ថៃ បង្ហាញលទ្ធផលបង្ក្រាបគ្រឿងញៀន និងអាវុធខុសច្បាប់រយៈពេល ១០ ថ្ងៃ

អគ្គស្នងការ​នគរបាល​ជាតិថៃលោកឧត្តមសេនីយ៍ឯក Damrongsak Kittipraphat បានធ្វើសន្និសិទកាសែតបង្ហាញលទ្ធផលនៃការបង្ក្រាបគ្រឿងញៀនក្នុងរយៈពេល១០ថ្ងៃ (ថ្ងៃទី ១០-១៩ ខែតុលា) ដោយកម្លាំងសមត្ថកិច្ចរឹបអូសគ្រឿង​ញៀនប្រភេទ​មេ​តំ​ហ្វេ​តា​មីន​បាន​ជាង ​១៨ ​លាន​គ្រាប់ និងឃាត់ខ្លួនជនល្មើសគ្រឿងញៀនបានចំនួន ១៥,៧១០ នាក់ ។

ទន្ទឹមនោះ កម្លាំងសមត្ថកិច្ចក៏បានរឹបអូសអាវុធសង្គ្រាមចំនួន ២៧ ដើម, អាវុធមិនទាន់ចុះបញ្ជីចំនួន ២,៤៣៨ ដើម, អាវុធបានចុះបញ្ជីត្រឹមត្រូវចំនួន ៤៥២ ដើម, គ្រឿងផ្ទុះចំនួន ៦០០ ករណី និងគ្រាប់រំសេវចំនួន ១៦,១៦៨ គ្រាប់ ។

លោកឧត្តមសេនីយ៍ឯក Damrongsak បន្តថា ប្រតិបត្តិនេះធ្វើឡើង បន្ទាប់ពីលោកនាយករដ្ឋមន្ត្រី ប្រាយុទ្ធ ចាន់អូចា បានដាក់ចេញនូវវិធានការដើម្បីដោះស្រាយបញ្ហាគ្រឿងញៀន និងអាវុធខុសច្បាប់ឲ្យបានម៉ឺងម៉ាត់ ដោយបញ្ជាឲ្យសមត្ថកិច្ចត្រូវតែសហការជាមួយអាជ្ញាធរ និងប្រជាពលរដ្ឋមូលដ្ឋាន ដើម្បីរួមគ្នា​ដោះស្រាយគ្រឿងញៀន និងអាវុធខុសច្បាប់នេះឲ្យបានជាវិជ្ជមាន ៕

ប្រែសម្រួលដោយ ៖ គង់ សំអាន

ប្រភព ៖ Naewna

ចុចអាន ៖ រុស្ស៊ី ថា ចប់ហើយ ចំពោះការកែនទ័ពបម្រុងចំនួន ៣០ ម៉ឺននាក់