថា “ជំនឿចិត្តបានធ្លាក់ចុះ វិសមភាពកំពុងផ្ទុះឡើង ភពផែនដីរបស់យើងកំពុងឆេះ។ សូមធ្វើការងារជាធ្លុងមួយ ជាសម្ព័ន្ធរបស់ពិភពលោក ជាអង្គការសហប្រជាជាតិ”៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ CNBC
ចុចអាន៖ UN អំពាវនាវសុំជំនួយជួយប៉ាគីស្ថាន ខណៈទីក្រុង អ៊ីស្លាម៉ាបាដ ថាខ្លួន ត្រូវការថវិកាគ្មានកំណត់
ស្ត្រីវៀតណាមដែលបានលក់ផ្លែពុតទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអជ្ញាធរ
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលលើជំនាញផ្នែកកំបោរក្នុងវិស័យសំណង់
ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត
មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស
នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ agoតាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ agoនាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ