ព័ត៌មានអន្ដរជាតិ
រុស្ស៊ី វេតូសេចក្តីសម្រេចរបស់ UN ស្តីពីការកាត់យកទឹកដីនៅ អ៊ុយក្រែន
ប្រទេសរុស្សី បានប្រើសិទ្ធិវេតូរបស់ខ្លួន នៅក្រុមប្រឹក្សាសន្តិសុខអង្គការសហប្រជាជាតិ ដើម្បីរារាំងការព្រាងសេចក្តីសម្រេចមួយ ដែលស្វែងរកការថ្កោលទោសចំពោះការកាត់បញ្ចូលទឹកដីអ៊ុយក្រែនចូលជាឧបសម្ព័ន្ធរបស់ខ្លួន។
ទោះបីជាយ៉ាងណាក៏ដោយ មិត្តជិតស្និទ្ធរបស់ទីក្រុងមូស្គូគឺ ចិន និងឥណ្ឌា បានសម្រេចចិត្តអនុបវាទ ជាជាងបោះឆ្នោតប្រឆាំងនឹងសេចក្តីសម្រេច ដែលថ្កោលទោសសកម្មភាពរបស់វិមានក្រឹមឡាំងនៅអ៊ុយក្រែន។
ឯកអគ្គរដ្ឋទូតសហរដ្ឋអាមេរិកប្រចាំអង្គការសហប្រជាជាតិ លោកស្រី Linda Thomas-Greenfield បានណែនាំសេចក្តីសម្រេចនេះ ទៅកាន់កិច្ចប្រជុំក្រុមប្រឹក្សាសន្តិសុខកាលពីថ្ងៃសុក្រទី៣០ខែកញ្ញា។
មុននេះ ការកាត់ទឹកដីដ៏ធំបំផុតក្នុងទ្វីបអឺរ៉ុបចាប់តាំងពីសង្គ្រាមលោកលើកទី២ ត្រូវបានធ្វើឡើង នៅពេលដែលប្រធានាធិបតីរុស្ស៊ី លោក វ្ល៉ាឌីមៀរ ពូទីន បានប្រកាសការគ្រប់គ្រងរបស់រុស្ស៊ីលើតំបន់ចំនួន៤ ដែលស្មើនឹង១៥ភាគរយនៃទឹកដីរបស់អ៊ុយក្រែន។
សេចក្តីសម្រេចដែលសហការឧបត្ថម្ភដោយសហរដ្ឋអាមេរិក និងអាល់បានី បានអំពាវនាវឲ្យមានការថ្កោលទោសចំពោះការបោះឆ្នោតប្រជាមតិខុសច្បាប់ ដែលធ្វើឡើងក្នុងតំបន់កាន់កាប់ដោយរុស្ស៊ីនៅអ៊ុយក្រែន និងឲ្យរដ្ឋទាំងអស់ មិនត្រូវទទួលស្គាល់ការផ្លាស់ប្តូរណាមួយចំពោះព្រំដែនអ៊ុយក្រែនដាច់ខាត។
សេចក្តីសម្រេចនេះ ក៏បានអំពាវនាវឲ្យរុស្ស៊ីដកទ័ពភ្លាមៗចេញពីអ៊ុយក្រែនផងដែរ ដោយបញ្ចប់ការលុកលុយដែលធ្វើឡើងកាលពីថ្ងៃទី២៤ ខែកុម្ភៈ។
ប្រទេសចំនួន ១០ បានបោះឆ្នោតគាំទ្រសេចក្តីសម្រេចនេះ ខណៈចិន ហ្គាបុង ឥណ្ឌា និងប្រេស៊ីលបានអនុបវាទ៕
ប្រែសម្រួល៖ Vann Vann
ប្រភព៖ Aljazeera
ចុចអាន៖ ពូទីន ចុះហត្ថលេខា ទទួលស្គាល់តំបន់ចំនួន២ ជាទឹកដីឯករាជ្យ ក្រោយការធ្វើប្រជាមតិ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង