ព័ត៌មានអន្ដរជាតិ
វៀតណាម បញ្ចេញតួលេខជនរងគ្រោះ និងទំហំនៃការខូចខាតដែលបង្កឡើងដោយព្យុះ ណូរុ
ក្រុមមន្ត្រីនិយាយថា មនុស្សចំនួន ៥៧នាក់បានរងរបួស អំឡុងការវាយប្រហារដោយព្យុះ ណូរុ ហើយគ្មាននរណាម្នាក់បាត់បង់ជីវិតនោះទេ។ នេះគឺដោយសារតែវិធានការដ៏សកម្មរបស់អាជ្ញាធរ និងកិច្ចសហប្រតិបត្តិការរបស់ប្រជាពលរដ្ឋ។
គណៈកម្មាធិការជាតិ សម្រាប់ការបង្ការ និងគ្រប់គ្រងគ្រោះមហន្តរាយធម្មជាតិ បាននិយាយកាលពីថ្ងៃពុធទី២៨ខែកញ្ញាថា នៅខេត្ត Quang Ngai ភាគកណ្តាលប្រទេសវៀតណាម ដែលស្ថិតនៅចំមុខព្យុះ, មនុស្សចំនួន៤១នាក់បានរងរបួស ខណៈនៅ Quang Tri និង Thua Thien-Hue មានមនុស្ស ៨នាក់រងរបួសក្នុងខេត្តនីមួយៗ។
ព្យុះនេះបានបំផ្លាញផ្ទះសរុប៩៤ខ្នងទាំងស្រុង ក្នុងនោះមាន៦៥ខ្នងនៅ Quang Nam, ២១ខ្នងនៅ Quang Ngai, ៦ខ្នងនៅ Thua Thien-Hue និង ២ខ្នងនៅ Quang Tri។
ផ្ទះជាង ៣២០០ខ្នងទៀតត្រូវព្យុះបក់របើកដំបូល ដោយក្នុងនោះមាន ១៣០០ខ្នងនៅ Quang Ngai, ១១៥០ខ្នងនៅ Quang Nam, ២២០ខ្នងនៅ Thua Thien-Hue និង ១៤០ខ្នង នៅ Quang Tri។
ទន្ទឹមនោះ ដំណាំប្រហែល ១៣០០ ហិកតា និងដើមឈើជាង ៥២០០ ដើមត្រូវបានបំផ្លាញ។ សត្វគោក្របីជាង ១៦០០ និងបសុបក្សី ១៥០០ ក្បាលបានងាប់ ឬត្រូវបានទឹកហូរនាំយកទៅ។
ផ្លូវជាច្រើនត្រូវបានទឹកជន់លិចឬហូរច្រោះ។ នាវាចតចោលចំនួនប្រាំបួនគ្រឿងនៅ Da Nang និង Quang Nam ត្រូវខូចខាត ឬលិចក្នុងអំឡុងពេលព្យុះ។ ព្យុះនេះក៏បានបំផ្លាញស្ថានីយ៍ថាមពលជាច្រើនផងដែរ ដែលបណ្តាលឲ្យដាច់ចរន្តអគ្គិសនីក្នុងតំបន់មួយចំនួន។
ការជម្លៀសប្រជាជនចេញពីតំបន់គ្រោះថ្នាក់ ត្រូវបានធ្វើឡើងយ៉ាងឆាប់រហ័ស ហើយប្រជាពលរដ្ឋក៏បានអនុវត្តតាមការណែនាំ និងសហការជាមួយអាជ្ញាធរ ទាក់ទងនឹងការទប់ស្កាត់ព្យុះ និងទឹកជំនន់ផងដែរ។
គួរបញ្ជាក់ថា ព្យុះ ណូរុ បានបង្កការបាក់ដីក្នុងទីក្រុង Da Nang និងខេត្ត Quang Nam នៅវេលាម៉ោង ១រំលងអធ្រាត្រថ្ងៃពុធ ជាមួយនឹងល្បឿនខ្យល់អតិបរមា ១៣៣ គីឡូម៉ែត្រក្នុងមួយម៉ោង ដោយធ្វើឲ្យវាក្លាយជាព្យុះដ៏មានឥទ្ធិពលបំផុតមួយ ដែលបានវាយប្រហារប្រទេសវៀតណាមក្នុងរយៈពេលពីរទសវត្សរ៍ចុងក្រោយនេះ។
កាលពីព្រឹកថ្ងៃពុធ ព្យុះ ណូរុ បានរំកិលទៅប្រទេសឡាវ ហើយចុះខ្សោយទៅជាព្យុះត្រូពិក៕
ប្រែសម្រួល៖ Vann Vann
ប្រភព៖ VN Express
ចុចអាន៖ ព្យុះទីហ្វុង ណូរុ បណ្តាលឲ្យបាក់ដី និងបង្កការបំផ្លិចបំផ្លាញនៅ វៀតណាម
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង