Connect with us

ព័ត៌មានអន្ដរជាតិ

ទីក្រុង សេអ៊ូល ព្រមាន​ឆ្លើយ​តប​ខ្លាំងៗ ​ទៅ ​កូរ៉េ​ខាង​ជើង​ និងជំរុញឲ្យចិន ធ្វើសកម្មភាព (មានវីដេអូ)

បានផុស

នៅ

ប្រធានាធិបតីកូរ៉េខាងត្បូងលោក យូន ស៊ុកយុល បាននិយាយថា ការសាកល្បងនុយក្លេអ៊ែរថ្មីណាមួយរបស់កូរ៉េខាងជើង នឹងជួបប្រទះជាមួយការឆ្លើយតបជាអន្តរជាតិ មិនធ្លាប់មានសោះនាពេលកន្លងមក។ លោកក៏បានអំពាវនាវឲ្យប្រទេសចិន ដើរតួនាទីកាន់តែខ្លាំងផងដែរ ដើម្បីទប់ស្កាត់ការបង្កហេតុរបស់កូរ៉េខាងជើង។

លោក យូន បានធ្វើការកត់សម្គាល់បែបនេះ នៅក្នុងបទសម្ភាសន៍ជាមួយ Reuters ដែលត្រូវបានចេញផ្សាយនៅថ្ងៃអង្គារទី២៩ខែវិច្ឆិកានេះ ចំពេលមានការព្រួយបារម្ភកាន់តែខ្លាំងឡើងថា កូរ៉េខាងជើងអាចធ្វើការសាកល្បងនុយក្លេអ៊ែរលើកទីប្រាំពីររបស់ខ្លួន បន្ទាប់ពីការបាញ់មីស៊ីលថ្មីៗជាបន្តបន្ទាប់។

បើ​កូរ៉េ​ខាង​ជើង​បន្ត​ការ​ធ្វើ​តេស្ដ​មែននោះ លោក យូន ​ប្ដេជ្ញា​ថា​នឹង​មាន​ការ​ឆ្លើយ​តប មិនធ្លាប់ឃើញសោះ​ពីសំណាក់ដោយ​កូរ៉េ​ខាង​ត្បូង និង​ដៃ​គូ​របស់​ខ្លួន។ ​វា​មិនមែនជា​រឿងល្អឡើយ សម្រាប់​កូរ៉េ​ខាង​ជើង ​ក្នុង​ការ​ធ្វើ​តេស្ត​នុយក្លេអ៊ែរ​លើក​ទី​ប្រាំពីរ​។

លោក យូន និយាយថា “យើងត្រូវតែឆ្លើយតបយ៉ាងខ្ជាប់ខ្ជួន ហើយជិតស្និទ្ធជាមួយគ្នាទៅវិញទៅមក”។

ទាក់ទងនឹងការញុះញង់មីស៊ីលកាន់តែខ្លាំងរបស់ទីក្រុងព្យុងយ៉ាង លោក យូន និយាយថា ប្រទេសចិនមិនត្រឹមតែមានទំនួលខុសត្រូវប៉ុណ្ណោះទេ ថែមទាំងមានសមត្ថភាពដ៏មានឥទ្ធិពលលើអាកប្បកិរិយារបស់កូរ៉េខាងជើងទៀតផង។

លោក យូន​ បន្តថា “ប្រទេសចិន អាចនិងត្រូវតែបញ្ចេញឥទ្ធិពល ដើម្បីបញ្ឈប់កូរ៉េខាងជើងពីការអភិវឌ្ឍអាវុធ។ អ្វីដែលប្រាកដនោះគឺថា ប្រទេសចិនមានសមត្ថភាពដ៏មានឥទ្ធិពលលើកូរ៉េខាងជើង ហើយប្រទេសចិនមានទំនួលខុសត្រូវក្នុងការចូលរួមក្នុងដំណើរការនេះ”។

គួរបញ្ជាក់ថា ទីក្រុងព្យុងយ៉ាងបានបាញ់មីស៊ីលផ្លោងចំនួន ៦៣ គ្រាប់នៅឆ្នាំនេះ រួមទាំងមីស៊ីលផ្លោងអន្តរទ្វីបចំនួន ១០ គ្រាប់ផងដែរ ពោលគឺលើសពីកំណត់ត្រាប្រចាំឆ្នាំ ដែលកូរ៉េខាងជើងបាញ់ត្រឹម ២៥គ្រាប់ប៉ុណ្ណោះ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Yonhap

ចុចអាន៖​ គីម ជុងអ៊ុន បង្ហាញមុខកូនស្រីម្តងទៀត ជាមួយការប្តេជ្ញា បង្កើតកម្លាំងនុយក្លេអ៊ែរមានឥទ្ធិពលបំផុតលើ ពិភពលោក

Helistar Cambodia - Helicopter Charter Services
Sokimex Investment Group
ព័ត៌មានអន្ដរជាតិ២ នាទីutes មុន

រុស្ស៊ី ចោទ​​សម្ព័ន្ធមិត្ត​ស៊ែប៊ី ថា​លួចចាក់​ខ្លួន​ពី​ក្រោយ​ខ្នង ព្រោះ​ផ្គត់ផ្គង់​អាវុធឲ្យ​អ៊ុយក្រែន

ព័ត៌មានអន្ដរជាតិ៤ នាទីutes មុន

ថៃ កើតបាតុភូត ព្យុះប្រមោយដំរីដ៏កម្រ 

ព័ត៌មានជាតិ៦ នាទីutes មុន

វិទ្យាស្ថានពហុបច្ចេកទេសយ៉ាងចូវ ផ្តល់អាហារូបករណ៍ថ្នាក់បរិញ្ញាបត្ររង ១០កន្លែង សម្រាប់ឆ្នាំសិក្សា២០២៥

ព័ត៌មានអន្ដរជាតិ៧ នាទីutes មុន

​ផ្ទុះ​ការ​បាញ់​ប្រហារ​នៅថៃសម្លាប់មនុស្ស​៣នាក់ និង​​​បង្ក​របួស និង​ការ​បិទសាលារៀន​

សេដ្ឋកិច្ច១២ នាទីutes មុន

វិស័យឯកជន និងអ្នកជំនាញមើលឃើញសញ្ញាវិជ្ជមានរបស់កម្ពុជាក្នុងការចរចាពន្ធជាមួយអាមេរិក

Sokha Hotels

ព័ត៌មានពេញនិយម