ថ្ងៃដំបូង Elon Musk កើបលុយពីការលក់ទឹកអប់បានជាង ១ លានដុល្លារ

ត្រឹមតែប៉ុន្មានម៉ោងប៉ុណ្ណោះ ទឹកអប់របស់លោក Elon Musk ម៉ាក Burnt Hair លក់អស់ជាង ១ ម៉ឺនដប  និងកើបលុបបានប្រមាណ ១ លានដុល្លារក្នុងថ្ងៃចាប់ផ្តើមលក់ដំបូង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មហាសេដ្ឋីរូបនេះបានបង្ហោះលើបណ្ដាញ Twitter របស់លោកថា “ទឹកអប់ម៉ាក Burnt Hair លក់អស់ ១០,០០០ ដបហើយ!” ។ មិនតែប៉ុណ្ណោះ លោកថែមទាំងលេងសើចលើបណ្តាញ Twitter ថា “លោកមិនអាចរង់ចាំបានឡើយលើការបង្ហោះពីចំណូលលក់បានជាង ១ លានដុល្លារនៅលើបណ្តាញសង្គម” ។

ទន្ទឹមនោះ មិនត្រឹមតែបង្កើតជំនួញថ្មីមួយនេះឡើយ លោក Elon Musk ក៏ជាអ្នកតំណាង (Brand ambassador) ទឹកអប់របស់លោកផ្ទាល់តែម្តងផងដែរ ។

ចំពោះការទិញទឹកអប់ម៉ាក Burnt Hair របស់ Elon Musk, អតិថិជន អាចបញ្ជាទិញបានតាមអនឡាញដោយក្នុងមួយដបតម្លៃ ១០០ ដុល្លារ ដោយគិតពន្ធ និងតម្លៃដឹកជញ្ជូនរួចជាស្រេច ប៉ុន្តែសម្រាប់តែអតិថិជននៅអាមេរិកប៉ុណ្ណោះ ។ ដោយឡែក សម្រាប់អតិថិជន នៅតាមបណ្តាប្រទេស ផ្សេងៗ គឺត្រូវបង់តម្លៃបន្ថែមលើសេវាបង់ពន្ធ និងដឹកជញ្ជូន ៕

ប្រែសម្រួលដោយ ៖ នាង រតនៈ

ប្រភព ៖ The Street

ចុចអាន ៖ មេបក្សកាន់អំណាច កូរ៉េខាងត្បូង ថា “គ្រាប់បែកនុយក្លេអ៊ែរ កូរ៉េខាងជើង អាចធ្លាក់លើក្បាលយើងគ្រប់ពេល”