Connect with us

ព័ត៌មានអន្ដរជាតិ

រុស្ស៊ីព្រមានថា អង់គ្លេស លូកដៃជ្រៅពេកហើយ ក្នុងសង្គ្រាមអ៊ុយក្រែន

បានផុស

នៅ

ឯកអគ្គរដ្ឋទូតរុស្ស៊ីបានព្រមានថា ចក្រភពអង់គ្លេស កំពុងលូកដៃចូលជ្រៅពេកហើយ​ នៅក្នុងសង្គ្រាមអ៊ុយក្រែន ប៉ុន្តែអះអាងថា លោកពូទីន នឹងមិនប្រើប្រាស់អាវុធនុយក្លេអ៊ែរក្នុងការវាយប្រហារមួយឡើយ បើទោះបីជាមានការគំរាមកំហែងជាបន្តបន្ទាប់ក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកការទូត Andrei Kelin បានគូសបញ្ជាក់ថា គាត់មានព័ស្ដុតាង នៃការចូលរួមរបស់កងកម្លាំងពិសេសចក្រភពអង់គ្លេស ក្នុងការវាយប្រហារដោយយន្តហោះគ្មានមនុស្សបើករបស់អ៊ុយក្រែន លើកងនាវាសមុទ្រខ្មៅរុស្ស៊ី។

ថ្លែងទៅកាន់ Sky News, លោក Kelin បាននិយាយថា “យើងដឹងយ៉ាងច្បាស់ អំពីការចូលរួមរបស់អ្នកឯកទេសអង់គ្លេស ក្នុងការបណ្តុះបណ្តាល រៀបចំ និងធ្វើប្រតិបត្តិការហិង្សាប្រឆាំងហេដ្ឋារចនាសម្ព័ន្ធរុស្ស៊ី និងកងនាវារុស្ស៊ីនៅក្នុងសមុទ្រខ្មៅ។ ព័ស្តុតាង​នឹង​ត្រូវ​បង្ហាញ​ជា​សាធារណៈ​ក្នុង​ពេល​ឆាប់ៗ​នេះ”។

អ្នកការទូត Andrei Kelin

លោក​បន្ត​ថា “​វា​គ្រោះថ្នាក់ណាស់ ​ព្រោះ​វា​ធ្វើ​ឲ្យ​ស្ថានការណ៍កាន់តែឡើងកម្តៅ​។ វា​អាច​នាំ​យើងឈានទៅ​ដល់​បន្ទាត់​ដែល​ខ្ញុំ​អាចនិយាយបាន​ថា មិនអាចបកក្រោយបាន​។ ប៉ុន្តែយ៉ាងណាក៏ដោយ យើងគួរតែចៀសវាងភាពតានតឹង ហើយ​នេះ​ជាការ​ព្រមាន​ថា ចក្រភពអង់គ្លេសកំពុងលូកដៃជ្រៅ​ពេក​ហើយនៅក្នុងជម្លោះ​។ វាមានន័យថា ស្ថានការណ៍កាន់តែគ្រោះថ្នាក់”។

លោកឯកអគ្គរដ្ឋទូតក៏បានទទូចផងដែរថា “លោកប្រធានាធិបតី វ្ល៉ាឌីមៀរ ពូទីន ចង់ឲ្យមានការចរចាដោះស្រាយសង្រ្គាមនៅអ៊ុយក្រែន។ យើង​ត្រូវ​ការ​លទ្ធផល​ជាក់​លាក់​មួយ លទ្ធផល​ចរចា ហើយ​យើង​មិន​លាក់​ខ្លួន​ឆ្ងាយ​ពី​ការ​ចរចា​នោះ​ទេ”។

ទីក្រុងមូស្គូអះអាងថា អ្នកឯកទេសយោធារបស់ចក្រភពអង់គ្លេស កំពុងបង្វឹកកងកម្លាំងពិសេសអ៊ុយក្រែននៅក្នុងទីក្រុងភាគខាងត្បូង Ochakiv រួមទាំងការបណ្តុះបណ្តាលកងកម្លាំងបំផ្លិចបំផ្លាញនៅក្រោមទឹក សម្រាប់ប្រតិបត្តិការក្នុងដែនទឹកនៃសមុទ្រខ្មៅនិង Azov ផងដែរ។

កាលពីសប្តាហ៍មុន រុស្ស៊ីក៏បានចោទប្រកាន់អង់គ្លេសផងដែរថា ជាប់ពាក់ព័ន្ធក្នុងការផ្ទុះបំពង់បង្ហូរ Nord Stream កាលពីខែកញ្ញា ប៉ុន្តែត្រូវទីក្រុង ឡុងដ៍ បដិសេធ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ លោក Zelensky ប្រកាសមិនចូលរួមកិច្ចប្រជុំ G20 បើលោក Putin ទៅទីនោះដែរ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម