ព័ត៌មានអន្ដរជាតិ

ភាពល្អូកល្អិននយោបាយរវាង Trump និង Elon Musk បានបញ្ចប់ក្នុងជម្លោះដ៏ក្ដៅគគុក

បានផុស

១ ខែ មុន

នៅ

ថ្ងៃសុក្រ ៦ មិថុនា ២០២៥

ដោយ

យោងតាមការចេញផ្សាយរបស់ទីភ្នាក់ងារព័ត៌មាន AP នៅថ្ងៃទី០៦ខែឧសភានេះ ទំនាក់ទំនងដ៏ល្បីល្បាញខាងនយោបាយរវាងប្រធានាធិបតីលោក Donald Trump និងមហាសេដ្ឋីបច្ចេកវិទ្យា លោក Elon Musk បានបញ្ចប់ដោយសារជម្លោះដ៏ក្តៅគគុក និងជាសាធារណៈ។

មហាសេដ្ឋី Elon Musk ពេលនៅល្អូកល្អើនជាមួយប្រធានាធិបតីអាមេរិក ដូណាល់ ត្រាំ។ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជម្លោះរបស់ពួកគេបានចាប់ផ្តើមបន្ទាប់ពី លោក Musk បានរិះគន់យ៉ាងចាស់ដៃលើសេចក្ដីព្រៀងច្បាប់ចំណាយរបស់រដ្ឋាភិបាលថ្មីរបស់លោក Trump ដោយហៅសេចក្តីព្រាងច្បាប់ចំណាយនោះថា គ្មានការទទួលខុសត្រូវ និងព្រមានថា វាអាចបង្កឱ្យមានវិបត្តិសេដ្ឋកិច្ច។

ជាការឆ្លើយតប លោក Trump បាននិយាយក្នុងអំឡុងពេលកិច្ចប្រជុំនៅសេតវិមាន ដោយគំរាមលុបចោលកិច្ចសន្យារបស់រដ្ឋាភិបាលជាមួយ លោក Musk រួមទាំងកិច្ចសន្យាសម្រាប់ SpaceX និង Starlink ។ ជម្លោះរបស់ពួកគេបានផ្ទុះឡើងនៅលើបណ្ដាញសង្គម ដោយមានការជេរប្រមាថថែមទៀត។

ជម្លោះក្នុងការចាត់ចែងហិរញ្ញវត្ថុនេះ បានធ្វើឲ្យភាគហ៊ុនរបស់ក្រុមហ៊ុន Tesla បានធ្លាក់ចុះយ៉ាងគំហុក ដោយធ្វើឱ្យលោក Musk ខាតបង់ប្រហែល២០ពាន់លានដុល្លារភ្លាមៗតែម្តង។

ការបែកបាក់សម្ព័ន្ធភាពរបស់ពួកគេគឺគួរឱ្យភ្ញាក់ផ្អើលជាពិសេសដោយសារការគាំទ្រដ៏ធំធេងរបស់លោក Musk សម្រាប់យុទ្ធនាការបោះឆ្នោតឆ្នាំ ២០២៤របស់លោក Trump ដែលចំណាយជាង២៥០លានដុល្លារ និងធ្វើជាទីប្រឹក្សាសំខាន់ឲ្យលោក Trump។

អ្នកទាំងពីរធ្លាប់មាន កិច្ចប្រជុំ និងសូម្បីតែការពិភាក្សាពេលយប់នៅសេតវិមាន ប៉ុន្តែការខកចិត្តនាពេលថ្មីៗនេះរបស់ Musk ចំពោះគោលនយោបាយរបស់លោក Trump ជាពិសេសសេចក្ដីព្រៀងច្បាប់ចំណាយ និហាក់ដូចជាបានបញ្ចប់ភាពជាដៃគូរបស់ពួកគេ។

ទោះយ៉ាងណាលោក Trump បានច្រានចោលការរិះគន់របស់លោក Musk ហើយបាននិយាយថាលោក Musk មិនមានចំណែកធំក្នុងការជួយគាត់ឱ្យឈ្នះការបោះឆ្នោតនោះទេ។ លោកថា Trump ក៏បាននិយាយដែរថា មានមនុស្សមួយចំនួនប្រឆាំងគាត់បន្ទាប់ពីពួកគេចាកចេញពីក្រុមរបស់គាត់។ ជាការឆ្លើយតប លោក Musk បាននិយាយថា Trump នឹងមិនអាចឈ្នះឆ្នោតដោយគ្មានការគាំទ្រពីលោកនោះទេ។

គួរបញ្ជាក់ថាការបែកបាក់គ្នាយ៉ាងក្តៅគគុករបស់ពួកគេបង្ហាញពីភាពផុយស្រួយនៃសម្ព័ន្ធភាពនយោបាយដែលបង្កើតឡើងនៅលើបុគ្គលិកលក្ខណៈ និងអំណាច ជាជាងគោលនយោបាយរួម៕