ព័ត៌មានអន្ដរជាតិ
អ៊ុយក្រែន ថា ការដកទ័ព រុស្ស៊ី ចេញពីតំបន់ Kherson មិនមែនជារឿងល្អទេ
អ្នកជំនាញយោធាអ៊ុយក្រែនលោក Oleg Zhdanov បាននិយាយថា ការសម្រេចចិត្តរបស់លោកប្រធានាធិបតីរុស្ស៊ី Vladimir Putin ដែលបញ្ជាឲ្យកងទ័ពរបស់ខ្លួនដកថយចេញពីតំបន់ Kherson អាចជា “មហន្តរាយ” របស់អ៊ុយក្រែនក៏ថាបាន ។
នៅក្នុងបទសម្ភាសន៍តាមអ៊ីនធឺណិតជាមួយសារព័ត៌មានជប៉ុន NHK, លោក Zhdanov បានប្រាប់ថា “រហូតមកដល់ពេលនេះ គាត់មិនទាន់ឃើញមានការដកទ័ពរុស្ស៊ីក្នុងលក្ខណៈទ្រង់ទ្រាយធំណាមួយចេញពីខ្សែត្រៀមជួរមុខរបស់អ៊ុយក្រែននៅឡើយទេ ហើយប្រសិនបើមានការដកមែននោះ វាមិនមែនជារឿងល្អសម្រាប់សម្រាប់យើងទេ” ។
លោកបានបន្ថែមថា រុស្ស៊ីកំពុងរៀបចំសម្រាប់ការប្រយុទ្ធគ្នាតាមដងផ្លូវ ដោយសារតែកងកម្លាំងរុស្ស៊ីបានផ្លាស់ប្ដូរយុទ្ធសាស្ត្រ ពោលទាហានបានដូរសម្លៀកបំពាក់ទៅជាស៊ីវិល និងចាប់ផ្ដើមការវាយប្រហារពីតំបន់លំនៅដ្ឋានដែលត្រូវបានជម្លៀសចេញ ។
គួរបញ្ជាក់ថា ប្រទេសរុស្ស៊ីបានកាត់យកតំបន់ Kherson កាលពីខែមុន បន្ទាប់ពីអ្នកស្រុកបានបោះឆ្នោតប្រជាមតិដើម្បីផ្តាច់ខ្លួនចេញពីអ៊ុយក្រែន និងស្វែងរកការចូលជាសមាជិករបស់ប្រទេសរុស្ស៊ី ។
យ៉ាងណា ទីក្រុងកៀវ បានច្រានចោលការបោះឆ្នោតនេះ ថាជាការបោកប្រាស់ ហើយប្តេជ្ញាប្រើកម្លាំងយោធាដើម្បីដណ្តើមយកមកវិញនូវទឹកដីទាំងអស់ ដែលចាត់ទុកថាស្ថិតក្រោមអធិបតេយ្យភាពរបស់ខ្លួន ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ រុស្ស៊ី បញ្ជាឲ្យកងទ័ពរបស់ខ្លួន ដកថយចេញពីតំបន់ Kherson
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង